قلبي العاشق(الجزء الاول والتاني والثالث)

البارت التاني الجزء الثالث😍

ايذيكووو عاملين ايه ياارب تكونوا بخير😘

يلا بئا متنسوش الفوت عشان بيفرق معايا والله اني اكمل 🥺

البارت الثاني الجزء الثالث😍

صحت من نومها بتكاسل فظيع وهي تفرك عيونها العسلي باناملها وهي تبتسم ابتسامه مشرقه فسمعت صوت خبط ع الباب
همس/ادخل
دخل عمر بابتسامته الجذابه/يلا يلا يلا.. يلا نهاره ابيض.. يلا نهاره فل
ضحكت همس بخفه ع كلامه
عمر/صحصحي كدا عشان  انتي عارفه ورانا اي النهارده
همس بتصنع غباء/ورانا ايه
عمر بغيظ/فرح امك
همس/هههههههههه 😂😂امك تتجوز ده ابوك يولع فينا وفيها
عمر/بطلي لماضه ويلاااا
همس/حاضر.. خمس دقايق بالظبط
عمر/هستناكي برا
قامت همس من مجلسها واخذت شاور منعش وادت فريضتها وغيرت هدومها وخرجت من غرفتها
همس/صباح الخير ي ماما
نوران/صباح النور  حبيبه ماما.. مش هتروحي الكليه
جاء عمر من الخلف / لا مش هنروح النهارده ي ماما 
نوران /ليه ي ولاد
عمر/احم احم.. بما ان النهارده 22/9 وده يوم عظيم ع البشريه كلها... كل سنه وانتي طيبه ي احلي ماما في الدنيا.... ثم قبل يديها
جريت همس علي والدتها وحضنتها بحب
نوران بابتسامة/ي حبايبي ربنا يخليكوا ليا بجد انا بحبكوا اوووي
همس/احنا اكتر ي مامي♥♥
جاء حازم من خلفهم
حازم/اه ي ولاد الكلب انتو
همس/ههههههههههه... بابا بيغير
نوران/عيب عليك ي بابا انت اللي في القلب
حازم/لا خلاص مبتثبتش
عمر بضحك/خلاص ي حج.....
حازم/ابعدي ي بت عن امك ي بت
ابتعدت همس عن امها فحملها حازم وذهب بها الي غرفتهم
عمر/ي حاج واخد الحاجه ع فين بس ورانا مفاجاه النهارده
حازم/اجلها ي ابن الكلب النهارده يومي انا😂😂
ودخل الغرفه وقفلها خلفه
نظر عمر ل همس بابتسامة غيظ/هنعمل ايه
همس/هنستني شهر العسل يخلص
عمر/ههههههه...في احلامك يخلص
في هذه اللحظه انفتح الباب مره اخري
نوران بحرج/يلا ي ولاد
عمر بغمزه/خلصتوا
نوران/وووووولد اتلم
عمر/حاضر😂😂
حازم/ده قركوا
عمر/حصل يسطاااا
حازم/ي واد احترمني ده انا ابوك
عمر/يلا ي زومي وانتي ي نوري ادخلوا البسوا عشان اليوم النهارده هيبقي مختلف
حازم ونوران/حاضر
~~~~~~~~~~~~~~~~~~~~
روفانه /ادم
ادم بابتسامة /عامله ايه
روفانه بابتسامة/الحمدلله... ايه اللي جابك هنا
لم يعرف ماذا يجيب عليها ادم فهو ياتي لكي يراها فقط يري ملامحها التي حفظت في ذاكرته يري ابتسامتها الذي يعشقها بجميع تفاصيلها التي لم تغيب عن باله لحظه
ادم/ااااااانا جاااااي ع عشااااان يعني قصدي.. ااااااه ايه ي بنتي نسيتي اني متخرج من اسنان ف انا جاي هنا احضر ماجستير
روفانه بابتسامة فرحه/بجد ربنا يوفقك
ادم/لو محتاجه حاجه انا معاكي
روفانه /لا انا في اخر سنه خلاص.. ادعيلي بس
ادم بتوهان/ربنا يجعلك من نصيبي
روفانه /ايه
ادم بحرج/ربنا يوفقك
ابتسمت روفانه بحرج وردفت/شكرا.... معلش همشي عشان عندي محاضره
ادم/اتفضلي
غادرت روفانه وبقي ادم بمفرده وردف بعشق/بعشقك
»»»»»»»»»»»»»»»»»»»»»»»»»»»»»»»»
عمر/ايه رايك ي ماما
نوران بحب/ربنا يخليكوا ليا يارب انت وهمس وبابا
كانو في كافيه تم تاجيره لهم فقط في هذا اليوم للاحتفال بعيد ميلاد نوران
همس لحازم/تسمحلي بالرقصه دي
حازم /اسمح اووووي ي اميرتي
لكزته نوران وردفت/هي اميرتك وانا ايه
حازم بضحك/ام اميرتي...يلا ي هموسه
نوران بغيظ اكنها تغير ع زوجها من واحده غريبه وليس ابنته
نوران/واد ي عمر يلا نرقص
عمر بضحك/ههههههه الغيره شعللت ي نوري
نوران/يلا ي واد بطل لماضه
قام عمر م نوران
فغمز حازم عمر بمرح وفي لحظه وهما يدورون في رقصتهم استبدل حازم همس بنوران واستبدل عمر نوران بهمس
نوران /ايه في ايه
عمر/عيش ي معلم😂😂
حازم/حبيبي
همس/ولا اكنكوا في مرحله مراهقه
عمر /هههههه😂😂
~~~~~~~~~~~~~~~~~~~~~~
في مجمع كليات الادبي
وصل كل من قمر ومروان
قمر/احيييه هو احنا هندرس في الكليه دي كلها
مروان/عبيطه احنا لينا فصل هنا
#والله م في اهبل منكوا انتو الاتنين
تحدث بيها عدي من خلفهم
استدار كل من قمر ومروان
عدي/ايذيك ي قمر.. ايذيك ي مروان
قمر/الحمدلله.. ايذيك انت ي عدي
عدي بابتسامة /كويس اوي
مروان ضربه ع قفاه
عدي/اه ي عم في ايه
مروان /مزاجي كدا
عدي /بارد.... ثم وجه كلامه ل قمر مش بارد الواد ده
قمر بابتسامة مضحكه/حصل
مروان بغيظ /اه ي حيوانه بتبعيني
قمر وعدي/هههههه😂😂
قمر/عندي اول محاضره النهارده مع دكتور مصطفي
عدي /بالسلامه انتي بئا
قمر /ايه ي عدي ماله الدكتور ده
عدي  بضحك /بكره تعرفي 😂😂
قمر/غلس
مروان /احسن احسن عشان  تقولي عليا بارد تاني
قمر بحزن/ماشي🥺
عدي /دي زعلت ولا ايه
مروان /ي عم سيبك منها .. انا هروح المحاضره بتاعي وانتي روحي مع عدي عرفها المدرج بتاعها
وذهب مروان
نظر عدي ل قمر وجد الدموع في عيونها
عدي/مالك بتعيطي لي
قمر بخنقه/مفيش
عدي/لا وحيات ابوكي هروح اقتل الواد مروان عشان نزل دموعك دي
قمر بابتسامة /حبيبي ي دودو
عدي بهيام/ايه
قمر بحرج/يلا هروح المحاضره
عدي/وحيات ابوكي قولي تاني
قمر بحده مصطنعه/عددددي
عدي بحرج/يلا بينا ع المحاضره
قمر في نفسها بانتصار/ناس متجيش غير بالعين الحمرا
««««««««««««««««««««««««««««««««««
في شركه الشرقاوي
ياسمين/كل ده شغل ي اسوره...انا تعبت
اسر بضحك/ده احنا لسه بنقول ي هادي
ياسمين /لا خلاص مش قادره...اه ي ضهري ياني
#انا قولت ملكيش في الشغل
تحدث بيها ادهم وهو يدخل عليهم
ياسمين/بابا...
ادهم/بابا مين انا هنا استاذ ادهم
ياسمين بتبريقه/ايه
ادهم/ايه انتي...واخر مره تقولي اسوره..اسمه استاذ اسر
اسر/بلا استاذ اسر بلا زفت انا مبحبش جو الخنيق ده..انا اسوره وبس ي حببتي
ياسمين بابتسامة/حبيبي ي اسوره
ادهم بغيظ/خلي اسوره ينفعك
في هذه الحظه دخل ع عليهم علي واياد
ياسمين بفرحه/الحبايب كلهم اتجمعوااا.....وحشتوني اوووووي
اياد/انتي وحشتيني ي حبيبه خالو
علي/عامله ايه ي ياسووو
ادهم/لااااا مبقاش شغل ده انا هبعتك شركه تانيه ي ياسمين بعيد عن الجو الاسري ده
ياسمين بحزن/اللي حضرتك تشوفه ي بابا
ادهم/اكيد انا عاوز مصلحتك
ياسمين بجمود/اكيد
~~~~~~~~~~~~~~~~~~~~~~~
في المستشفي
هيثم/اتاخرت ليه ي ادم
ادم بارتباك/معلش اصلي كنت بوصل فرح الكليه
#انت هتكدب يلا م هي نازله لوحدها النهارده
اتخض ادم لمصدر الصوت فوجد والده يوسف خلفه
هيثم بضحك/الكداب ملوش رجلين..كنت فين ي دكتور ادم..هعملك خصم ع التاخير
ادم/بصراحه ي عمي كنت في الكليه
هيثم/بتعمل ايه
ادم/كنت بسلم ع روفانه
رفع هيثم حاجبه الايسر بسخريه /وحيات ابوك
ادم/والله
هيثم/طاب راعي انك بتكلم ابوها طيب
ادم /بصراحه انا بحب روفانه وعاوز اتجوزها بس هي تخلص الكليه
هيثم بابتسامة/وانا عارف..ومعنديش مانع بس رايها الاهم
ادم بفرحه/ربنا يخليك يااارب الله يسترك
ثم ذهب اليه وعانقه واخذ يقبله
هيثم بضحك/ي واد ابعد عني ي واد..هرجع في كلامي
ادم/لا خلاص انا رايح اشوف شغلي سلام
وذهب ادم
هيثم/هنبقي نسايب ي يوسف
يوسف/الواد ولا عملي اي احترام 😂طلبها منك للجواز وحبه وهيجيب عيال وانا واقف قدامه ولا اخد رايي
هيثم/😂😂العيال كبرت ي يوسف...ربنا يهنيهم جميعاا
يوسف/اللهم امين
~~~~~~~~~~~~~~~~~~~~~~~~~
بعد انتهاء اليوم وعوده الجميع لمنزلهم
في قصر الشرقاوي
دلفت ياسمين  بصحبه ادهم الي، المنزل
هدير/حمدالله  ع السلامه
ياسمين /الله يسلمك ي ماما
ادهم /الله يسلمك ي حبيبتي....حمزه وصل
#انا جيت اهو
تحدث بيها حمزه وهو يدخل من بابا القصر
اسرعت ياسمين اليه وحضنته فقبل حمزه جبينها
هدير/ربنا يخليكوا ليا كدا وتفضلوا متجمعين حولي
حمزه/ربنا يخليكي لينا ي ماما
جاءت الخادمه عليهم
الخادمه/الغدا جاهز ي هانم
هدير/تمام روحي انتي ...يلا اطلعوا غيروا هدومكم عشان الغدا
وبالفعل ذهب الجميع ليغير ملابسه ثم عادوا الي غرفه السفره
حمزه/تعرف واحد اسمه شريف ي بابا
ادهم بصدمه/ايه..!!!!!!!!!!
«قلبي العاشق»
H.A.K😘😘

ميعادنا الحد ي قمراتي 😘