مـا بَـيـن الـ سَـقـر

" الذنب الاول "

Notice :

I am the calm after the storm ...

« الـذنـب الاول  »
______________

الهدوء مسيطر علة المكان
ماكو أي صوت
الكل نايم  .....

الكل نايم بـ راحة عدا هـي  !!

شلت دشداشتي ومشيت علة اطراف اصابيعي حتة محد يحس علية اخاف انضرب
اخاف يحرگوني  !!!

تقربت بهدوء لغرفتهة باوعت يمنة يسرة خاف اكو احد يشوفني هنا بس تطمنت ماكو احد 

تقربت اكثر للباب خليت اذني عليه اسمع شنو يصير جوة  بس ماكو صوت  !!!!

دقايق مرت

غمضت حييييييييل من سمعت صوتهة داخل الغرفة تـون

وصوتة يضحك  !!

صوت ضرب  !
صوت الم  !
صوت عذاب  !!!!!

اصوات بداخلي متناقضة
اصوات تكلي ادخلي  !! روحج جوة تتعذب
وصوت طفلة بداخلي خايفة وما تگدر تدخل

وبين الاصوات المتناقضة
فزيت علة صوت تكسير  وعياط

هي فزة هي وكفة وشهگت من گل گلبي 

باوعت لرميم همات فزت وگبل اجتني رادت تلزمني دفعتهة حيييل

گعدت علة الجرباية ارجف رجف  ..
حسيت گلبي راح يطلع من مكانة

رميم : شبيج شكو شصاير
يااا هذول شبيهم  ؟؟؟؟؟  سوالج شي بابا شكو

باوعتلهة عيوني مدمعة باوعت لجسمي شلون يختض خض هنا عرفت الي بية شنو ...

راحت صبت مي وجابتلي اخذتة شربتة كلة دفعة وحدة اريد بس شي يهدي جسمي ويرجع طبيعي

كعدت رميم  يمي علة الجرباية وكالت  :

شبيج سديم هم حلمتي ؟؟؟

باوعتلهة

_ حلمت  ؟ قصدج تذكرت ...

تنهدت ومسحت وجهة باوعت للباب لأن مستمر صوت العياط والتكسير من برة 

رميم : هذول شبيهم من الصباحيات نوب  !!!

_ ما اعرف

رميم : من شوكت هم يتعاركون

_ ما اعرف

رميم  : لججج سعدة البربوك ومرض وسم شجاج
شبيكممم واحد مااا يعرف ينام ينطمر بهلبيييت

ترااا كل الليل شغل شغل شغل نوب تفززوني من الصباحيات سالمييين  !!!!!!

هسة اذا خربت بشرتي لأن ماكو نوم وين اروح  ؟؟ شسوي؟؟  مو والله اسويهة ظلمة عليكم
وحق هذااا الله بعد  ؟؟؟

باوعتلهة بـ استهزاء شافتني هيج اباوع عگدت حاجبهة 

قرفانة منهم ومنهة ومني ومن الكل  ...