عندما تعشق شخص ما حولك دون ان يعلم بك ....
عندما تراه كل يوم ، تراقب حركاته كلامه
كل شيء...
عندما تغار عليه وبعدها تعلم انه ليس من حقك كل ذلك ..
في متاهات هذه الحياة لابد لك ان تقع في حب احد لوحدك فقط دون ان يبادلك ذلك الشعور ..
حينها سوف تعلم ان...
ماذا لو اصبحت عشقك ... ماذا لو بادلتني تلك المشاعر الجياشه ، تلك التي سرقتني مني ... عانقت سواد عيونك وكأنني اعانقك .. رأيت ما بها من حب .. ولكن لم اعلم ، ان كان لي ام لا💔 انا حقاً احبك .. انا حقاً اتمناك ... اتمنى لو استشهد بحبك لمره حتى تعلم انني لم امت الا لأجلك ... ضاقت الدنيا بقلبي رغم وسعها ، عطشت الى رؤيتك رغم كثرت المخلوقات امامي فلم ارتوي بهم ... ماذا لو اخبأتني بك .. ماذا لو اصبحت عشقك .. ماذا لو بادلتني الحنين... ماذا لو اصبحنا عاشقين... ~~~~~~~~~~~~~~~~~~~~~ بأحد بيوت البصرة الفيحاء تناغمت اصوات الفرح وتسابقت الهلاهل بزفة شاب من اهالي البصرة ... ______________________________
اووف شهالحر اكو واحد يعرس بتموز متتتت رقيه : عاد كافي منار ثبرتينه محد كلج تعاي انتي لزكتي ويانه منار : خوب انتي تردين تجين وحدج انتي وماما وتخلوني بالبيت كالعادة رقيه : ولج سكتي منار مو وكتج هسه خلي نباوع . ( اوو نسيت اعرفكم ع الشخصيات 😂✌️ يله هسه تعرفوهم اني منار عمري 16 سنه طالبة بصف الثالث متوسط يعني بعدني ماداومت بالثالث اني المفروض بالرابع بس فوتت سنه بالاول ابتدائي تأخرت بالتسجيل المهم ابد ماراح اكلكم عيوني خضر وهالسوالف😂 لان اني بنيه عاديه بيضه حلوه يعني بس اكيد مو ملكة جمال هاي الصورة رسمتهه شكلهه قريب علي تشبهني تقريبا ً بس بدون تنمر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نجي الرقيه ... رقيه اختي اكبر مني بصف الرابع اعدادي عمرهه 17 سنه روحي وكاتمة اسراري عباس( الاب) فاطمة ( الام) حسين ( الاخ الاكبر عمره 20 ) عمر ( الاخ الاصغر عمره 6). ) نستكمل الاحداث ... ~~~~~~~~ ماما: بنات يله امشو نروح بالسيارات . رقيه : يي ماما خلي نروح فدوة اريد اتونس منار : ماما والنبي حاره كلش مابيه حيل افتر بالسيارات وياهم رقيه : منار شدعوه عليج خلي نروح هوه قابل كل يوم نروح عرس احنه منار : اوووف تمام يله . ماما : شوفو قبطت السيارات ، كله منج منار رقيه : يي بعلي شكد جنت مشتهيه اطلع منار : بعد احسن اصلا حيل حاره . ماما شافت شاب واكف يم سيارة فارغه : ها خاله محد راح يصعد وياك بالسياره قبطت السيارات رقيه : عززززه ولج مناار شوفي هذا المدرس مالتي 😶. منار اخذت صفنه ع الشاب هوه حلو طويل واسمر هيج يي يطلع عمره 28 ورجال من صدك يبين مدنگ راسه وحجه وي امهه منار : رقيه منو شسمه هذا الاستاذ رقيه : اسمه استاذ يوسف ابو الكيمياء منار : هاا استاذ يوسف : ها رقيه شلونج رقيه : الحمدلله استاذ زينه ، ماما هذا استاذ يوسف استاذي ابو الكيمياء ماما: اهلا استاذ اتشرف ، نعتذر احنه استاذ يوسف: لا خاله شسالفه صدك جذب محد وياي بالسيارة بس زوجتي منار : رقيه متزوج هذا 😶🌚 رقيه : اشش لا يسمع . صعدنه بالسياره اجت زوجته صعدت كدام واحنه ورى منار : اوووف كلش حاره شغل تبريد استاذ يوسف: هههه رقيه اختج طالبه عدنه ؟! رقيه : لا استاذ هالسنه راح تداوم ويانه استاذ يوسف: بعد اسبوع تداومين يمنه منار : رقيه فتحي الجام من يمج متت حرر منار : خوب شغل اغنيه عرس لو فاتحه عدنه ☹️😒 استاذ يوسف ساكت ولا حجه كلمه بس باوع من المرايه الي واني باوعتله شفت نظرته الي حسيتهه خزره مو نظره هههه جان عنده هالات سوداء وحواجب مرفوعه وثخينه وحلوه من هاي نظرته حسيت بخوف هههه . رقيه بصوت ناصي: منار عيب هذا مدرس احترمي . افترينه بالسياره طول الطريق اني ميته حر ههه حد ما وصلنه للبيت ونزلنه ، ماما شكرت الاستاذ ونزلت اني همات من خلص العرس ورجعنه للبيت رقيه: منااار منار : هلا رقيه : جنطتج وين منار : عنننندج جانت رقيه : شوكت عندي منار : من صعدنه بالسياره رقيه : فلك☹️ بقت بسيارة استاذ يوسف منار : اوف منج رقييه اووف هذا استاذج كرهته انوب جنطتي يمه شكد فگر لعددد حسين : شبيكم بنات رقيه ومنار حجو سوه : الجنطه حسين : ههه شبيهه منار : جنطتي نسيناهه بسيارة... حسين : بسيارة منو ..؟! رقيه باوعت لمنار وخزرتهه منار : بالسيارات مالت العرس حسين : هاا ، سهله ههههه راحت جنطتج خو ما بيهه فلوس شي منار : مابيهه شي حسين : يله فدوة صعدنه اني ورقيه للغرفه مالتنه .. رقيه : منار شنو بيهه جنطتج منار : ولج مابيهه شي بس كلادتي ومحبس رقيه : ها زين ، يله من نداوم احجي وي استاذ يوسف ينطيهه الج . نمنه وطول الليل اني افكر ... مو بالجنطه 🥺 باستاذ يوسف ، افكر وانتظر يجي الدوام حتى اكله ع الجنطه 😁 ( الصراحه حتى احجي ويا )🥺 💔 لهنا انتهى البارت الاول اذا حابين اكمل اكتبولي بالتعليقات ...
