SEDUCTIVE SERENDIPITY

CHAPTER 6

CHAPTER 6

Adam's POV

"Tangina ka talaga, Dam. Nang dahil diyan sa kalibugan mong 'yan, eh mas lalong sumidhi ang galit ni Damon sa'yo! Alam naman nating inlab na inlab 'yon sa babaeng birhen na kinantot mo."

"Gago ka talaga." Umiiling iling na sabi sa'kin ni Van.

"Eh, pa'no 'yan? Mukhang pinagpa-planohan nila ngayon kung pa'no ka gantihan." Tugon naman ni Allan.

"Hoy, hoy!" Biglang suway ni Lance sa kanila.

"Tahimik nga, 'yaan nyo na. Tapos na eh, wala na tayong magagawa diyan. Isa lang naman patutunguhan nitong agwatang ito, eh." Pangaral ni Lance sa'min.

Nandito kami ngayon sa pinagtatrabahuan kong bodega. Napadalaw daw sila dahil sa balitang 'yan, Tsk. Nag-alala ang mga gago.

Nagpapahinga kami dito sa tambayan malapit sa karinderya ni Chacha.

"Kaya nga kami pumunta dito para
pagplanuhan din natin kung paano natin sila dudurugin eh, Kala nila sila lang ang siga dito? Gago amputa, Nagkakamali sila! Haha!" Sabi ni Gilbert at humalakhak.

"Isang sapak ko lang 'yon, eh. Maliit ata kaniya kaya ayaw magpakantot noong babae. Kaya 'yon, nahanap ng titi ng isang dambuhala." Natatawa kong sabi sa kanila.

"Gago amputa, HAHAHAHAAH!" Tawa ni Gilbert.

"Wag kayong mag-alala, Sila ang unang matutumba. Subukan lang nila. Magkakaalaman na kung sino talaga ang siga sa lugar na ito." Sabi ko dito matapos ang ilang minutong katahimikan.

"Maiba ako't may naalala nga pala ako." Biglang singit ni Lance at tumayo ito.

Lumapit ito sakin at tinapik-tapik ako sa balikat.

Tinignan ko ito na may pagtatanong habang ito naman ay nakangiti lang sa'kin atsaka ibinaling ang tingin sa lima pang kagrupo namin.

"Alam nyo ba na nanghingi itong si Pareng Adam sa'kin ng pabango noong nagdaang araw?" Nakangisi nitong sabi.

Bigla akong nagulat sa sinabi nito kaya tinabig ko ang kaniyang kamay sa aking balikat at bahagya itong sinuntok sa tagiliran.

"Gago, Tigilan mo 'ko." Naiinis na sabi ko dito.

Tatawa-tawa lang ang ungas na tinawanan din ng iba.

"Bakit daw?" Pagsakay ni Allan. Tinignan ko ito ng masama pero tinawanan lang ako.

"Wee? Totoo?" Manghang tanong ni Elvis dito.

"Tumigil nga kayo, mga gago." Nahihiya at naiiling-iling kong sabi sa mga ito.

"Tapos, Noong araw ding iyon grabi ang pormahan ng gago, mukhang may dadalawin." Sabi pa ni Lance atsaka ito mapanuksong tumingin sa'kin.

Mas lalo pang nagkantsawan ang grupo.

Hinahayaan ko lang, Wala na akong magagawa eh. Huli ka balbon, tangina.

"Mukhang may dadalawin? Baka naman, may dadalawing dalaginding. Ayieh!" Sabi ni Mateo at nag apiran pa silang lahat.

Nagkantsawan ulit sila.

"Tol, sabihin mo nga? Saan ka pumupunta nitong mga nakaraan araw? Parang pansin ko rin, hindi kana masiyadong nagdadala ng babae sa bahay mo ah, Tapos palagi ka ring wala pag nagtipon-tipon tayo. Sabihin mo nga, May nililigawan ka na ba?" Sabi nito atsaka itinaas ang dalawang kamay.

"Oo0o00ohhhh!" sabay-sabay nilang kantyaw sa'kin.

Napangisi nalang ako sa kanila.

Mahigit isang linggo na rin noong huli kong nakita si Dewei, Bukod sa marami na ang track na dumadating ay abala na rin ito sa kanilang klase.