Unicode
လေထဲမှာတလွင့်လွင့်လူးနေတဲ့ သွေးနီရောင် နီစွေးစွေး လက်ထက်မင်္ဂလာဝတ်စုံဝတ်ထားတဲ့ သူမဟာ ဆုတောင်းဝတ်ပြုစင်မြင့်ထက်ရပ်ရင်း ရှေ့က ခေါင်းငုံ့အရိုအသေပေးလျက်ရှိတဲ့ မှူးမတ်အရာရှိတွေထံ ပုတီးစေ့မျက်နှာကန့်လန့်ကာကို ဖြတ်လို့ ကြည့်နေမိသည်။ တခြားနေရာကို လွဲမိတဲ့သူမရဲ့ အကြည့်တွေက ထိုက်ချန်းတောင်ခြေ (Mt. Taitai) မှာရပ်နေတဲ့ တော်ဝင်သက်တော်စောင့်ကိုယ်ပေါ် ကျရောက်သွားသည်။ အဲဒီ သက်တော်စောင့်ကိုယ်ပေါ်မှာ ဝတ်ဆင်ထားတဲ့ ငွေရောင်သံချပ်ကာဝတ်စုံ၊ စစ်တပ်စီးအနက်ရောင်ဖိနပ်နဲ့ ခါးမှာချိတ်ဆွဲထားတဲ့ ကျောက်စိမ်းဆွဲပြားတွေက မင်းသမီးလေးရဲ့ အထူးတော်ဝင်အနီးကပ် သက်တော်စောင့်ဖြစ်ကြောင်း ညွှန်ပြနေလေရဲ့။
ထိုကိုယ်ရံတော်ဟာ မင်းသမီးလေးရဲ့ အနီးကပ်သက်တော်စောင့်.....ပြီးတော့....သူမချစ်ရပါသော တစ်ဦးတည်းသော အမျိုးသားလည်း ဖြစ်ခဲ့တာပေါ့.....။
သူမရဲ့ အနီးကပ်အစေခံက ဆုတောင်းပူဇော်ဖို့ ဝိုင်အရက် (၃)ခွက် ကမ်းလို့ပေးလာတဲ့အခါ သူမ လှမ်းမယူဖြစ်ပဲ မလှုပ်မယှက် မေးလေးမော့လို့ ထိုအမျိုးသားဆီကို စိန်ခေါ်သလို ခေါင်းမာတဲ့အကြည့်တွေနဲ့ မမှိတ်မသုန် စူးစိုက်လို့ကြည့်နေမိတယ်။ ဒီလို သို့လောသို့လော အခြေအနေမှာ သူမကို ဘယ်သူမှ အတင်းအကြပ်မပြောရဲကြတဲ့ အောက်က မှူးမတ်တွေဟာ အခမ်းအနားစတင်လို့မရသေးတာနဲ့အမျှ အောင့်အီးသည်းခံဖို့မတတ်နိုင်ပဲ အချင်းချင်း တီးတိုးတီးတိုး ပြောဆိုနေကြတာ ဖြေးဖြေးကျယ်လောင်လာခဲ့သည်။
ဒီကျယ်လောင်လာတဲ့ တီးတိုးအသံတွေက နောက်ဆုံးတော့ သစ်သားပန်းပုရုပ်လို အတောင့်လိုက်ရပ်နေတဲ့ သက်တော်စောင့်အမျိုးသားကို လှုပ်နိူးလိုက်သည်။ သူ လှည့်ကြည့်လိုက်တော့ မင်းသမီးလေးရဲ့ မျက်ဝန်းတွေနဲ့ဆုံမိပြီး အတန်ကြာငေးစိုက် ကြည့်နေမိကြသည်။ လက်ထက်မင်္ဂလာဝတ်စုံဇာမဏီခေါင်းဆောင်း ဝတ်ဆင်ထားတဲ့ သူ့ရဲ့မင်းသမီးလေးဟာ ဒီတစ်ကမ္ဘာလုံးကရှိသမျှအမျိုးသမီးအားလုံးထက် အလှဆုံးပဲ။ ဒါပေမယ့် သူဘယ်သောအခါမှ ထိတွေ့နိုင်မှာ မဟုတ်ဘူး။ သူ့မှာ ငေးကြည့်ရုံတောင် သူတပါးသတိမထားမိအောင် ထိန်းချုပ်စောင့်ထိန်းနေခဲ့ရသည်။
YOU ARE READING
Overturning the World (Myanmar Translation)
Short StoryA Short Story by Jiu Lu Fei Xiang ရှင်းချီ Qing Shi (倾世) 倾 means to overturn; to collapse; to lean, and 世 means life; age; world; lifetime. Her name is also what the story is called. Original Publisher : jjwxc English Translator : merak...
