فصليـه و الضـابط

21

البارت الحادي والعشرون

هلاووز
.
حسن.،،  دلوني عل مكان ملاك جان اشوفها حاضنه واحد اني بذيج الحضه متت ردت بس اروح اموتهم ثنينهم تيبست بمكاني الورد جنت خاله ورة ضهري وكع مني مدري شصار بيه اشوفها حاضنته وتبجي وهوة ممقصر حاضنها قووي جنت واكف بعيد عنهم
اريد اتقرب واموتهم ثنينهم وما اريد اتقرب اخاف هذا حبيبها ما اريد اسوي مشاكل بينهم
انهارت اعصابي اريد بس اتحرك ما اكدر حتى حجي ما اكدر احجي اني صافن عليها شفتها تباوع عليه وهية حاضنه هذا الكلب ابن الكلب بس باوعت عليه رجعت خطوتين ليورة بعدين كمت امشي بسرعه وصلت للسيارة صعدت كمت اسوق سريع كلش مدري من العصبيه مدري من القهر وهية حاضنه واحد  كل ما اغمض اشوف المنضر مرتين ردت اسوي حادث
ضليت افتر بالشارع هيج ساعتين واني افتر
مدري شلون الله ستر و وصلت للبيت بسرعه صعدت الغرفتي بدون ما اسلم عل احد جانو كلهم كاعدين عل اكل دايتعشون
صعدت وكسرت كلشي بالغرفه بدون ما اصيح جنت كاتم كلشي بداخلي علمود محد يدري اسمعهم يدكون باب الغرفه واني اكسر بالغراض  وكفت كبال المرايه واني اباوع عل روحي اتذكرت اشلون حاضنته منو هذا هية ويا اهلها متحجي و ولد عمها متحجي وياهم بس سلام  منو منوو منو اكيد حبيبها بس اني من سألتها كالت ما مرتبطه ممعقوله اتجذب عليه نزلت ادموعي اول مرة ابجي عل ابنيه اني اشوف روحي ابجي بالمرايه ضرب ايدي بوكس بالمرايه وتكسرت ما اسمع بس صوت اطشر الكزاز واخواني يصيحون. وامي اسمع بجيها يبووو هاي شبيه اني كعدت عل جربايه ايدي تنزف دم  واسمعهم يصيحون كمت لفيت ايدي بشال وفتحت الباب شفتهم واكفين ومبينين خايفين وحسين كاعد وايده ايده الثانيه
هذا توئمي يحس بكلشي اسوي اني وهوة هم يعني اذا اتمرضت او هوة يتمرض الاخ يحس باخوو باوعت عل ايدي نوب باوعت عليه بس شافني اجه يركض

ـ خررب يوك حسن شبيك شبيها ايدك
ـ ما بيه شي
،،  ضلوو يسألون شبيه شفت امي كاعده عل تخم وتبجي والبنات يمها من ضمنهم تمارة باوعت عليه يمكن حست بيه حست ليش سويت هيج
رحت عل امي وهية تبجي لزمت ايدها وكتلها
ـ يووم حبيبتي كافي الله يخليج هياني مبيه شي
ـ يمه حسن شبيك 😭 لتسوي شي بروحك ما اريد اخسرك يكفي راحلي واحد انوب انته
ـ يمه ما كو شي بس لتبجين مو زين عليج وحمودي عايش مبي شي
ـ يمه بس
ـ يوم ماكو شي بس متعارك ويا صديقي هاهية لتخافين
،،،  بستها من ايدها وراسها وكتلهم
ـ نزلو امي لغرفتها ولتكولون لبويه عل صار ولتخافون ماكو شي
،،،  الكل راح  واني القهر موتني اريد بس يرحون اريد ابجي اني شكد عصبي بس ما اكدر اخلي واحد بيهم ضايج علمودي دخلت الغرفتي سديت الباب بعد ما شفت حسين وضحكت بوجها
شفت ايدي تنزف اوووف  غمضت عيني اذكرت الصار
لتكولون بالغت ترة اذا احد شاف حبيبه بحضن احد يموت قهر وغيرة النار تاكله اكل...
كعدت بالكاع منهار خانني دموعي صرت ابجي بدون صوت اشوف ايدي تنزف شفت الساعه ب10 ضليت ابجي واذكر كلشي صار ويايه حجينه صح جنا كلش عاديين بالحجي بس كلش حبيتها وتعلقت بيها..
اندكت الباب ودخلت تمارة  شايله بيدها علبت الاسعاف 
تمارة،،،  بعد ما رجع حسن صعد لغرفته بس سمعنه تكسير الغراض
كمت ارجف صعدو الولد يدكون الباب رادو يكسروها جان يطلع ايديه ملفوفه بشال وتنزف راح عل عمتي الي جانت منهار بالبجي واني واكفه وارجف مدري ليش
بس لا ملاك رفضته بس لا صار شي وياهم واكفه واني افكر معقوله رفضته هوة كلش يحبها
بعد ما نزلوو كلهم رحت للمطبخ اخذت علبه الاسعاف ورحتله دخلت واني ارجف
ليش وعل شنو ما ادري رحت لكيته كاعد وحالته حاله
لزمت ايده وخرت الشال واني ارجف مسحت الدم وهوة ساكت لا اني حجيت ولا هوة عيونه حمر بس لا باجي يبوو سوده بوجهي حجه

ـ يعني صدك الي شفته لو لا
ـ شنو الي شفته
ـ شفتها حاضنه واحد
ـ هاا اا اخاف اخوها ابوها
ـ هية متحجي ويا اهلها راح اتخبل منو ليكون حبيبها

،،،  حجه من كال حبيبها نزلت ادموعه اول مرة اشوف رجال يبجي حتى اخوتي ابد مشايفتهم يبجون هو نزلت دموعه اني هم صارت دموعي تنزل عل واهس

ـ زين اجوز واحد من كرايبها  مو اله حبيبها
ـ  مدري مدري كلشي ما ادري راح اموت كل ما اغمض عيوني اشوفها حاضنته وتبجي
ـ زين محجيت وياها معرفت منو هذا
ـ لج شحجي اجوز حبيبها ما اريد اسوي مشاكل بينهم
ـ هسة شلون تضل هيج
ـ مدري ببس طلعي وسدي الباب وراج
ـ زين انضف الغرفه من الكزاز
ـ لا عوفي بس طلعي
،،،طلعت بعد ما لفيت ايده واني ارجف مدري ليش
رحت لغرفتي نمت وكعدنه ثاني يوم عل اكل كلنه كاعدين اسد كاعد بس كلنه صافنين ومحد اله نفس ياكل عمي كام راح للمضيف اسد طلع لشغل جان يصيح حسين  خله ايده عل كلبه

حسين ـ يمه حسن
     ـ حسن وين شبي
،،، كام جان يوكع ايده عل صدرة يتنفس سريع مثل الواحد المخنوك كامو عليه الولد كلهم لازمي عمي وكعت تبجي لزمناها جان يصيح حسين

ـ حسنننن لكم حسسن راح حسسنننن
،،، بدون جواب البنات يبجن و بسرعه جبل وحسنين صعدوو يركضون لغرفه حسن سوو الدرج خطوتين منحس اله عل صوت جبل يصيح

ـ حسن حسن  اكعد يمعود شبيك حسنننن اكعد

،،، زادت شهكات البنات وهمة يبجون عل موقف الكل جان حاير شيسوي نزلو جبل وحسنين  شايلين حسن وعلي كاعد يم حسين ويصيح
حسين ـ حسن حسن اكعد شبيك اكعد حسسننن
جبل ـ لج خابري اسد بسرعه بسرعه
   ،، جان شايل حسن هوة وحسنين والخوف مبين ميدري شيسوي يباوع عل حسين لو خاله لو حسن  صاح عليه واني ارجف رحت ركض لغرفه خالتي بلكوه خابرت عل اسد يدك واني ارجف جاوب

ـ الوو ها يوم
ـ ا ااسد اسد
ـ تمارة احجي شكو شبيج تبجين
ـ تعا تعال بسرعه
تعالل بسرعه حسن مدري شبي
ـ ايي ايي هسة اجيت

اسد،، لفت السيارة وبسرعه سقت سريع وصلت للبيت لكيت امي تبجي وحسين كاعد والبنات يبجن كلهن

ـ شكو شكو شبيكم وين الولد
تمارة احجي شكو شبيكم

تمارةـ اخذو حسن للمستشفى وجبل كال خابري اسد
ـ لج يا مستشفى
ـ مدري مدري والله

،،، طلعت بسرعه اركض خابرت جبل ميرد حسنين ميرد خابرت علي جاوب كالي اسم المشفى رحت بسرعه لهناك لكيتهم يم غرفه الطوارئ كتلهم
ـ لكم احجو شكو شصاير
ـ.... هيج وهيج.
ـ زين هسة شلونه شلون صار حسن
ـ دخلنا للطوارئ وبعده الدكتور مطالع
ـ هاا ياربي استر
ـ واحد بيكم يروح للبيت ماكو احد بس النسوان وحسين  وحسين تلكو بعده بحاله صدمه  علي انته روح وخابرنه خاف امي بيها شي
علي ـ هسة اروح

تمارة،،، احنا بالبيت بس بجي بتول جابت مي شربنه خاله هدى قاست الضغط طلع نازل حسين فاقد بعد مصدوم
اجه علي شوي كال ماكو شي حسن مابي شي

يتبع....