البحر سمكة سمكة بتزق سمكة سمكة ع الشط واقف واقف صياد بشبكة
_ دههههه صوووت ده صوت
ردت بغضب وقالت : بتقول حاجة يا أفندي؟!
بص و هو بيقلع نضارته وقال : أفندي ؟! انتي لسه طالعة من فيلم ابيض واسود ولا ايه
قالت بعصبية: انت مالك اصلا بيا
رد بغضب : انا جيت جنبك يا بت انتي
_ واحدة قاعدة ف امان الله بتغني مالك بصوتها ؟
_ لا هو انتي تغني براحتك لو لامؤاخذة ف الحمام لكن مش ف البحر
بصت بقرف وقالت : لامؤاخذة و ف الحمام !!! انت بيئة اوي بجد .. وبعدين هو البحر كان ملكك ؟!
قال بتريقة : ع اساس انه كان ملكك و بعدين ايه ياختي عوجة اللسان دي ماله الحمام و لا لازم اقول تواليت
قالت بقرف : سووفاااااااااج
قطع كلامهم ست بتنادي بتقول
_ أسيل تعالي يلا علشان تنزلي شوية معانا الماية علشان بابا ميزعلش يا حبيبي
_ يمامي مش عايزة انزل الرملة بتضايقني
رد بضحك و تريقة : أسيل ده أسمك!!!
قالت بغضب : اه ماله يعني
_ لا بس الاسم ده بيتقال ع بنات كيوت كده مش ع جعفر
ردت بعصبية : تصدق انك مستفز
_ متخليهاش تكبر ف دماغي و ابهدلك بهدلة سودة
_ يمامي يمامي هتعمل ايه .. خوفت انا كده يعني ؟!
قطع كلامهم ست كبيرة جاية عليه و هي بتجري و بتقول بعياط :-
أسد الحقني نوح جاتله نوبة الربو من تاني و البخاخة مش لقياها
رد بتوتر و هو بيجري: ازاي يا ماما مش لقياها ده ممكن يموت فيها انتي بتقولي ايه
حست بزعل و جرت وراهم وقالت : انا دكتورة متقلقوش انا هتصرف
راحت ولقت نوح طفل عنده ست سنين و حست بزعل اكتر ان طفل زي ده يحس بإحساس الخنقة والموت كل شوية
_ متقلقش يا حبيبي خد نفس عميق كده يلا واحد اتنين واحد اتنين
رد بطفولة وقال : مس قادر
_ كأنك سمكة صغنونة بتحاول تتنفس لما يطلعوها الناس من الماية ... يلا يا بطل
_ امممم حااا اممم حاااا
ردت بحنية: شطور براحة بس وانت بتعمل شهيق و زفير .. تيجي بقي معايا نجيب حاجة حلوة و نرجع سوا
_ بس بابا مس هيرضي
بصت لأسد شوية و بعدها قالت للطفل : متخافش يلا بينا و مش هيزعقلك