احببتك فى منزلى

البارت السابع

البارت السابع:-
ف الشركه ف مكتب ايهاب
ياسمين :حضرتك كده مضيت على كل الاوراق حضرتك عايز حاجه تانى
ايهاب :ياسمين تتجوزينى
ياسمين بصدمه و فتحت بوقها :ها
ايهاب قام من مكانه و راح عندها :ها ايه انت اتشليتى ولا ايه
ياسمين مبرقه و مش بترد
ايهاب:انتى يا بت
ياسمين:نعم يا فندم
ايهاب:بقولك تتجوزينى
ياسمين:ده ازاى و ليه اصلا
ايهاب :يعنى ايه ازاى و ليه الناس بتتجوز ازاى و ليه عشان مؤدبه و محترمه و متربيه
ياسمين :ف بنات كتير فيها كل الى قولته ده و يمكن اكتر منى على فكره .....لاكن اسفه مش انا البنت الى مديرها يشوفها غلبانه و على قد حالها و هو عايز واحده يتجوزها تكون متربيه ف يتجوزها بقى م هى غلبانه يا عينى اسفه طلبك مرفوض يا مستر ايهاب
ايهاب بصدمه:ياسمين ايه الى بتقوليه ده انا مجاش ف بالى كل الى بتقولى عليه ده اصلا ياسمين مش هقول انى بحبك عشان مكونش بكدب بس انا منجزب ليكى و كونت بكدب ده و الى خلانى اتاكد انى من خطوبه مازن و ميرنا و انتى على طول ف بالى و قد م انا اتضايقت من الى كاميليا عملته على قد م فرحت عشان شوفت عينك الحمراء لما عيطى و ده شجعنى انى اطلب منك ان احنا نتجوز انا مجاش ف بالى كل الى قولتيه ده
ياسمين سكتت بصدمه
ايهاب :ياسمين قولتى ايه
ياسمين وشها احمر من كتر الكسوف :انا عايزه اروح
ايهاب ضحك جامد :استنى اوصلك طيب
ياسمين :لاااااا انا هروح لوحدى
ايهاب رفع حاجب :لا هوصلك امشى قدامى
طول الطريق سكتين و كسر الصمت
ياسمين :خلاص هنا
ايهاب:ماشى ياقلبى
ياسمين بصدمه :هااا
ايهاب بضحك:هنقضى كل حياتنا ها طيب الله المعين  وقولى لمامتك انى هجلكم بكره الساعه ٨ عشان اتقدملك و متجيش بكره الشغل
لقى ايهاب تليفونه بيرن على
على :ها اختك وافقت ولا اقتلها
ايهاب:تصدق نسيت اسألها
على :انت بتهزر صح
ايهاب:لا واللهى مبهزر
على :ايهاب انت بتستهبل يعنى انا بقالى اربع ايام مش بروح الكليه قال عشان تفكر براحتها و تاخد قرار و انت تقول مقولتلهاش من الاساس
ايهاب:خلاص خلاص روق هكلمها النهارده
على:لما نشوف ..غور
.........................
ف مكتب مازن
يتحدث مع مجهول
مازن :عرفتلى الى قولتلك عليه
المجهول:............
مازن:تمام حلو الاخبار دى كمل زى م انت
المجهول:...........
مازن:متخافش قولنا فلوسك و كل حاجه اتفقنا عليها و يمكن اكتر كمان بعد م كل حاجه تخلص زى م انا عايز هو انت اول مره تشتغل معايا
المجهول:..............
مازن:تمام
..................
ف مكتب ميرنا
ميرنا قاعده بتشتغل لقت كريم داخل عليها
كريم :ازايك يا ميمى
ميرنابزعيق:ايه ياحيوان انت هى وكاله من غير بواب مش ف باب تخبط عليه و اقولك ادخل ولا لا
كريم:يعنى كونتى هتقولى لا مثلا
ميرنا:اه كونت هقول لا و اتفضل اطلع برا بدل م اندهلك الامن
كريم:كده برضوا كوكى يزعل
ميرنا:عايز ايه يا كريم
كريم :عايز نرجع ايام زمان
ميرنا:احترم نفسك يا حيوان انت انا متجوزه دلوقتى
كريم :عادى تتطلقى
على دخول مازن الى كان سمع كل الحوار
مازن مسكه و فضل يضرب فى
مازن :اطلع برا و مشفش وشك هنا تانى و العقد الى مبنا ملغى و هدفعلك التعويضات على الجزمه و ملمحكش جمب مراتى ساعتها هفرمك 
ميرنا:مازن واللهى هو الى دخل و فضل
مازن:هشششششششش هشششششش اهدى اهدى و
خدها ف حضنه ....ياله عشان الناس بتاعت تصميم الجناح عايزين ياخدوا رائى العروسه
......................................
بالمساء عند ايهاب و ليلى
ايهاب :لولو حببتى تعالى عايزك
ليلى :ايه يا هوبا خير
ايهاب:كبرتى يا بطه و بقى يجيلك عرسان
ليلى:عرسان
ايهاب :ان تصدقى عريس ابن مجنونه بس هو كويس و محترم و ابن ناس و انا عارف انه هيخاف ربنا فيكى .....على اتقدملك و عايز يجى يخطبك ها انتى ايه رائيك
ليلى وشها احمر وبصت ف الارض
ايهاب بخبث:خلاص هقوله لا بدل انتى مش موافقه
ليلى بسرعه و تلقائيه :لا موافقه
ايهاب ضحك على اخته :كبرتى و هتبقى عروسه يا بطه انتى .....عندى ليكى خبر حلو
ليلى :ايه
ايهاب:انا هخطب ياسمين
ليلى بفرحه:بجد و النبى
ايهاب:اه و اللهى حتى هنروح بكره نتقدم الساعه ٨
ليلى:الف مبروك يا حبيبى ربنا يتمملك على خير يارب
.....................
ف فيله الشازلى
قعدين كلهم ف الجنينه يضحكوا و يهزروا دخل ايهاب
ايهاب :السلام عليكم
الكل:وعليكم السلام يا ابنى ليك وحشه و اللهى
بعد السلمات
ايهاب :عم احمد انا طالب منك طلب د بعد اذن حضرتك
احمد :اتفضل يا ابنى
ايهاب: انا بكره  رايح اتقدم ل ياسمين السكرتيرا بتاعتى و صاحبت ميرنا
الكل :الف مبروك يا ابنى ربنا يتمملك على خير
ايهاب :الله يبارك فيكم ...انا بس كونت عايز حضرتك تيجى معايا كبيرى يعنى
احمد:طبعا يا ابنى من عينى
على:ولا انت عملت ايه ف موضوعى انا و اختك
ايهاب :لسه مسالتهاش يا علول
على :طب بص بقى كده ابويا مش ماشى معاك خطوه غير لما تشوفلى موضوعى انا و اختك ماشى
ايهاب ببرود:انت مستعجل ليه بس لما يبقى ليا مزاج هبقى اقولها
على :ولا انا استحملتك كتير ياض و قام عشان يضربه بقى انا اتقدم من ٣ ايام و انت مش راضى تقولها حتى و انت تعرفها النهارده اخر النهار رايح تقراء فاتحه بكره بليل يرضا مين ده يا ناس
كله عمال يضحك
ايهاب بضحك:بس خلاص صعبت عليا واللهى ...سالتها النهارده و قالت ماشى زى بعضه
على قام وقف و زغرط و فضل يغنى هتجوز هتجاوز و الكل عمال يضحك عليه
ايهاب :عمى بعد اذن حضرتك و انت بتتفق بكره مع مامت ياسمين خليها خطوبه و كتب كتاب الاتنين مع بعض و الفرح بعد شهرين
على :شوفت الى انت قولته ده
ايهاب باستغراب:ماله
على :عليا و على اختك برضوا و يبقى خطوبه و كتب كتاب لينا احنا الاتين و جواز لينا احنا الاتين حلو كده يا معلم
ايهاب :بس
الكل :ايه تانى
ايهاب:ماشى
منى راحت فضلت تزغرط
............................
ف الفندق عند امجد
امجد:حسام عايز بكره اروح لشركه الشازلى
حسام :حاضر
امجد:جبتى الى قولتلك عليه
حسام :هى برا مصر دلوقتى و هترجع كمان اسبوع بس انا عملت حركه كده تسخين
امجد:تمام ....عملت ايه ف الشحنه
حسام:كل حاجه تمام و هنسلمها كمان ٣شهور
.......................
تانى يوم ف الشركه
ف مكتب مازن
مازن و ميرنا بيشتغلوا على صفقه واحده و قعدين على الكنبه ميرنا عماله تشرح لمازن حاجه هى شيفاها و هى لما شعرها ب قلم  مازن راح شد القلم من شعرها
ميرنا:يامازن حرام عليك الجو حر و انا قعت كتير على معرفت الم كل شعرى
مازن :كده احلى
ميرنا:هات بقى بطل رخامه و بتحاول تاخد منه القلم ف وقعت عليه فضلوا بصين فعيون بعض اوى و راح مازن طبع بوسه خفيفه اوى على شفايفها اترعشت و قامت بسرعه و وشها احمررر و لسه هتخرج مازن مسك ايدها
مازن :ميرنا على فكره انتى مراتى 
ميرنا :احنا متفقين يا مازن
مازن لسه هيتكلم لقى الباب بيخبط و دخلت راندا السكرتيرا
راندا:مستر مازن ف واحده اسمها اسيل عايزه حضرتك
مازن:خليها تتفضل
اسيل دخلت و هى ترتدى فستان يقال عنه قميص نوم  اول مدخلت مشفتش ميرنا
اسيل:ميزو كده قلقتنى عليك بقالى شهر مشفتكش ينفع كده يا وحش و راحت حضناه و باسته من شفايفه مازن عمال يبعدها عنه مش عارف
كل ده تحت انظار ميرنا الى بتشاهد بصدمه ميرنا خرجت وراحت على مكتبها
مازن :انتى مين حدفك عليا يا بت انتى قضينا يوم مع بعض و خلاص مش عايزه اشوف خلقتك تانى اطلعى برا
ميرنا ف مكتبها سرحت و جه ف بالها نفس المشهد لما شافت كريم دخل مازن
مازن:ميرنا واللهى البت دى انا مش هقولك مكنتش اعرفها انا اعرفها بس قطعته ميرنا
ميرنا:مازن انا مش عايزه اعرف دى حياتك و انت حر فيها تعرف بنات متعرفش بنات انت حر بس بعد اذنك يعنى الناس كلها عارفه ان انا مراتك ف معلشى ف السنه الى هنتجوزها دى حافظ على شكلى زى م انا هحافظ على شكلك
مازن مصدوم من الى قالته : حاضر يا ميرنا
دخل امجد المكتب عليهم
امجد :العرسان هنا ...انا اسف جدا معرفتش اجى الخطوبه عشان كونت مسافر
مازن:لا ولا يهمك يا استاذ امجد ....كونت جى ف حاجه
امجد :جيت اشوف الشغل ماشى ازاى مش انا شريك فيها ولا ايه
مازن :اه طبعا تيجى و تنور بس الصفقه بتاعتك مع استاز ايهاب و استاز معاز
امجد:ايه ده هو انت و الاستاذه ميرنا مش مسكنها ليه
مازن قرب على ميرنا و حضنها
مازن:اصل انا و ميرنا ده اخر اسبوع لينا ف الشركه
امجد:يعنى ايه
مازن بخبث:اصل انا و ميرنا فرحنا اخر الاسبوع الى جى ف هنخلص ف الاسبوع ده شغلنا عشان منعرفش بقى هنرجع امتى من شهر العسل
امجد بصدمه:اه الف مبروك
مازن :الله يبارك فيك ...معلشى بقى احنا لازم نمشى عشان عندنا معاد مع مصمم الديكور يالا يا روحى وسبوه ومشيوه
ف العربيه
مازن :هو انتى هتفضلى كل م تشوفى زفت ده ترتعشى و وشك يبقى اصفر كده
ميرنا:معرفشى انا  بحس ان مفيش نفس دخلى
مازن خدها ف حضنه و فضل يطبطب عليها و ف نفسه انا هعوضك يا ميرنا على كل لحظه خوف مريتى بيها 
.........................
عدى يومين و مكنش فيهم اى حاجه تذكر غير ان ايهاب اتقدم ل ياسمين و عمر اتقدم ل ليلى و كل واحد نزل يجيب الفستان مع حببته
ايهاب :حلو ده يا ياسمين
ياسمين :لا مش بحب اللون ده و كمان ده عادى خالث مفيهوش اى حاجه
ايهاب:طب يا حببتى نقى الى يعجبك
ياسمين :ايهاب حلو ده
ايهاب :لا يا ياسمين مش حلو ايه ده ان شاء الله ده لا ساتر فوق ولا ساتر تحت ايه ده ده قميص نوم ده مش فستان
ياسمين بزعل  :ده حلو اووى يا ايهاب
ايهاب:مش هيتلبس قدام حد ده يا ياسمين ..نقى حاجه تانيه
ياسمين :طب ده
ايهاب :لا فتحت الظهرل كبيره
ياسمين :يا ايهاب بقى انت مفيش حاجه راضى عليها
ايهاب بزعيق:متنقى انتى حاجه عدله
ياسمين راحت معيطه
ايهاب:طب خلاص انا اسف حقك عليا ....انتى عايزه ده يعنى
ياسمين هزت راسها ب معنى اه قالها طيب ماشى
ياسمين مبين دموعها :بجد هنخده
ايهاب مسح دموعها :اه بجد و مسك ايدها و باسها و قالها متعيطيش تانى طول م انا جمبك .
عند ليلى و على
على :اختارى اخلصى رجلى ورمت ابوس ايدك ده المحل العشرين الى ندخله
ليلى :الله مش بنقى حاجه حلوه و انا كل م انقى حاجه تقولى عليها لا اعملك ايه
على:انا غلطان معلشى انا الى بنقى فساتين متتلبس معلشى
ليلى :طب انا عايزه ده
على :ليلى بصى فتحت الرجل لحد فين
ليلى :عشان خاطرى عشان خاطرى
على:لا
ليلى:طب خلاص نقى انت بقى و سبته و مشيت و قالتله انا عايزه اروح
على :هو يا الفستان ده يا انقى انا و تروحى
ليلى:انت مش عاجبك اى حاجه كل حاجه عمال تقولى عليها لا لا لا لا خلاص نقى انت بقى هتوجع دماغى ليه روحنى
على :طيب استنى بما ان انا الى هنقى ف فستان جوه عجبنى هجيبه و بعد كده اروحك و راح جاب الفستان الى هى اختارته .....خد انتى الى قولتى انا الى انقى ياله عشان اروحك
ليلى طول الطريق عماله تعض ف ايدها و تاكل ف ظوافرها وصلوا نزلت من العربيه و رزعت الباب على نده عليها
ليلى :عايز ايه
على :الفستان خدى
ليلى خدت الفستان و لسه هتمشى
على :افتحيه كده و شوفيه
ليلى:ليه مش انت الى منقى انا رائى يهم ف ايه
على ببرود:معلشى برضوا افتحى
ليلى فتحته لقت هو الفستان الى هى اختارته ضحكت و حضنته و لما استوعبت الى عملته بعدت بسرعه و وشها احمر اووى
على بضحك  :احمريتى ليه انا بكره هبقى جوزك
ليلى خدت الفستان و طلعت تجرى
عند مازن و ميرنا
مازن :ميرنا ياله عشان نشترى الفستان الى هتلبسيه ف الخطوبه
ميرنا:متشغلش نفسك يا مازن انا هروح
مازن:هتروحى مع مين و ليلى و ياسمين كل واحده فيهم مع جوزها
ميرنا :لا مش هروح ف حته انا هشوف اى فستان من على النت
مازن :طب م ننزل نشترى مع بعض يا ميرنا انا جوزك على فكره و اللهى
ميرنا:مازن مش كل شويه هقعد اقول نفس الكلام انت عارف ان جوزنا مش جواز طبيعى ف متعشى الدور
مازن:ميرنا انا ليه كل م اقرب منك تبعدينى عنك اكتر ميرنا انتى قولتى هنكون صحاب صح طب
ميرنا:اه
مازن:اتفضلى بقى عشان ننزل نشترى الفستان
ميرنا :ماشى
ميرنا و مازن ف المول
ميرنا :مازن حبيبى انا عايزه الفستان ده
مازن :اه انا قولت كلمت حبيبى الى تتقال من ميرنا دى يبقى وراها مصيبه ميرنا لا
ميرنا:عشان خاطرى الفستان حلو اوى و انا بحب الموديل و اللون ده عشان خاطرى
مازن :انا ملبسش مراتى كده
ميرنا :المره دى بس و اللهى الفستان ده لو ملبستهوش هموت ده حلو اوى و اللهى و هسمع كلامك انا عايزاه يا مازن
مازن :اشوفه عليكى الاول
ميرنا: ماشى
دخلت ميرنا لبسته و طلعت
مازن :ادخلى غيرى بدل م اغير ملامح وشك
ميرنا:عشان خاطرى ده عجبنى اوى
مازن :خلاص يا ميرنا ماشى بس بشرط
ميرنا :ايه
مازن شاور على خده
ميرنا:عايز قلم من عينى
مازن فضل يضحك و راحو اتغدوا و خرجوا و قعدوا يتكلموا مع بعض
............................
يوم خطوبه ايهاب و ياسمين و على و ليلى
ارتدت ليلى فستان(احمر طويل حملات رفيعه ستان و به فتحه من فوق الركبه بحبه للاخر من الرجل اليمين )
ارتدت ياسمين فستان (بينك طويل حملات رفيعه و به فتحة سبعه من الظهر كبيره )
ارتدت ميرنا فستان (بيبى بلو تول كاب فوق الركبه و ذيل طويل )
ارتدى ايهاب (بدله رصاصى و ببيون احمر )
ارتدى على(بدله كحلى و ببيون بينك )
ارتدى ايهاب (بدله سوده )
العرسان بيرقصوا سلو و ميرنا واقفه لقت حد بيحضنها من ظهرها و حط دقنه على كتفها
ميرنا اتخضت  بشهقه جامد
مازن :ايه بس بس اهدى تفتكرى يعنى مين يقدر يعمل الحركه دى  و بسها من رقبتها
ميرنا :مازن احترم نفسك و ابعد
مازن :انا مبسوط كده
ميرنا بعصبيه:ياربى
الخطوبه خلصت و قرروا يروحوا يحتفلوا لوحديهم
ف احد الكافيهات الراقيه
اسلام و على و ايهاب و مازن و ايات و ليلى و ياسمين و ميرنا قعدين بيهزروا و يضحكوا فجئه جه صوت انوثى
ايه ده مازن ازيك 
ايهاب و على بصوا لبعض و برقوا جامد
مازن بصدمه و ضم ميرنا ليه :سمر ازيك
سمر :انا الحمدالله انت عامل ايه وحشنى اوى انا كونت مسافره بس دلوقتى خلاص رجعت مصر من يومين و شوفتك اهو
مازن:حمدالله على السلامه
سمر:هى دى بقى الى بتملى بيها الفراغ الى انا سبته
ميرنا الدم ضرب ف عروقها و كانت هتقوم تقتلها
مازن :ميرنا مراتى
سمر :اوووه بجد
ميرنا:اه شوفتى بقى خساره مش كده
سمر : سورى مكنتش اعرف انك مراته اصل انا عارفه ان هو كل يوم مع بنت شكل ف افتكرتك واحده من الى بيقعد معاهم
ميرنا :لا يا حببتى مراته و اديكى عرفتى اهو بقى ياله كده ورينا عرض قفاكى اصل احنا عيله ف بعض
سمر :عن اذنكم
ميرنا :انا عايزه اروح
و قامت و راحت ناحيه العربيه طول الطريق مازن عمال يتكلم و ميرنا ساكته فجئه
ميرنا بزعيق:بسسسسسسسس مش عايزه اسمع حاجه و ابتدت تترعش و تعيط مازن جه يهديها لقى تريلا جيه عليه
ميرنا: مازن حاااااااااااااااااااااسب
#احببتك_ف_منزلى
#Nada_Ahmed