إسكريبتات⁦❤️⁩

فرصه تانيه ❤️

وعد يوعد

فوقت من سرحانى ع صوت ماما لبيت ندائها ورجعت لغرفتى من تانى او بمعنى أصح عالمى....

كل واحد فحياته اكيد اتعرض لصدمات فحياته كسرته نصين بس اللى حصل معايا فتفت كل شبر جوايا انا مكنتش كدة من سنتين انا كنت مبهجه ومرحه بس اللى حصل طفانى من اول موت والدى اللى كان سند وضهر ليا لخطوبتى اللى اتفركشت بعد قصه حب عظيمه ووعود وعدناها لبعض فاكرة اول مرة اتكلمنا لما قولتله لو بتلعب ابعد علاج بعدك دلوقتى اهون من بعدين ساعتها

رد وقال : عمرى ما هبعد...

بس مكنش قد الوعد وبعد ف أكتر وقت كنت محتجاه فيه...

نسيت اعرفكوا بنفسي انا وعد حسين الصاوى خريجه السن صينى  حياتى روتينيه ممله مفهاش شغف بمعنى اصح عايشه ميته...معتقدش شغفى للحياه هيرجع فيوم تانى...

زى اي يوم عادى صحيت اتوضيت لبست صليت فطرت ثم نزلت انا دكتور ف الكليه نسيت أقولكوا إنى كنت كل سنه بطلع الاولى ع الدفعه...خطيبى"السابق" كان مهندس فشركه بترول اتعرفنا على بعض فكافيه ف المنيل نسيت اقولكوا انا كان اغلب وقتى هناك ومازلت بصحى بدرى اروح هناك اشرب القهوه وأقرى كتاب وبعدين اروح محاضراتى ...

روحت و كالعادة قعدت ع الترابيزة طلبت القهوه زيادة مهو مش هتبق هى وحياتى مره خلصت وروحت الجامعه عندى محاضرتين خلصتهم وروحت ورجعت تانى لنفس العزله وده بعد ما اتغديت مع ماما وبعد ما جاوبت ع سؤالها المعتاد..

..هترجعى وعد اللى كانت الضحكه مبتتشالش من وشها امتى؟!

وكانت اجابتى..لما بابا يرجع ساعتها انا هرجع..

ورجعت تانى لسرحانى وفضلت افكر هو اى ذنبى ف الحياه عشان يحصلى كل ده سندى يروح وفنفس اللحظه حبيبى يسبنى معتقدش ان عملت ذنب كبير اوى للدرجه عشان اتعاقب كدة ...انا راضيه بقضاء ربنا واكيد ليه حكمه فكل اللى حصل ولو كان خيرا لبقى..

صحيت تانى يوم جهزت شنطه سفرى اه زى ما توقعتوا مسافره 4 ايام تبع الكليه وماما ع غير عادتها وافقت يمكن وافقت عشان زى ما بتقول اغير جو وكدة يمكن شغفى يرجع تانى بس معتقدش ده هيحصل

روحت الجامعه وركبنا مع الطلبه الاتوبيس وابتدت الرحله الرحله اللى مكنتش اتوقع خالص إنها هتقلب حياتى 180 درجه..

قطع سرحانى فجأه ايد بتتمد تشد الكتاب من ايدى وبكل سماجه

...انا اكرم دكتور معاكى ومشرف معاكى برضو

مردتش عليه و شديت الكتاب من ايده و كملت اللى كنت بقراه لقيت نفس السمج سحب الكتاب تانى وقفله وقال : قله ذوق مبحبش

وعد..والله وهو انا برضو اللى سحبت الكتاب من ايدك!!

اكرم..ملقتش الطف من دى طريقه اتعرف عليكى بيها