نسيت انساك (مكتمله)

البارت الثالث عشر

بقلمي ازابيلا ....

حياة قاسيه ..... بشر لا يرحم ....
قاسيه جدا تلك اللحظه عندما تتذكر كل شيئ ...
عن حياتك ... ذكرياتك ... نفسك ..... وإنك عائش ...
على قيد الموت ... تنتظر لحظه لموتك... ولكن موت على قيد الحياةً .....

&&&&&&&&&&&&&&&&&&&&&&&&&&&&&

( حكايه الليل .. اهل ماهر من الاب )
( جديد) ....
بقلمي ازابيلا.....

&&&&&&&
بقلمي ازابيلا .....

هو ياهو يستاهل نسأل عليي ؟؟.....
وياهو يستاهل نسلم عليي ؟؟.....
اليسوه ول مايسوه صايرين مايختلفون اثنينهم فد لون !!....

&&&&&&&&&&&&&&&&&&&&&&&&&&&&&

بتول / ماهر والله ضجت شوكت اجيب والله تعبت ...

ماهر / الله كريم حبيبي ... باجر اراجعج اوديج عل دكتوره انشالله ...

بتول/ سولفلي مو طگت روحي ...

ماهر/ شسولف ؟؟.... ترا اني من احد يگلي سولف لساني ينشل هههههه...

بتول/ ههههه .. سولفلي من چنت صغير ...
ابد ماحچيتلي على طفولتك ....

ماهر/ طفولتي ؟... ماشي
اني ما حاچيلچ على ابوي مو ؟؟

بتول/ اي ... ليش شبي؟ ....

ماهر/ ابوي الله يرحمه جان متزوج ثنين

بتول / صدك !!! شو ماگايلي

ماهر/ اي .. ابوي چان متزوج قبل امي وحده
وخلفتلو 2 ولد وبنيه .. يعني اني هسا عندي اخين. اكبر مني واخت هم ...

بتول بصدمه/ ماهر صدك تحچي انت ؟؟
شون ماحاچيلي عنهم !!!!

ماهر/ دصبري مو دا احچي ...
اخويا الچبير اسمه سالم .. والاصغر اسمه غانم .. واختي الخ اسمها شهد ... ابويا اخذ امي عن حب وخلفتني اني وزهراء ... من چان ابويا عايش چنا كلنا عايشين سوه بس من مات ابويا هنا تركونا وبوكتها چنت صغير چنت صف سادس ابتدائي اخوتي ومرت ابويا عافونا وطردونا مرت ابويا چانت قاسيه علينا وتعلم ولدها عل كره ول حقد وزرعت الحقد بگلبهم علينا وكرهونا ... وامي چان ماعدها احد ماعرفنا وين روح امي بوكتها حيل ضعفت ونكسرت بموتت ابوي واختي زهراء چانت بل گماط ( شي يلفون بي الطفل) بس اجرنا مشتمل صغير غرفه وحده وحمامات تكرمين اجاره جان 80 الف لان عرفو احنا ماعدنا اميً شتغلت خياطه واني لگيت شغل شتغلت حمال احمل للسيارت وينطوني تعبي جنت بل اسبوع يصير عندي 60 مرات 70 وامي بل شهر يطلعلها جان 50 واني چنت ادرس حتى كتبي اخذها للشغل حتى اخذ الشهاده واصير بل جيش حتى لو بمنصب عادي المهم رتبه ... المهم درست اخذت الشهاده ورحت كليه عسكريه بس نتضرت اجمع مبلغ كليتي جمعتها جان السنه بمليون شتغلت ليل نهار وادرس بس تخرجت عفتها كم سنه ارتاح من الدرس اشتغلت وجمعت حگ بيت وشتريت بيت النا وشتغلت وشتريت سياره وبقيت اشتغل اجيب للامي ولاختي حتى لايحتاجون للاحد واني ماسألت على اخوتي لان هما عافوني... ماحقدت عليهم بس الدنيا وامهم هيج سوت وشفتي ماصار شهر من انقبلت بل جيش وداومت والحمدلله على كل حال ... ها شرايچ ههههه مو زين عايش ؟؟.....