عشــقـت خـادمتــي 🤤♥️
المــقدمـه وحلقـه 1🔥
للگآتبـಿـهہ :丂oo丂o qu乇乇刀♥️
__________
نضت علي صوت عيااط عالي وعرااك قوي لي دارجه الصوت طالع من الحوش كنت في داري خاايفه من بابا يديلي شي قعمزت علي سريري وغطيت وجهي بالورغان واني خايفه .....
انا اسمي لينا مواليد 2001طويله وعيوني كبار عسليات شعري طووويل لعند نهايه ضهري لونه عسلي نقشي علي الابيض جسمي متوسط مش سمينه ومش رقيقه المهم حلوه وكان ديمه يجونا الخطاب لاكن نرفض الان صغيره ....المهم قصتي ان انا البنت الوحيده لي امي وبوي معنديش خووت بكل المهم بووي قاسي وااااجد يكرهناا كان مش عيلته مش عارفه ليش ماما طيبه وااجد معاي وكويسه كانت پالنسبه ليا الاب والام والصديقه المقربه لياا نحبهااا هلبااا ....بوي كان كل يوم طالع يرجع الليل بس ولما يرجع ديماا مكالمات وكان يخدم في جو تهريب ومخدرات وهكي وديمه يروح الساعه 11 سكران ويفش في غله في امي حتي ان في يوم روح فيه سكران جي لي داري بيقتلني الان كان مش وااعي علي روحه مع ان حتي كان واعي عادي يديرها...كان ميصرفش علينا بكل مستحيل يجي يقول شن ناقصكم اوو شي لا يطلع ويخش يعارك وبس ....ماما كانت تخدم طباخه حتي كانو يعرضو عليها تبات عندهم لاكن هيا ترفض علي شاني اني كانو ناس أغنياه وااجد ديمه ماما تمشي لي خدمتها ونقعد انا في الرعب والخوف منطقتنا كانت تخوف اكثرهم تلقيهم سكاره شي يخوف لما ماما تمشي نصكر في جميع البيبان والرواشن ونصكر علي روحي لين اتروح ....المهم اليوم بالتحديد الساعه 12 لليل كنت انا راقده وماما تستنا في بابا المهم روح بابا لي الحوش سكران فتحتله ماما الباب وبدا تكسير في الحوش كله مخاله حتي حاجه وجي يبي حتي يقتل كناا خاايفين هلباا كان يبي يدير جريمه في هالليل بدا يضرب في ماما وماما تعيط ويبي يجيني اني وبدوو عراك والصوت يعلاا اكثر واكثرر .....
انا:ودموعي علي خدي ....ياربي ماما حي عليا يقتلها 😭
شن ندير توا ...لمحت عصاا خديتها وقعدت ننزل بشوي بشوي لعند وصلت لي نهايه الدروج شفت بابا شاد ماما ويضرب فيها باعنف كنت واقفه ودموعي ينزلو من المنظر كنت مش متخيله حد يمد يداه علي ماما خديت العصا يالي معاي وضربته ضربه علي راسه لعند طااح مغمي عليه
ماما:ش شن درتي حي علينا
انا:ماما باللهي عليك معاش قادره نقعد هنا هيا نهربو😭
ماما:المشكله لي وين 😔
انا:هيا تعالي نطلعوو لي اي مكان قبل ينوض يقتلنا 😭
ماما: باهي تعالي نحطوه في الدار ونصكرو عليه
انا:ب به ...شلنا بابا وحطينه في دار وسكرناها بالمفتاح
ماما:هيا امشي واتي شنطك خل نطلعو
انا:به لاكن وين؟؟
ماما:شن رايك نمشو لي الفيلا يالي نخدم فيها
انا:به ..منو بيرفعناا وتوا اكيده في الشارع في مفرخ ؟؟
ماما:باهي اصبري نكلم ولدهم....خدت تليفونها وترن علي الرقم ...لعند رد
ماما:الو
وليد:ايوا
ماما:كيف حالك ياولدي
وليد: الحمدلله كيف حالك انتي
ماما:تنهدت ...من ربي بخير
وليد: خيرك شن في؟؟
ماما:والله ياولدي عندي مشكله في الحوش عادي تجي تاخدني لي حوشكم؟
وليد:تمام مسافه طريق
ماما:تمام ...وصكرت الخط
انا:شن صار؟؟
ماما:اهوو جاي امشي البسي خل نطلعو
انا:تمام ...خشيت لبست بجامتي ولبست عبايتي وطلعت
بيب بيب
ماما:اهو جي هي اطلعي
انا:به ..خديت شنطي وطلعت وراه ماما
ركبنا السياره ..
ماما:السلام عليكم
وليد:وعليكم السلام
انا:اهلا
وليد: شبح فيا من المرايه باقرنه حواجب ...اهلين
ماما:سامحني ياوليدي طلعتك في هالليل
وليد: لاعادي ياخالتي
ماما:ربي يحفضك
وليد:اجمعين...شن سباب طلوعكم؟؟
ماما:ولله عندي راجلي مدايرلنا مشاكل في الحوش
وليد:اهاا
ماما:وهدي يالي معاي بنتي لينا 😊
وليد :يشوفلي من المرايه ياتفنيصه ...تشرفنا
انا:بيك اكثر 😊
وصلنا لي الفيلا
انا:نزلت من السياره فتحت فمي مصدووومه من المنضر كنت مش متخيله في يوم من الايام انخوش لي فيلا زي يالي في المسلسالات 😍كانت عبااره علي حووووش كبييير هلبا وجناان كبير ويجنن فيه مسباح وطوله وكراسي راقياات ودراجيح والعاب هلبا ...وورد يجنن ❤️
وليد:هي تفضلو
ماما:يزيد فضلك
انا:خشيت ورا ماما ووليد قدامنا....خشيت لي الحوش وهنا كانت الصدمه .....يتبـಿـع
هدي الحلقـه الاولـه مـن روايتي الجديده ان شاءلله تكون نالت أعجاب الكل طبعاا هدي روايه من مخيلتي من نسج الخيال وفيها شوي احداث من الواقع ...طبعا نبي تفاعل علي الحلقـه الاولـه عشـان النـزلكـم الثـانيـه 🔥
زعماا شنوو صدمه لينا لما خاشت؟؟
وهل بتعيش حياتها باسلام في الفيلا؟؟
بووهم شن بيصير فيه لما ينوض ويلقا الحوش فاضي؟؟
هدا نعرفووه كله في الحلقه الجايه حبايبي ويالي عنده قروبات ياريت ينشرها فيه نبي رواياتي ينتشرن ❤️
نحببكمممم ❤️💋
للگآتبـಿـهہ :سـ♥ـوٌسـ♥ـوٌآلصـಿـغيرهہ
اكتبولي انكمل او لا❤
