𝗧𝗵𝗲 𝗕𝗲𝘀𝘁 𝗪𝗶𝘀𝗵 ❥︎ 𝖲𝗁𝗈𝗋𝗍 𝖲𝗍𝗈𝗋𝗒 ˢⁱⁿʰᵃˡᵃ

O2 ❥︎ 𝑵𝒐𝒕 𝒕𝒉𝒆 𝒆𝒏𝒅

The Best Wish

♡Episode 02♡

Y/n Veiw

හවස් වෙලා තිබ්බ නිසා ඉරත් බැහැගෙන යන ගමන් තිබුනෙ. නැවේ අත් වැටට හේත්තු වෙලා ඒ දිහා ටික වෙලාවක් බලන් හිටපු මන් ආයෙ captain හිටපු පැත්තට හැරුනෙ ඇස් දෙක රිදෙන්න ගත්ත නිසයි. මෙන්න මේ මනුස්සයත් අත් වැටට බර වෙලා මන් දිහා බලන් ඉන්නවා. ඒත් එයා එක පාරටම මුහුද දිහා බලාගත්තෙ හොර වැඩක් කරල අහු වුණා වගේ.

"ඇත්තටම ඔයාට මොකවත් මතක නැද්ද යූන්හා...?"
එයා කතා කරන්න පටන් ගත්තේ මගේ ඇස් දිහා කෙලින්ම බලාගෙන. ඒක හරිම අමුතුයි.

"මම යූන්හා නෙවේ! මම Y/n! ඒත් මොකක්ද මේ වෙන්නේ කියල මට කියන්න පුලුවන්ද මට මුකුත් තේරෙන්නේ නැහැ. කුමරිය? යූන්හා? එතකොට මේ නැව? අර කට්ටිය? ඔයා?"

"හරි මට තේරෙනව මන් කියන්නම් මම Jay මේ නැවේ captain..."

Jay Veiw

මගේ මේ මුහුදු මංකොල්ලකාර ජීවිතේ මේ වෙනකම්ම කිසිම කෙනෙක්ට මගේ හිතට ඇතුල් වෙන්න බැරි වුණා. මේ කුමරිය මගේ හිතට කොහොම ඇතුල්වුනාද කියල මට හිතාගන්න බැහැ අදටත්. Blue Ocean Kingdom එකට හිටපු එකම කුමරිය! යූන්හා! එයාව මන් මුලින්ම දැක්කෙ අපේ area එකෙන් ගිය රාජකීය නැව පලවෙනි වතාවට මංකොල්ලකනකොට.

මගේ අවාසනාවද වාසනාවද දන්නේ නැහැ ඒ වෙනකොටත් කුමරියගෙ විවාහය Alexa Kingdom එකේ පොඩි කුමාරයා ජන්කුක් එක්ක තීන්දු වෙලයි තිබුණේ. ඒ නිසාම මම හුඟක් අමාරු වුණත් කුමරිය ගැන ඒ ඇතිවුණ අදහස අතහැරගත්ත. ඒත් දවසක්,

"යූන්හා කුමරිය...!!!"
මහ රෑ Nikiගේ කෑ ගැහිල්ලට නිදාගෙන හිටපු මම ගැස්සිලා ඇහැරුනේ ඒ නම මගේ කන් දෙක අස්සේ දෝන් කාර දෙනවත් එක්කමයි. ඉක්මනින්ම කෑ ගැහිල්ල ඇහුන පැත්තට ගිය මන් Nikiගෙ අතේ තිබ්බ දුරේක්ෂය අරගෙන දැක්ක දෙයින් මගේ heartbeat එක එන්න එන්නම වැඩි වුණා. මට තේරෙන්නේ නැහැ යූන්හාට පිස්සුද?

රෑ වෙලාවේ අපේ නැව මුහුද අයිනෙම තිබුන Blue Ocean මාලිගාව ඉස්සරහින් යන ගමන් තිබ්බෙ. අපි රෑ වෙලාවට තමයි ගොඩබිමකට කලාතුරකින් හරි එන්නේ ඒකත් කෑම ඉවර වුණාම.

යූන්හා මාලිගාවේ උඩම තට්ටුවක කවුලුවකින් පහලට පැන්නෙ මන් දුරේක්ෂයෙන් බලන් ඉන්නකොටමයි. ඇත්තටම මේ කුමරියට පිස්සුද?