ولقد عَفوْتُ عن المُسيءِ لأنني
بالرغم من عُمقِ الأسى لا أحقدُ
كاعده على الكرسي وجسمي كله يرجف من الرعب والخوف
بسبب نضراته الي وهو يحقق وياي صار يومين ويريدني اعترف
على شي اني مامسويته رغم احلفله ماخليت امام ولاكتاب ولانبي ماحلقت بي
رغم كل هذا يكلي عيونج تحجي غير شي
_شلون هسه ما الج نيه تعترفين ؟!
_عمو والقران الكريم مو اني مو اني
_استغفرالله القران بريئ منج احجي لاتعبيني ولج
_عمو والل...
بتر جملتي من عاط بيه بصوت خلاني اشهك بصوت عالي وعيوني نفتحن على وسعهن من الخوف
_لاتحلفييين الف مره اعيد لاتحلفين
وهاي اخر فرصه الج اذا ماتحجين انطيج لمقدم ارشد يطيح حضج
مثل اول ساعه جابوج الي اخلي ينسج حليب امج
كمت ابجي بحركه دموعي تنزل على خدي تجويني
وبلعومي نشف احس بي متجرح وكوه اسحب نفسس
_عمو ليش ماتصدكني ها مو حلفتلك والعباس ابو فاضل مو انييي
اني احبها مستحيل اسوي بيها هيج
من اني وطفله هي صديقتي
بصوت عميق جوهوري قوييي
_اررررشدد
صرخت بصوت عالي وارتجف كل جسمي
_لا عمو دخيلك لا ماريد والله مو انيي مو اني ليش ماتصدكوني
الله يخليك عمو
نزلت ابوس ايدي واتوسل بي
دفعني كل قوته وكام من مكانه
_انتي الظاهر راح تعبيني زايد واني مااعايز وجع راس
ارشد يتكفلج ارجع الكاج تحجين كل شي
عافني وطلع وصفك الباب كل قوته
ضليت بمكاني ابجييي واناشغ
ثواني وانفتح الباب ودخل
زاد صوت بجييي .........
............
هلو حبايبي ...
هذا مشهد بسيط من القصه الي راح اكتبها اتمنى يعجبكم
#الشيخة
