عشقنى صعيدى ❤️
اقتباس من بارت 8 ❤️
كانت تنظر له تلك المسكينة بصدمة عارمة وهى غير مصدقة لما يقوله بأى شكل وعقلها رافض مجرد فكرة الاستيعاب لما يقول
تنظر له تارة و ليده المطبقة على يدها بعنف غير معهود تارة أخرى
سليم وهو يسحبها خلفه بعنف حتى كادت تتعثر عدة مرات ودلفوا لشقة بهذا البرج الخالى من السكان كما يتضح واغلق الباب خلفه بعنف شديد والقاها على الأرض لتتأوه بألم كبير : رحبى بچحيمك يا بنت عمى
فريدة بصدمة : سليم انت بتعمل اي
سليم بغضب جحيمى : بعمل اللى مستنى اعمله من يوم ما شوفت خلقتك
فريدة بصدمة ودموع : اي
سليم : فاكرانى هقع فى حبك انا فى حياتى متخنقتش أد اليومين اللى عيشتهم معاكى عشان اعرف اجيبك لهنا بس
كانت تنظر له بصدمة الدنيا وهى غير مستوعبه حديثه وتريد الانفجار والبكاء مريرا ولكن جفت عيونها ولا تستطيع حتى ظرف بضع الدموع من الذهول
يا ترى اي اللى حصل لسليم ؟!
اقتباس ٢
كانت تسير تلك الأجنبية بحديقة المنزل ليلا بعد أن استيقظت ووجدت الجميع نائم وهى ترتدى بنطلون جينز ضيق للغاية وتيشيرت لونه ابيض بكم ولكن هى ترفع اكمامه قليلا لاعلى و يملئه الفراشات الرقيقة وتطلق لشعرها الاسمر القصير العنان ليتخذ مجراه لكتفيها
قررت الخروج من القصر تستكشف ما حوله لبضع دقائق وتعود مرة أخرى
وهى تسير ومن دون وعى منها تتقدم فى السير حتى ابتعدت عن القصر بمسافة ليست بقليلة
ولاحظت سيدة تضرب طفل صغير بقسوة شديدة وهو يبكى
اتجهت إليهم والضيق على وجهها
جيسيكا بغضب وكلام مكسر : انتى ازاى بتضربيه كده
السيدة بغضب ولهجة صعيدية تخوف بعض الشيء : مين انتى عشان تدخلى اياك وايه الخلجات الماسخة ديه
جيسيكا بغضب : انا جيسيكا البنداري ( اي الاسم اللى مش راكب على بعضه ده حاجة كده فى رينج البلطجية الكيوت 🌚😂😂😂😂 ) انتى بقى اللى مين وازاى تعنفى الولد بالشكل ده انا هبلغ عنك
لاحظت الست لغتها الغير منتمية لبلدتهم لتردف بخبث : انتى شكلك مش من اهنيه صوح
جيسيكا بعدم راحة : انا من اميريكا
السيدة بخبث : طب مين انتى يعنى بت مين فى البلد عاد بيتك فين يا سنيورة
جيسيكا شعرت بعدم راحة لها ابدا : لماذا تعاملها كالاطفال هكذا
لتنظر جيسيكا خلفها ولم تستدل على معالم الطريق لعودتها للقصر الهذة الدرجة ابتعدت عن القصر
السيدة بخبث وهى تقترب منها ببطء : تحبى اوصلك مكان ما تحبى
لم تستطع جيسيكا الرد عليها بسبب تلك التى كممت فمها بمنديل يحتوى على مادة تخدير بالتأكيد لتسقط هى فى
دائرة من الظلام وتستسلم لحالة الا وعى
يا ترى اي هيحصل فى جيسيكا وهى كويسة والا لا ؟!
اقتباس على الضيق كده لزوم التشويق 😂❤️
#الكاتبة_فاطمة_سعيد ♥️
أنت تقرأ
عشقنى صعيدى ❤️
Romanceالسرد فصحى والحوار عامى رواية تحتوى على معلومات فى عدة مجالات لها الهدف المخصص لها والذى سنتعرف عليه من خلال قرائتها مرحة وكوميدية واكشن ورومانسى ودراما متنوعة من الاخر وبها جانب دينى كبير أيضا 💙
