دموع يتيمه💔

الحلقه ١

دموع يتيمه💔
المقدمه و الحلقه1
للكاتبه 💕فافي بنوته💕
قعمزت وهيا مضايقه وشافت ل يدها كيف متشققه
وشافت لي رجليها كيف متشققات💔 ناضت شافت ل روحها ف مرايا وضحكت بستهزاء ... خدت مكنسه وناضت تمسح بكل طاقتها عشان تحصل فلوس هلبا
انفتح الباب وخشت بنت لابسه احلى لبس وطالقه شعرها وباين عليها من اغنى البنات .
نسرين:افف هيا نضفي بسرعه طولتي رااه
اسيل ابتسمت :كملت تقدري تخشي وانتي متريحه
نسرين :تمام انزلي لوطه تبيك ماما
طلعت اسيل بمنضرها يلي يشوفها يقول انها شحاته
شاده مكنسه حطتها برا ونزلت وهيا تشوف للقصر وكيف هيا ب العمر هدا لمعت قصر بروحها لأنه ضروف اجبرتها ادير هكي💔
اسيله واقفه قدام صاحبت الحوش وهيا متوتره وشاده صوابعها بتوتر:خبرتني بنتك انك ناديتي عليه
نوال بجديه: نشكرك ع مجهودك يلي درتيه ف الحوش وطبعا عجبني تلميعك للحوش ونا ناويه انخدمك عندي
شبحتلها اسيل ب فرح:شكرا يشرفني نخدم عندكم
نوال :اول شي احكيلي عليك
اسيل تلاشت فرحتها :انا اسيل من دار الايتام لمه صار عمري 18سنه طلعوني وقعدت نخدم ف خشان ناس بيش نخلص اجار الحوش وهدا بس
نوال :طبعا معلومات هدي كلها نعرفها لاكن حبيت نتأكد
اسيل ساكته ومشبكه يديها
نوال:ومن توا تقدري تخدمي  اركبي فوق تلقي خدامه توريلك دار الخدم وين ولبسك هدا منبشي تلقي كل شي فوق
اسيل ابتسمت:شكرا
نوال:تقدري تمشي
ركبت اسيل فوق وهيا تجري وفرحانه شافت الخادمه :اهلين
الخادمه:اسيل صح
اسيل:اي
الخادمه:تعالي نوريلك دارك
تمشي الخادمه ووراها اسيل وهيا ميته من الفرح لأنه متوقعت بتقعد هنا
الخادمه:هدي دارك وهدينا دبشك يلي بتلبسيهم ودبش هدا معاش تلبسيه هدينا أوامر صاحبة البيت
اسيل :تمام شكرا
الخادمه:انا اسمي صباح عمري35متجوزه تبي شي تعاليلي
اسيل :تمام
صباح طلعت وسكرت دار وراها
طاحت اسيل ع سرير وهيا فرحانه❤
_______________________________________
خش للحوش وهوا حامق وقف قدامها :شنو تبي انتي بضبط؟؟
سميرة خافت منه:نبي كأي متجوزين
صدام:نعم؟؟كأي متجوزين ؟؟انتي منو اصلا بيش نلمسك او نقربك ؟؟انتي عبارة ع وحده فاسده تكلم ف شباب
سميرة تبكي:سامحني ب..
صدام بصوت عالي :فمك صكريه
طلع من جناح وهوا متكنطي شاف ل أمه بعصبيه وركب فوق طول
_____!__!_____________!__________________
اسيل ناضت من سرير وهياا فرحانه عندها دار برحها
كانت دار عباره عن سرير فقط ودولاب صغير  ومرايا
كانت دار بسيطه جدا لاكن كانت فرحة اسيل بيها كبيرة❤
خدت بدلة وجت بتخش الحمام انفتح باب بقوه
اسيل طيحت دبش من يدها من الخلعه
صدام مصدووم يشوف ل دبشها كيف متشرك وبايد
وجها اصفر من قلة اكال
اسيل تشوفله وترمش ف عيونها
صدام:انتي خادمه؟؟
اسيل ابتسمت:اي
صدام شافلها بنضرة طويله وهوا مستغرب وسكر دار وطلع وقعد حاير وين بيرقد لأنه هدي دار الوحيد يلي كانت فاضيه ويرقد فيها ... تنهد ونزل خش دار خوه ورقد
________________________
نوال بعصبيه:انا عطيتك جناح بروحك مش عشان عيونك عشان تنسي ولدي ب حبيبته الأوله
سميرة ناضت من صالون وشافتلها:اسس بشويا انتي تعرفي روحك مع من تتكلمي صح ولامتخلنيش انقول كل شي ل صدام
نوال شافتلها وهيا ماسكه اعصابها:لوطلع سر من فمك تعرفي شن اندير
سميره قعزت ع صلون ومدت رجلها ع طاوله شافتلها بنضره اطلعي باب وراك
نوال ابتسمت وطلعت وكأنها عندها خطه بيش تتخلص منها🔥
_____________________________
طلعت اسيل من الحمام لبست  بدله الخدم
كان عبارة ع سروال اسود وقميص اسود فوقه ربطه بيضه وكندره سوده ولمه شعرها كعكه وحطه وشاح بلون اسود ممزوج ب ابيض كان منضرها كيوث
اسيل:اااه هادا وين حسيت روحي نضيفه
خشت صباح :اسيل يالله ضمي دار انس ومتخلي شي فيها لمعيها تلميع
اسيل :داره وين
صباح دور تاني جنب دار نسرين يلي كنتي تنصفي فيها
اسيل :حاضر
نزلت اسيل وهيا تشوف فروحها زي أنيقات نزلت وخشت دار وسكرتها وفتحت فمها بدهوول لمه شافت الدار كبيره وفيها حمام كانت دار كلها بحجر فرعوني انصدمت وشافت للمرايا وحطت يدها تتلمس فيها وهيا مستغربه
صدام يتكلم من تحت بطانيه:لوسمحتي لو كملتي اعجاب بلشي ضمي الدار
قفزت أسيل :أاا سيد انس انا اااء اسفه م م مكانش قصدي
حول صدام بطنيه وشافلها
ابتسمتله اسيل بتسامه عريضه لين قريب فمها انشرك😂
صدام ضيق عيونه
اسيل بغباء: نفتح باب بيش تخش شمس ونقدر انضم
صدام قلب عيونه وناض قرب منها:انا صدام مش انس وطلع وسكر الباب
اسيل :اااف توا من وين بنضم انا اااخ ياربي صبر بس
قعمزت ع سرير تمنت روحها لوكانت عندها عيله وخوت فاقت من احلامها وناضت اضم ف دار
كان صدام يراقب فيها من بعيد وشاد ملف امتعها وهوا مستغرب من بنت عمرها 20تخدم خدامه وتخدم ف حوش ناس هل كل الأيتام هكي حياتهم؟؟
نزل وخش ل جناحه طول دار دوش ع سرير ولبس وطلع ومرته تشوفله وهوا ولا كأنه معاه حد ف حوش.
________________________________
كانت صباح تحط ف عشاء ع طاوله
نزلت أسيل خشت دار يلي خشتلها صباح تفاجأت ان دار كبيره كبيره بشكل غريب كانت فيها طاوله من قزاز لونها ذهبيه وكراسي لونهم ذهبي وفوقها شمووع وتريه كبيره فيها اضواء خفيفه وقويه فاقت من صدمتها لمه صبح حركت يدها قدامها
صباح :وين مشيتي
اسيل خدت نفس :شي بس الواحد قعد يحلم بأحلام مش ليه💔مهم انا مكسده نبي اساعدك
صباح ابتسمت:تعالي باه بسرعه بيش انكملو بسرعه
خشت اسيل مطبخ وهياا تتكلم :كم ف خدامه هنا
صباح تحط ف ليل جنب كبده:انا وأنتي بس وحده اطيب وأنتي شورك الحوش
اسيل تاخد ف مناديل وتحط عليهم ف كواشيك :ليش اتنين بس
صباح رفعت صحن كبده وتتكلم وهيا طالعه:ماهو سيد عادل مايحبش كثرت الخدم طالب 2بس
اسيل تمشي وراها وشاده صفرة كواشيك:اها صح هكي خير لاكن انتي تعب عليك الحق وراك حوش وراجلك وين ؟؟
صباح تواسي ف حصن كبده وتاخد ف كواشيك من اسيل:انا راجلي مداير عمليه ع فتق (بعج)ميقدرش يخدم وحتى كان خدم معاشه 200ف شهر
اسيل:عندك صغار  وين تخلي فيهم
صباح:عندي اربعه ولدين وبنتين نخلي فيهم ف حوش ف حماية ربي
اسيل ابتسمت:ربي يحفضهم امالا نحطو العشاء وانتي روحي انا نغسل عليك الماعين
صباح:تسلمي .. لالا ت
اسيل:خلاص انا يعني انتي خليك مع صغار
وفجأءه يسمعو صوت
انس مقعمز:سلمكم ياربي
اسيل شافت بصدمه ل أنس وبعدها شافت صدام وجنبه مرته
صباح خدت صفرت كواشيك:اسفين
وطلعت طول ولحقتها اسيل
______________________________
صباااح :ههه كله منك منتبهتش كيف خشو
اسيل:من يلي جنب سيد صدام
صباح:مرته
اسيل:خيرها هكي شايفه روحها خشمها اطول من كعبها
صباح ضحكت:اس حي عليك يسمعوك
اسيل:باه هي البسي وروحي شوفي صغارك مرات يبو شي وشوفي راجلك
صباح:بارك فيك الله وطلعت طول .
ولت صباح :امشي اوقفي بحداهم بعيد مرات يطلبو شي
اسيل :حاضر
_________________________
_______
قعمزت عيله كلها ع طاوله وكان عادل بوهم امقعمز بكل فخر
خشت اسيل وقفت بعيد عليهم
شافتلها نوال:وين خادمه صباح
اسيل تتكلم وعيونها لوطه:مريضه ونا قتلها نكمل عليك
شافلها عادل:اها انتي خادمه جديده
اسيل ابتسمتله
عادل كمل ياكل وهوا يهدرز مع أولاده
اسيل شافت ل نسرين وتمنت روحها لوكانت ف مكانها
فجاءه شافت لي صدام لقاته يشوفلها وهوا منقر حواجبه
نزلت عيونها وهيا تتكلم داخلها بسم عيونه زي شيطان نخاف منهم.
_________________________
كانت ساعه 11
تغسل اسيل ف ماعين وهيا تاعبه
خش انس وقعمز :بالله اميه
برمت اسيل وشافتله:ف تلاجه
وكملت غسل .
انس:🙂اه حقه ههه نقدر نجيبها بروحي مش ل هدرجه نقعد نطلب ههه حشمتني ياقرده
اسيل ضحكت سكرت شيشمه وتلفتت ومسحت يديها :تبي شي تاني قبل مانطلع
خشت سميره شافتلها من لوطه ل فوق:خدامه لوسمحتي جيبيلي صحن فواكه ل جناحي
وطلعت وهياا تتمايل .
اسيل تقلد فيها:لو سمحتي نبي صحن فواكه
انس بعد شاف وجها  وهيا اتقلد فيها طلع اميه من فمه
اسيل انتبهت:اسفه معليش مش قصدي اأأ
انس ناض:بيني وبينك حتى انا نكرها جسمها يتمايل زي لفعه اعوزو بالله
اسيل ضحكت :تو تسمعنه
انس طلع وهوا يضحك... 
___________________________
مقعمز صدام ف فراشه ويتفرج ع تلفيزون
وقدامه سميرة مره مره تتحرك وادير ف حركات مغريه بس هوا مش معبرها ابداً.
ناض صدام سمع باب جناح طق فتح باب
اسيل ابتسمت:السيده مرتك طلبت فواكه.
صدام :اها اسمها سيده مرتي
اسيل فوق راسها علامة الغباء(!) :تفضل
صدام خداها منها :اسمها تمره
اسيل :☺عاشت الأسامي ومشت  تكلم ف روحها شنو تمره هدي؟؟؟
خش صدام للدا وحط صونيه وطلع للبلاكونه يدخن
___________________________
حطت اسيل راسها ع مخده وكأنه حطت راسها ف جنه شعور ب ألأمان مش زي قبل ترقد ف شوارع تحت حيشان اوبركات....غمضت عيونها وهيا متغطيه وخشت ف نوم عميق
______________________________
تاني يوم صبح كانت اسيل وصباح ف صاله وانس يبصر عليهم ويضحكو... طلع صدام ومرته كلهم سكتو
صباح :صباحكم خير
اسيل:صباح خير سيد صدام وسيده تمره☺
كلهم انصدمو وطول يطلقها انس ضحكه وام صدام ابتسم وحك شعره ام صباح انسحبت قبل متقعد تضحك
سميرة تنفرزت من انس:نعمم ؟؟تعرفي روحك شن تحكي انتي تستهزي بيا ع أسم تمره
اسيل توترت وشافت ل صدام:سيد صدام امس قالي اسمها تمره.
وينفلق انس من ضحك من جديد وهوا يأشر ل خوه ان مش قادر يسكت
سميرة شافت ل صدام بعصبيه وخشت للجناح وسكراته..
اسيل طول ركبت فوق
صدام شاف ل خوه:هيا سادك ضحك
انس :بنفطرو
صدام :نفطرو ف شركه
طلعو
بعدها طلعت سميره وركبت.... يتبع
للكاتبه 💕فافي بنوته💕