အသံ......
ထိုခပ်သြရှရှနှင့်ယောကျ်ားပီသသောနားဝင်ချိုသောအသံကိုကျွန်တော်မုန်းသည်။
ယခုမျက်စိရှေ့မှာပဲ..ထိုအသံဖြင့်ထိုလူသည်
စာရေးစားပွဲပေါ်တွင်ထိုင်လျက်..ဂီတာတီးကာသီချင်းဆိုပြနေပြန်သည်။
မိန်းကလေးတော်တော်များများ၏အာရုံစိုက်ခြင်းကိုလိုလားနေသည်ထင်..
ထိုအသံကိုကြားရတိုင်းမျက်ရည်ကျကျနေသည့်ကိုယ့်ကိုလည်းအရမ်းမုန်းမိပြန်သည်။
ခင်ဗျား..ဘယ်မှာလဲ..ကျွန်တော်ကိုရောဘယ်အချိန်ထိပစ်ထားမှာလဲ...
သတိရတယ်လို့..ခင်ဗျားကို....
>>>>>>DEAR the Voice>>>>>>>>>>>>>>>>>>
ကြားရပြန်ပြီ..ခင်ဗျားရဲ့သီချင်း~
စိတ်ဝင်စားလို့ထိုင်ကြည့်နေတဲ့ဇာတ်ကားရဲ့ဇာတ်ဝင်တေးကခင်ဗျားသီချင်းတဲ့လား...
တကယ်သိချင်မိတယ်..ခင်ဗျားအခုချိန်ဘာများလုပ်နေလဲ..နေရောကောင်းရဲ့လား..
ရှေးလူကြီးတွေပြောခဲ့တဲ့
ပိုချစ်တဲ့လူကပိုနာကျင်ရတယ်ဆိုတာတကယ်တော့..အဟုတ်ပဲကို။
ဒေါက်ဒေါက်..ဒေါက်..(တံခါးခေါက်သံ)
ပါဆယ်လာပို့တာပါခင်ဗျာ့..
ကဲ..အခုတော့ခင်ဗျားရဲ့အသစ်ထွက်ထားတဲ့Albumရောက်လာပြီပဲ..
ကျွန်တော်ကလည်းခက်သားနော်..ကိုယ့်ကိုထားပစ်ခဲ့တဲ့သူရဲ့ပစ္စည်းတွေကို
မြတ်နိုးနေတုန်း
တန်ဖိုးထားနေတုန်း~
ခင်ဗျားရဲ့albumအသစ်ကမဆိုးဘူးပဲ..
အရင်တိုင်းပဲ..ကျွန်တော့်နှလုံးသားကို
ခင်ဗျားရဲ့အသံသြရှရှကပြုစားနေနိုင်တုန်းပဲ~
ကျွန်တော်ကလဲ..
ဘယ်တော့မှပြန်စာမလာခဲ့တဲ့ဖုန်းနံပါတ်တစ်ခုကိုစာတွေပို့တုန်းပါ။
ကျွန်တော်ခင်ဗျားထားခဲ့တဲ့နေရာမှာထားခဲ့သလိုပဲရှိနေတုန်းပါ..
အချိန်မလွန်ခင်..ခင်ဗျားပြန်လာခဲ့သင့်တယ်~
>>>>>>>DEAR the Voice>>>>>>>>>>>>>>>
"ဘတ်ဟျွန်းနီကို..ကိုယ်သဘောကျတယ်.."
