اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و دارت مكياج خفيف وهبطت تفطر باش تروح تدير shopping خرجت وقعدت تدور لي ماڨازا كامل دخلت لهم و بالسيف باش ختارت لبسات تليق بيها وشرات مكياج و شرات بزاف حوايج ورجعت للدار يعني اليوم يوم عادي مفيهش احداث ونفس الشيء صرا ليزن ------------- صباح جديد واليوم ثاني ويكاند يعني متخدمش كانت قاعدة في شمبرتها حتى جات عندها أمها اون هي: بنتي هاو مسحقك بوك نيهان:وي ماما نلبس ونهبط لبست نيهان بيجاما وهبطت عند باباها وقعد قدامو نيهان: غير الخير بابا واش كاين مراد: حبيت نحكي معاك في واحد الموضوع نتي ذرك يا بنتي كبرتي ولازم ديري دار وصاحبي حاب يزوجك لابنو نيهان: لالا بابا انا مزلت ثغيرة ومزلت حابة نعيش حياتي مانيش حابة نتزوج مراد: بنتي والله ناس ملاح خممي مليح ونبعد رديلي والله اني حابة نزوجك ونشوف احفادك قبل ما نموت نيهان: بعيد الشر عليك بابا والله متزيدش تحكي هكا.. شكون صاحبك هذا واسمو وليدو مراد: يزن وليد أمين نيهان:(قعدت ساكتة و مندهشة من يلي خطبها كانت راح ترفض بصح مرةحش يكون باباها سعيد وراضي بيها فقبلت تضحي بسعادتها على جال بوها) مراد: ايه بنتي واش قلتي نيهان: يلي تشوفو نتا بابا هذاك هو الصح مراد فرح و قال لها ذرك نقولو بلي رانا قابلين --------------------- نرجعوا عند يزن يزن: كيفاه يعني تزوجوني بلا ما تشاوروني وزيد خلاصو عليكم لبمات حتى تختارو نيهان بنت مراد انا عندي حبيبتي غير هي يلي نتزوجها كريمة: علاه يا بني تحكي على طفلة كيما هكا واصلا سيرين هذيك يلي راك معاها تجري ولا صواردك و اكل علابالنا بلي سرقت قداه من واحد تسما متدقش حتى تسرقك انا غير هاذيك متدخلش لداري وغير بنت سي مراد يلي تدخل و اذا ما قبلتش ماك بني ماني أمك و أمين ماهو باباك يزن غير سمع هكاك محبش يخسر والديه و محبش يتزوج بنيهان قرر يوافق وبعد 6 شهور يطلقها و يقول لهم بلي متفاهمش معاها خرج بلا ما يقول لهم الجواب يتبع....
