فتحت ملك عيونها في الصباح لتجد تلك المحاليل موصلة بها و أجهزة كثير ، لتشعر بالاختناق و تنزع كل هذه الأجهزة و تقوم بفتح الدولاب و هي تدعوا الله ان احدا ما جلب لها ملابس لتجد حقا طقم لترتديه و تتسلل من الغرفة و لم تجد سوى احمد و مايا أمام الغرفة ...
احمد : حمد لله على السلامة
مايا : يا شيخة خوفتيني عليكي
ملك: يوووه بس بقا تعالوا نمشي قبل ما ابوك يجي
احمد : هنروح فين ؟!
ملك : يلا بينا على الجونه
مايا : الجونه !؟
ملك : أيوه
احمد : لا ما شاء الله هنصيف كمان يعني انا جاي من اخر الدنيا علشان اروح الجونه ما كنت جبتك فينيتسيا (Venezia) و خلصنا
مايا : انتي متأكدة انك لسه عاملة حادثة
ملك : اه ها هتيجوا ولا اروح لوحدي و اعمل واحدة تانية
احمد : لأ على ايه اتفضلي قدامي
ليذهبوا ثلاثتهم لسيارة احمد متجهين إلى الجونا .. بعد قليل ...
ملك : هاتي تلفونك يا مايا
مايا : اتفضلي
لتقم ملك بالاتصال على أحد و بعد بضع دقائق أجاب الطرف الآخر لتقول ملك ...
ملك ؛ أيوه يا ماما
حنين : ملك ازيك يا قلبي انتي فقتي امتى ؟
ملك : انا تمام فقت من شويه
حنين : كده يا ملك توجعي قلبي كده كل ده علشان حيوان
ملك : خلاص يا ماما
حنين : لأ مش خلاص انا و ابوكي كده كده جايينلك و هنشوف موضوع خلاص ده
ملك : لا ما هو ....
حنين : ما هو ايه ؟
ملك : احنا مش في المستشفى
حنين بفزع : اومال فين
ملك : بصراحة كده احنا رايحين نغير جو
حنين : جو يا بنتي انتي لسه كنتي في العمليات
ملك : و النبي يا ماما انا تعبانة و محتاجة اغير جو
حنين : ماشي يا ملك بس طمنيني
ملك : حاضر ، لا إله الا الله
حنين : محمد رسول الله
لتغلق ملك الخط و تعطي الهاتف لمايا و تظل تنظر من النافذة دون اي كلمة يبدو عليها الحزن الشديد غير آلام جسدها لاكنها تكره المشفى تشعر كأنها في الجحيم لا تريد تذكر تلك الأيام التي دائما كرهتها و كرهت بها نفسها ، ظلت شاردة لوقت طويل لا تعلم كم مر عليها من وقت حتى فاقت على صوت اخيها ...
احمد : لوكا وصلنا
ملك : احنا فين دي مش الجونه
احمد : انا واخد اجازة شهر هدلعكم فيه
ملك : ماشي بس احنا فين برضو
احمد : مكان بتحبيه اوي افتحي الشباك و هتعرفي
لتفتح الشباك فيدخل الهواء الطلق شديد الجمال و تسمع صوت البحر لتقول و هي مغمضة العين و فرحة...
ملك : مرسى علم
احمد : ايون عارفك بتحبيها
ملك : بقيت بحب حاجات كتير اوي بعد العملية الاولنية
احمد : خلاص بقا يا لوكا يلا علشان نروح البيت
ملك : ده تلاقيه وسخ اصلا و عايز ينضيف
احمد : لأ ده انتي مش معانا من بدري ، انا كلمت عم سيد ينضفه
ملك : تمام ، بس هو احنا هنفضل هنا
احمد : لأ يا ستي اسبوعين هنا و اسبوعين في الجونه
مايا : طب يلا ننزل علشان انا تعبانة
لتنزل ملك و مايا و احمد من السيارة متجهين للمنزل ليدلف كل واحد منهم لغرفته ، لينتهي هذا اليوم المتعب
كده البارت خلص و شكرا لكل واحد دعمني او كتب كومنت جميل و ياريت تستمروا و انا قريب ان شاء الله هرد على الكومنتات بس عندي مشاكل في الواتباد مش بيفتح الكومنتات
أنت تقرأ
اعتني بقلبي
Romanceتقابل العديد من الناس مشكلتها أنها لا تفهم متى يكونوا الناس صادقين عندما يقولون انهم يحبوننا إلى أن......
