عشــقـت خـادمتــي 🤤♥️
حلقـಿـهہ :2🔥
للگآتبـಿـه:ســوســو الصغيـرهه🔥
__________
انـا:خشيت خلف ماما لين وصلنا داخل وكانت صدمه ليا ...كان حووش كبير وحلو بامعني الكلمه يجنن لمحت راجل ومراه وثلاث بنات مقعمزين يهدرزو ..
نعرفكم علي العيله ❤️
عيله غنيه واجد تتكون من ثلاث ولاد وثلاثه بنات ..الولد الكبير اسمه احمد م 89 متزوج وعنده بنت اسمها ايه عمرها 3سنين وولد اسمه علي عمره 5سنين ومرته انسانه طيبه وفي حالها اسمها هبه م 98 وعـايشين في تـركيا
بعدها ولدهم زين م 95 شاب صايع ديما دخان وسكير هوا ووليد نقشه ع الابيض شعره اسود وعيونه سود كبار طويل وعضلات وتو تتعرفو عليه في الحلقات
بعدها وليد الولد الصغير لمدلع م 97فرخ طايش وصايع متاع كل مره لي بنت لاكن حنون وطيب انسان عصبي واجد لما يعصب معاش يعرف حد لاكن حلو نقشه اسمر عيونه عسليات كبار ولحيه خفيفه زي لون عيونه وحتي شعره نفس للون ومحب لي الرياضه عشقه ومنحكيلكمش علي عضلاته ياحليلي وخلاص 😂 ...طررررف والبنات ديمه وراه 😂❤️
البنات:الاوله حور م 99 طيوبه وحنونه اكثر من خواتها نقشهها حنطييه وشعرها لعند ظهرها وطويله ورقيقه
التانيه نور بنت غيوره ديمه تتجكتر بي فلوسها ودبشها وتغار علي اي شي نقشها ع الاسمر وشعرها اسود قصير لعند رقبتها طولها قصيره شوي ومش سمينه هلبا م2001
الثالثه :ايمان م 2003 ام لسان ديمه شاده النقال ومهيش معبره ولا واحد في الحوش اهم شي هيا وبس كل مره تضحك ع ولد وعايشه حياتها نقشها بيضه وطويله ورقيقه وشعرها بني لعد ظهرها وعيوها بنيات
امهم :اسمها حياه كويسه وحنونه ع الكل 😊
بوهم ....اسمه محمد طيب وحنون في الكل ومهوش منقص حاجه عليهم ومدلع وليد اخر دلع لين مفسده 😒
وليد:طياحح سعدك 😒
_________
ماما:خشي يابنتي
انا:"نوشوش لي ماما "ياماما حسها بايخه
ماما:اسكتي انتي بس
حياه:باابتسامه: اهلين اهلين
ماما:اهليين بيك حيوته
انا:اهلا 😊
حياه:اهلين بيك ياسمحه
حور:اهلا خالتي كيف الحال تفضلوو تفضلو
ماما:الله يزيد فضلك
انا:قعمزنا وقعدت ماما تهدرز مع حياه وبوهم طلع قعدن البنات هنا الثلاثه يفصلن فيا فصاله واني مكتفيه باالابتسامات بس 😅
حور:"جت قعمزت جنبي " اهلين يسمحه
انا:اهلين بيك 😊
حور:شن اسمك
انا:لين وانتي
حور:عاشت الاسامي ..اسمي حور
انا:تسلمي ..عاشت الاسامي
حور:تعيشي وتسمي
انا:اجمعين
حور:مواليد كم😊
انا: م 2001
حور:صغيرونه 😅 انا م 99
انا:ههه العمر كله
حور:تسلمي
وقعدنا نهدرزو وماما دوت لي حياه ان بنقعدو الفتره هدي احداهم (ملاحضه الان ام لين تخدم هناا ف عارضين عليها من قبل تقعد هنا وامته ماتبي اتجي عادي ) ☺️
حياه:حور حور
حور:نعم
حياه:ارفعي البنت لي غرفتها اكيده تاعبنا
حور:حاضر...هيا لينو
انا:هي ...ونضت
حور:هدا جناح النوم لي الجميع هدي داري وهدي دار ايمان ونور ..وهدي دارك ويالي قدامها دار وليد خوي
انا:اها مشاءلله حوشكم كبير 😊
حور:تسلمي هي خشي ارتاحي
انا:تمام ...خشيت لي الدار كانت دار كبيره باحمامها داخل وفيها سرير كبير ودلاب كبير فتحته لقيته فيه ملابس لاكن مخديتش منهن ...خشيت للحمام) اكرمكم الله(دوشت ولبست بجامه وجففت شعري وتمدت ع السرير 😴
____________
تاني يوم ⛅
