#الطرقات🌏
الحلقه الاولى
Anosha Alriany ✍🏻
;فنفس كل يوم نفتح عيوني علي نفس روتين
نفتح عيوني علي حياء بارده بدون مشاعر
بدون حنان بدون حظن دافي بدون أمان داخلي
ندى فتحت الروشن..صباح الخير
انا..اوووف مانبيش نمشي للعمل ماعنديش مجاز اطلعي
ندى جت قمعزت تلايا وكرت مني المخده..نوضي اليوم حظك
انا رفعت عيوني فيها وضحكت..حظي اطلعي يا ندى ترا
ندى..والله سمعت هكي علي برجك نبدي
انا رفعت حواجبي..اضحكي عليا لا انتي طيرتي نومي
ندى تضحك وصبت..هيياااا صبي بسرعه
انا قمعزت ونفخت صبيت خشيت دوشت وطلعت لبست سروال ابيض وبلوزه سوده وجاكه سوده وجففت شعري وطلقته وطلعت برا
انا..صباح الخير
عدي..جت البنت المددللله
انا طبست بست رأس بابا وهو رفع رأسه فيا وابتسم
انا بحتت في عدي..اممم اليوم ماعنديش نيه لشي مانبيش نتعارك معاك
بابا..عدي خلاص
جلال كان جاي هوا وامه وقمعزو
بابا..وين ندى وصبا
صبا..جدددو
بابا ابتسم وبرم..اووو حبيبت جدها تعالي
جت تجري عند بابا وجت ندى قمعزت
جلال..انا اليوم مطول ماتراجونيش علي غداء
بابا بحت فيه..مش كان تشتغل معانا راك متريح
جلال حط الكبايه بقوه وضاغط علي سنونه..شغلكم الوسخ مستحيل نحط ايدي فيه مسسستحيل
بابا فنص فيه وخبط ايده علي طاوله..صوتك ماتعليش ومديرش روحك نضيف علينا
ام جلال مرات بابا علياء حطت ايدها علي كتف بابا..خليه علي راحته
نحن نبحتو في بابا وجلال الي راقيله
جلال صبى ويبحت في بابا..سيره الشغل معش نبي نسمعها معش حد يفتحها ليا معش تبوني معاكم عادي نطلع من امه القصر امتاعكم
وطلع وانا خذيت شنطتي وصبيت بنلحقه
بابا بصوت حاد..حوووور ردي مكانك
انا بحتت فيه ورديت مكاني قمعزت..بس يابابا
بابا..حور
انا هزيت راسي وقعدت ناكل بشويا وبعدها صبيت..انا طالعه
بابا هز راسه..رد بالك من طريق
انا..ان شاء الله
خذيت شنطه وطلعت نجري لقيت جلال بيركب سيارته..جلال جلال راجي
جلال وقف بعصبيه..انا نكرهه العيشه معاهم
انا بحتت فيه وبحتت في حوشنا الي ممكن تسميه قصر وضحكت..بقد كبر الحوش هذا بس مانحسش فيه بالفرج ولا ب امان تعرف شن نبي انا نبي بس حوش بسيط وحياء بسيطه حياء نقدر نحس فيها براحه
جلال تنهد وحط ايده علي خدي..ماتزعليش روحك من بدايه اليوم
انا ابتسمت..جلال
جلال هز راسه بمعنى شنو
انا..رد بالك علي روحك
جلال ابتسم..حاضر ياحوريتي هيا عدي لشغلك
انا هزيت راسي وركبت في سيارتي و طلعت وقعدت نسوق لطريقي للمستشفى
انا حور مواليد 92 بابا مسميني علي جدتي كان اسمها حوريه بس لانه قديم سماني حور ماما ميته اسمها ناديه أكثر من هكي مانعرفش عليها لانه كل مانسال بابا يصكر الموضوع انا دكتوره جراحه وعندي مستشفى خاص بيا
خوتي جلال مواليد 90 مجوز ندى صاحبتي وعندهم بنت اسمها صبا وعدي 96 بابا اسمه عادل
