*هتروحي معايا الحفله
-بجد نفسي أوي بس مش هقدر أستحمل أشوفو وهو بيخطب واحده تانيه قلبي مش هيستحمل صدقيني أيوة نفسي أشوفو وهو بالبدله أوي بس يكون معايا مش مع غيري ملك إنتِ حاسه بيا!
*حبيبتي لازم تكوني أقوي من كدَ والله مَ يستاهل حُبك دَ كله ربنا هيراضيكِ وهيجبر بخاطرك تأكدِ إنه لو خير ليكِ هيبقي من نصيبك وبعدين معلش أنا مش متعوده عليٰ صحبتي وأختي تبقي مدايقه وزعلانه كدَ
فتحتلي حُضنها وأنا مَ صدقت وعيط، عيط كتير أوي مش عارفه قد إيه الوقت اللِ قعدتو في حضنها لكن أنا كُنت محتاجاه أوي وهي عارفه كدَ ومتأكده إنها حاسه بيا
*ممكن بقا القمر دَ يقوم ويغسل وجهه أصلًا مفيش حاجة تستاهل للعياط دَ كله ولازم تخليه يندم عليكِ عاوزاكِ تبقي أحلي واحده في الخطوبه أشطاا!
ضحكت- أشطاا،طب ألبس إيه مش عارفه دَ ولا دَ ولا دَ
* أممممم دَ موضوع طويل بقَ بس هقولك أنا شوفي اللِ جايبهولك دَ
طلعلتلي فُستان أقل مَ يُقال عنه إنه جميل أوي حرفيًا فرحت أوي ونستني إني زعلانه أصلًا حضنتها من فرحتي بيه ف ضحكت
*يالا بقَ عاوزاكِ أحلي واحده النهارده
غمزتلها- هتشوفي هبهرك كدَ
* وأنا مستنيه يجميل
*يالا بقَ عاوزين ندخل قبل مَ يلبسو الدبل
-ملك صديقني مش هقدر أشوفو أنا قلبي واجعني أوي أنا لو شوفته هتحصلي حاجة والله مش هقدر معلش أدخلي أنتِ وشوفيهم كملت وأنا بضحك وسط دموعي وأبقى صوريه بالله عليكِ هو لوحده مش تجبيها معاه ف...
لقيتها سحبتني من إيدي بكل سذاجه وبقيت ف نص القاعه هو في إيه ليه الكُل بيبصلنا كدا لقيتني بضغط عليٰ إيد ملك وهي تلقائي حست بتوتري وطمنتني
-ملك
*أيوة ي شهد
-هي الناس بتبصلنا كدَ ليه!
*ضحكت: ماهو أنتِ مش شايفه شكلك قمر إزاي دَ يشيخه أنا معرفتكيش بس أتاكدِ محمد مش هينزل عيونه من عليكِ
ضربتها في كتفها بخفه وضحكت لقيتها بتسحبني لحد مَ وصلت عند الكوشه إيه دَ أحنا رايحين عليٰ فين منك لله يَ ملك يبنت أم ملك هتوديني ف داهيه
*أهدي مكياجك هيسيح من كتر دموعك خليكِ مركزه عليه كدَ ونظرته ليكِ بعد مَ تسلمي عليه
-ألف مبروك يَ محمد
*الله يبارك فيكِ يَ شهد
إيه دَ هو ماسك إيدي كدَ ليه منك لله يَ ملك قلبي هيقف مش قادره أعمل حاجة مش قادره أحرك إيدي أنا لما بشوفو جسمي بيسيب أصلًا همشي إزاي أنا دلوقتِ أشدها من شعرها دا أحسن وأقعد مكانها طاب والله أعملها بس الحمد لله ملك أنقذتني
*شهد يَ شهد سلمي علىٰ تسنيم يبنتي
شديت إيدي بالعافيه إيدي واجعتني والله يَ جدعان إيه دا ضربه ف إيدك يجدع سلمت عليٰ العروسه وأنا ببصلها نظره مش عارفه أفسرها بس كل اللِ أعرفه قد إيه هي محظوظه بيه ويارب تحافظ عليه وتشيلو ف عيونها وأنا والله هبقى مبسوطه طول ماهو مبسوط بعد ما نزلنا مش عارفه إزاي بقيت بره القاعه أو إزاي مشيت بين كُل الناس دِ بس كُنت بمشي ودموعي سبقاني مقدرتش أتحمل أكتر من كدَ أنا برضوا إنسانه وليا طاقه وحاليًا صاقتي خلصت ومعنديش طاقه لقيت ملك ورايا ومش سيباني وحضنتني قد إيه حضنها دافي ومُريح قد إيه هي صديقه وفيه ومُخلصه خرجت من حضنها لقيتها بتعيط معايا وبتهديني
