#إدمان
#الحلقه_الاولي
#قصه_واقعيه
.
.
.
.
.
.
.
.
.
.
انا : باهي هي وطلعنا قعدنا نتمشو في التانوي
قعدنا ندهورو في التانويه وكان معبيه طلبه وطالباات وكان في هلبا اولاد يمشو بحدانا ويبحتو فيااا ونا كنت حاطه راسي لوطا ومتحشمه 😁
رهف :خيرك هكي ياساره عادي بحتي خيرك متحشمه
انا : مش عارفه اول مره نخش تانوي ومانعرفش 😁
حنين : ساره اشبحي هذاكا الولد من بكري يبحث هكي
انا شنوو من هذا 🙄
حنين : مش عارفه بس من بكري مانزلش راسه من عليك
انا : باهي ووطيت راسي
قعدنا نتمشو شوي وبعدها لقيت صاحبتي نسرين طبعا نسرين هاذي نعرفها من الابتدادي كانت تقرا معاي بس كان عيبها انا تحكي معا هلباااا شباب ولما تجي بحداك تقعد تقول هذا قالي وهذا ناشبني وهذا عطاني رقمه وهذا يبي رقمي وووو وانا كنت نسمع فيه يعني تفرع عندي بس 😏
المهم سلمت عليها وتعرفت علي حنين ورهف ومشينا معااا بعض
خشينا للفصل وقعدنا ناخدو في حصص جت الاستراحه وقولت لرهف ممكن شوي التلفون قالي باهي دقيقه
فتحت التلفون ومش عارفه شن حذفت وشوي عطاتا لياا خديت التلفون وقعدت في اغاني ونشوف في صور وجوي سمح 😍
مشت الايام وتعلقت بحنين ورهف وكان كل ماعندنا حصه رياضه او استراحه ناخد في التلفون من رهف ونكسد عليه
بعدها بشهر كلمتني نسرين وقالي نبيك قبل لاتطلعي من الفصل انا باهي🙄
رن جرس الاستراحه وطلعو كل الطلبه جتني نسرين وقاتلي بنقولك ي ساره
انا :نعم
نسرين : بنقولك راهو ننصحك انك معاش تحكي معا رهف وحنين
انا : علاش ماريت منهم شي لتوااا
نسرين : قاتلي انهم يقولو عليهم مش تمام وانهن يحكن معا هلبااا شباب ووو كانت نسرين غايره منهم ماتبينش نقعد معاهم
انا كان طبعي هادي ونحبهن كلهن قوتلها انشاء الله يصير خير
طلعت نسرين وطلعت انا وراها وقولت مانبيش نمشي نحكي لرهف وحنين عشان ماتصيرش مشكله من راسي 😐
طلعت من الفصل ولقيت حنين ورهف
حنين : خيرها نسرين شن تبي منك
انا :ارتبكت شوي وقوتلا لا غير تبيني نشرحها درس مش فاهمته😊
حنين :اها باهي
قعمزت وشويه جاني الباص وروحت ونا قاعد عقلي في كلام نسرين ونفكر زعمك كلامها صح وانهن مش تمام ويحكن معا شباب
