(*الروايه خياله*)
دخلت الشركه وطوالي ع المكتب دخلت طلبت من السكرتيرة تطلب لي قهوه ☕ م شربت منها وجات تاني قالت لي :أستاذ ليث هنا ادخلو
قلت ليها:أيوه خلي يتفضل
*بلسان ليث*
خلصت شرح لي فهد وبعدها طلعت ع شركه تالا البت دي عندها غموض وحزن باين في عيونها مستحيل بت صغيره زيها تشيل حزن زي ده يربي كيف كان ماضيها ~
مشيت داير ادخل السكرتيره وقفتني
وقالت:ي أستاذ دقيقه اكلم انسه تالا أنك هنا
ابتسمت ليها وقلت :تمام اتفضلي
دخلت ليها زي خمسه دقايق جات طالعه
قالت لي: اتفضل ي استاذ
دخلت وسلمت عليها وبقينا نتكلم عن الشغل ومرات نتونس وغايتو جذبت انتباهي 🤍😴
*بلسان تالا*
دخل ليث وبقينا نتونس ونتكلم عن الشغل وهيك وطريقتو في الكلام واسلوبو جذب انتباهي 😪🤍
استأذن وطلع وانا كمان طلعت ع البيت
(ونسبه لي انو الليله م كان في دوام م كان في موظفين بس انا والسكرتيره بس بنجي نراجع الشغل وكده )
مشيت البيت سلمت علي أمي ولقيت عماتي مشو طلعت غرفه ردينه سلمت عليها
وقالت لي : الليله السبت بكره الأحد الامتحان الأول واي🙂
قلت ليها دقيقه اسي جايه مشيت غرفتي سرعهه اتروشت أكرمكم الله وصليت العصر وفرر ع المطبخ جبت سندوتشين وعصير منقه وعلبه نوتيلا وفرر طلعت غرفة ردينه
قالت لي :شوهيدا🌚🔪
قلت ليها :انا جويعه داير أكل ومديت ليها علبه النوتيلا 🌝
قالت لي:مح يلا اشرحي لي
بديت أشرح ليها وأكل لينننن المغرب صلينا وجينا تمينا شرح لحدي العشاء وهكذا
قالت لي : هي خلاص مخي كبس وفهمت
قلت ليها :فهمتي كويس
قالت لي: ايوه
قلت ليها خلاص نكمل بكره ارح نتعشى و نتونس مع امي كمان
قالت لي: خلاص تمام
نزلنا تحت أمي تعاين لينا ساي
قلت ليها: يمزه مالك زعلانه
قالت لينا:اه معندي بنات يسالو مني او يشوفوني حيه ولا ميته
ردينه قالت :بعد الشر يه كانت تالا بتشرح لي بكره أول امتحان أمي قالت: اها يحليكم به اه م اكلتو صح
قلت ليها:اي به جعانين كدي نخش ع المطبخ ده مسكت ردينه ودخلت المطبخ اتلفتا يمين اتلفتا شمال م لقيت حاجه 🌝
طلعنا لي أمي وقلت ليها:نطالب برجوع كرزه باسرع وقت ممكن🌚
أمي عاينت لينا قالت لينا تعالو انا بظبطكم المهم خشينا تاني المطبخ أمي د عملت فته فول كيف الله أعلم المهم اكلنا ومشينا نمنا😴🤍
يتبع...
