دموع يتيمه💔

الحلقه3

دموع يتيمه💔
الحلقه3
للكاتبه💕فافي بنوته💕
صدام مقعمز ف داره وحاط يده ع عيونه وجنبه انس انفتح الباب ب القوه خشت اسيل وسكرت باب وراها
صدام حول يده وشافلها
انس :خيرك..!؟
أسيل :أدكرت أدكرت
صدام :شنو ادكرتي.؟
اسيل مشبكه يديها:انا قبل ماتموت سميرة شفتها طالعه من دارها متعصبه كانت ورا المزرعه وكأنها تكلم ف حد ويلي تكلم فيه كان مدرق ورا حوش يلي قدامكم بس تجالهت ومشيت.
صدام وقف:ليش ماقلت من قبل
أسيل:حسيته موضوع تافه وفته يعني بس بعد ادكرت قلت يمكن ف شي غلط
انس شافلها:يمكن تعاركت مع واحد من ولاد عمي
وأصلا واضح مش جريمة قتل
صدام سكت وحط يده ع راسه
أسيل طلعت وهيا ساكته
__________________________________
كانت حنان مقعمزه ع كرسي كأنها ملكه كانت شخصيتها قويه بدرجه لاتصوف ❤
كان حوش ساكت لأنه عزي كمل كان هدوء بين الأربعه عادل وكريم نوال وحنان
ناضت حنان بكامل اناقتها:يالا سلام هيا كريم
ناض كريم بدون كلمه وطلعو

اسيل كانت مصدومه لدرجه فمها واصل لأرض كيف متكلموش ولا حتى هدرزو وحتى حنان معزتهاش كان فقط ساكتين  قتلها فضول حطت منشف وسطل وخشت مطبخ ل صباح
أسيل:بنسألك
صباح تغسل ف طواسي:شنو
أسيل:شن قصة قصر يلي قدامنا مع قصر هدا
صباح سكرت الشيشمه ونشفت يدها:شي غامض ومش معروف الاحسن انك متعرفيش انا منعرفش شي لاكن نسمع ف طراطيش مره مره
اسيل:حتى اقاربهم عزو وروحو طول مقعدوش احكي والله خاطرني نعرف
صباح طلعت شافت برا وسكرت المطبخ: حسب ماسمعت عادل وخوه متعاركين والعركه مدخلهاش ب الورثه لانه عركه فيها شي غاامض وكبير ..عندها زوز شباب واحد اكبر من صدام يمكن عمره33يقولو عليه صعب هلباااا وبنضرة وحوده كلهم يموتو ف مكانهم ميضحكش إلا مع اهله فقط لأنه حسب ما سمعت هوا اكتر حد انضر
أسيل حطت يدها ع راسها:أففف شن قصة هدي عندها بنات هيا
صباح:اي بنت وعمرها15تقريبا مرة شفتها قريبه ع قصر هدي معلومات يلي عندي فقط بس ياريت تحاولي متتدخليش بين العيلتين لأنك حتتعبي وتندبي
أسيل بستغراب ":ليش نندم
صباح ناضت:يمكن نخسري روحك او يصيرلك شي يعني خليك ف خدمتك بس
أسيل سرحت وخشت ف عالم تاني
_________________________________
كان مقعمز ويستنشق ف هواء خدي جبده من دخانه ورماااه كان مكان هدا يدكر فيه ب ماضيه الأسود
وقفت حنان قدامه:خش ياوليدي سادك من مكان هدا معاش تقعمز فيه
ناض احمد وهوا حاس بروحه مخنوق شاف ل أمه وحضنها قعد يبكي💔يبكي لأنه انكسر كسر كبير امه معاش تحملت وقعدت تبكي ..

هل الماضي كانا قاسياً معهم ل هده الدرجه💔 ؟!
هل الغموض سوف تنكشف؟!
ماذا سيحدث للعيلتين ؟!

__________________________________
كانت ساعه 12 أسيل بروحها ف مطبخ وصباح روحت  فجاءه اسيل تخايلت شبح سميرة
أسيل:وووك علياا ياربي
صدام؛نبي
أسيل لأنه كانت خايفه هلباا أول ماسمعت صوت صدام عيطت
صدام :خير بلاك
أسيل شدت قلبها :ااه قلبي طلع  نحسابك شبح
انس خش تحت طاوله وماسك ضحكته شد رجل اسيل .. ا
سيل عيطت وقعدت تنقز؛غوله غوله
صدام مسكها:اين غوله هدا انس
انس ميت ضحك تحت طاوله طلع من تحت طاوله انضرب راسه ب طاوله😂:احيي
أسيل ضحكت عليه:يابارد
انس كرها وحضنها وهوا يحك ف راسه من ضربه:ههه خلاص خلاص تعيشي وتشوفي غيرها😂
اسيل ضرباته وهي تضحك
صدام يشوفلهم :ترا أميه
اسيل تباعدت ع انس فتحت تلاجه وطلعت شيشه :تفضل
خدا شيشه وطلع
انس ضربها ع راسها :يلا تصبحي ع خير
اسيل ضحكت :تلاقي خير
شافت أسيل من روشن صدام ياخد ف اميه ويبزع ع روحه ...
طلعت خدت منه أميه:انت خيرك غبي اميه مصقعه
صدام يشولفها وهوا عيونه حمر من دمووع
أسيل:حتى لو كنت مار ب قصة حزينه مديرش هكي لأنك حتتعب تجاهل تقرب من ربي متلقاش خاطي ربي هوا يلي يسمعك مستحيل بشر يسمعلك
فجأءه صدام حضنها وهوا يبكي .. اسيل حست بضلوعها بينكسرو ..