انتقام السادة

part 1

1997 /
حسن:  رجعت بذاكرتي جان عمري ٥ سنوات
عمي الوحيد انولدت اله بنيه اسمها استبرق جانت كل بيضه كطن لمست بشرتها جانت ناعمه حيل
ام  استبرق: شو انطيني وخر ايدك لا تلمسها طفله صغيره هسه يتحسس خدها يصير احمر  
ابو استبرق: هاي شبيج عوفي هو طفل خلي يمها
بابا حسن حلوه استبرق (بضحك )
حسن: اي عمو كلش حلوا 
ابو استبرق : دباع باع طالع ع ابو
ابو حسن: هسه شحجه الولد سئلته
وجاوبك بصراحه صريح الولد  (صريح الله يسلمه🌚)
حسن: عمو شوكت تكبر علمود نلعب سوه
ابو استبرق : بعد عمو هواي وتكبر وتلعبون سوه
ابو حسن: جا هاهي ابو استبرق استبرق لحسن
ابو استبرق: هههه هاهي الكم هي بنت العم لابن عمها
●●
"بعد سنوات "
استبرق: صار عمري ٨ سنوات صرت ب ثاني ابتدائي
من وعيت ع دنيا ويه حسن مااسمع
غير كلمه استبرق ل حسن جنت ماافهم شنو يعني بس  احنه طول الوكت سوه
مره جان ويانه طفل كلش متوحش والكل يشكي منه
يتعارك وي الكل خلص الدوام  الكل طلع من الصف
ضليت كاعده كليوم يجي حسن ونطلع سوه  ضليت انتضر
صرت اخاف وحدي طلعت من الصف رحت للساحه انتضر بيها
لكيت الولد وياه كم ولد مثله بيدهم حجار شمرو عليه 
اجه حسن يركض بس شكله هم متعارك قميصه مكطع اول دكم منه وشفته بيها دم لزم ايدي ويركض وكفنه عدل نفسه حسن
استبرق:حسن ليش هيج مسوين بيك
حسن :هذا الثور يحجي عليج ويفشر
استبرق : ليش دافعت عني ابوي دائما ايكول الي يحجي عليك لا تسمعله هو يسكت
حسن: ابوي  يكلي استبرق عرضك وتصير مرتك من تكبر لازم ادافع عليج
استبرق: اي بابا يكول انتو من تكبرون نزوجكم يعني نصير كليوم نلعب سوه بدون ما ماما تصيحني 
رجعنه للبيت ولزمتنه ام حسن وامي ترزل بينه
ام استبرق : كله منوره ابنج حسن مامنورا غير المشاكل كلاسبوع سالفه وهل مسكينه واكعه  بيها وياه
ام حسن:  عيني شنو هل حجي هي بنتج فاهيه تركض وره حسن وي ميروح هي متعرف تعوفه وترجع للبيت اله نكتلت وياه يله ارتاحت
زاد النقاش  بين امي وام حسن وتعاركو امي اخذتني وكالت امشي مانرجع الا ابوج ياخذلنه بيت ابحدنه مكعدنه وي حيايه شني هاي بس تنافخ علينه سمها فوكاها هي ام الراهي  وابنها الزين
"جدي وبيبي متوفين من زمان وعدهم بس ابوي وعمي جهالهم وعدهم بس بيت واحد العايشين بي كلنه عمي وابوي حته يشتغلون نفس الشغل دائما امي تكول ابوج ساكت وعمج ياخذ ربح الشغل كله  ويكله معيشكم ويانه والمسواك لان هو يجيبه تكول جنت بعدني هستوني متزوجه اذا راد يشتريلي شي يستئذن من عمج وياخذ فلوس منه وامي جانت حيل معصبه حلفت ماترجع الا بيت وحدنه 
جنت ادعي انو مانطلع لان بعد مااشوف حسن والعب وياه 
●●
مر اسبوع واحنه ابيت جدي  حته بالمدرسه اذا حجيت وي حسن تكتلني لان بنت خالتي تراقبني
اجه ابويه وعمي ومرت عمي جان وياهم حسن طلعت وياه نلعب
من رجعنه  جانت امي تلم غراضنه حته نرجع  كمت اكمز يم ماما وهي ركعتني ع راسي
ام استبرق: اسمعي راح نرجع بس ماشوفج تمشين وي حسن بس اشوفج تحجين وياه اجويج ع ايدج 
اني سكتت من رجعنه ابوي بنه سياج بين بيتنه وبيت ابو حسن
جان اكو مكان من وره البيت حديقه صغيره من يصير الضهر  وهدوء ماما تلتهي اطلع وي حسن نلعب ونسولف 
كل يوم نطلع سوه ونرجع محد،يدري بس يوم
ام حسن: حسنننننن يمه وينك  حسن تعال طبت للحديقه شافتني
اهو هم انتي امج متدير بالها عليج شويه وتخليج يمها تخورين هسه بله وي ابن عمج زين الله يعلم بعدين تكبرين وتصيرين  وي الغرب 
استبرق: ماعرفت شنو اكول بس احنه  بس نلعب
جرتني من ايدي ودخلت ع بيتنا 
ام حسن: وينج عيني بسهن تعايي
اجت امي شافتني بيدها
ام استبرق:ولج تعاي هنا شواداج يمهم
ام حسن: عيني شويه لزميها لازكه لابني ديربالج عليها مراح يصيرلج شي
ام استبرق: هو اني شمدريني هي تغافلني وتطلع (اشرتلي ب معنى اصبريلي )
ام حسن: ما مصدكه لاكيه لبنتج عريس من هسه لازكتلها بيه
ام استبرق: عيني ليسمعج يكول كاتلين روحنه عليه متسكتين بعدهم  صغار ويلعبون وكم سنه ينسون السالفه وتكبر استبرق ياخذها ابن خالتها هسه قحط حسن مثلاً عوع
ام حسن: تحجي عن حسن هيج وين تلكين نفسه اوي هسه خل ياخذها عود ابن خالتها اخطبله زينه البنات بنات خاله هواي تروحلهن فدوه،استبرق عود تجي ليمهن 
امي ضلت تدفع بيها  وكالت
ام استبرق:  يله عيوني روحي وخطبيله الترديها ام استبرق نايم مو مال نعلي صوتنه ونحجي المضموم طلعي بالحسنه احسن من طلعين بدون كرامتج 
استبرق: ماما ليش هيج تحجون  والله اني وحسن بس نلعب  مامسوين شي
ام استبرق: يما ماعليج منها هاي هيه حجايه نحجت بيوم ولادتج لطشو بيها  اي احد يكلج شي بعد كوليله حسن اخويه الجبير بس
●●●
استبرق: صار عمري ١٦ بطلت من المدرسه وكعدت بالبيت حسن ماشوفه بس بالمناسبات الي نجتمع بيها صار يدرس كليته ابغداد  بس مااحد نسه سالفه استبرق ل حسن امي تضوج من سالفه وتريدني لابن اختها
كل ٣ ايام يجي ابن خالتي ثائر يمنه دائم امي تخلينه ابحدنه جان غثيث كلش لسانه ثكيل اذا راد يحجي سالفه سنه افتهم صادف نفس يوم جيه ثائر لبيتنه حسن جاي من بغداد  عطله نصف السنه جاي يشوف اهله عمي عازمنه وكايل خل نجتمع كلنه صار هواي ممجتمعين 
"جنت  واكفه وي بنات عمي بالمطبخ كلهن طلعن ضليت واكفه بحدي احضر بهاي وارجع ع هاي دخل حسن وكف يمي
حسن: شلونج
استبرق: تفاجئت بس جاوبته الحمدالله انته شلونك
حسن: بخير شنو هاي استبرق كبرانه صايره حليوه
استبرق: ابتسمت وكلت انته،هم صاير جبير و
حسن: و  شنو
استبرق: خجلت حيل فشلت روحي بس كلت بصوت ناصي
و حلو
حسن: احم استبرق اني راح احجي وي عمي وابوي حته نعقد وتصيرين خطيبتي
استبرق : لا حسن اني ماترضه والله اني ثائر ابن خالتي يريدني وماما تكول بس تحجي وي ابوي ونتزوج
حسن: شنو ومن شوكت هل حجي ابوي يدري
استبرق:حسن لا حباب لاتكول بيناتنه هاي هي ماما كالت
حسن: شخبصتيني انتي دروحي بس كولي انتي تردينه ؟
اذا تردينه اني مااحجي بعد
استبرق: لاحسن ثائر غثيث ماريده
برزت ابتسامه ع خده وكال
حسن: جا هاهي احجي وي ابوي اليوم

.....
يتبع

الكاتبه : فاطمه علي