*أنا عندي ل عنيكِ كلام
=محدش غيري ف الدنيا
*يقدر يقولو ف يوم من الأيام
=ليكِ أو ل ناس تانيه..... صباحو أدهم سليمان أتفضل قهوتك يَ باشا زمانك
=أبتسمت بعفويه علي طريقتها صباحك جميل زي يومك
شرب رشقه من القهوة وبصلي بإهتمام... بس أنا مش بحبها فيها سكر كل مره هنتكلم ف الموضوع دَ
*يبني أرحم أمي كام مره أتكلمنا ف الموضوع دَ بص يَ مازن هتخليني أعملك قهوة هحطلها سكر
=بس أنا بحبها مره
*وأنا بحبها حلوة
=أنتِ اللِ هتشربيها ولا أنا
*أحنا الأتنين
=يَ سلام
*أيوة أنا أختك الأكبر منك والمفروض تسمع كلامي
=دَ همًا حيالله خمس دقايق
*ولو دقيقه أكبر منك ولا مش أكبر
=أكبر يَ باشا قلبي
ضحكت ف ضحك زي....حقيقي الحياة من غير أخ أو أخت يملي عليك حياتك ويشاركك تفاصيل يومك ميبقاش للدنيا طعم من أساسه... قد إيه مازن شخص لطيف وجميل وكيوت ف نفسه أينعم دايمًا بيشوف نفسه عليا بس مش مشكله برضوا أنا أحلي منه أه أكبر منه ودايمًا بذله علي الحوار دَ ومطفشاه ف عيشته بس ميقدرش يستغني عني يوم واحد ولا من غير قهوتي
*مازن
=نعم يَ مغلباني
*آيس كريم وشويه علي البحر
=أبتسم بخبث وأتكلم بإستفزاز مش ليا مزاج
*وحيات عيالك يَ شيخ دَ هي ساعه واحده لا لا ساعتين أو تلاته أنجز بقَ بدل مَ أنزل لوحدي
=أترجيني شويه
*بصتله بضيق ودخلت جوه من البلكونه هو مفكرني أني مش هروحله تاني بس لاااا والله منا سيباك النهارده غير لما تخرجني ومسكت مخدتين ودخلتله تاني... هتخرجني ولا
= ولا إيه
*خرجت المخدتين من ورا ضهري وإلا هضربك ب دول
لقيته بيضحك بصوته كله يخرب بيت ضحكتك دِ يجدع بتخطف قلبي أخويا وبعاكسهة بقَ لو مكنتش أخويا بس كنت زماني مرتبطه بيك ومستوليه عليك دلوقت أكتر منا مستوليه أصلًا
=مسكني من قفايا ودخلنى من البكونه... قُدامك 10 دقايق وتكوني مخلصه ولقيته بيرفع صباعه وبيقول وإلا
*مسكت أيده وبوستها من غير وإلا ونبي همًا عشر دقايق بالظبط بس أستني
=إيه تاني
*دَ ولا دَ
=الأزرق أجمل عليكِ
*أنت أجمل
=مش أجمل من عنيكِ اللِ هاخدها منك ف يوم
*أنت علي كدَ وواخدها ويالا بقَ بره عشان معايا أخ دقيق ف مواعيده
=ملك يَ ملك أخلصي بقَ
*ثواني ثواني لقيته دخلي وبصلي كأنه متفاجأ
*أنتِ لسه ف الخمار
=مش راضي يتظبط والله أعمل إيه طاب
*لقيته بيقرب مني وبيظبطه معايا بس كدَ بقَ مظبوط وحلو
=أحلف
*والله جميله
=طب منا عارفه
*مسكني من قفايا لا والله ولمَ أنتِ عارفه بتسألي ليه
=قفايا يعم هيشتكِ منك الله
*أحلي آيس كريم لأحلى ملك
=Thanks bro
*الله يسامحك تملي سايب كل حاجة عشانك وعشان أخليكِ تاكلي آيس كريم وفي الآخر تشتميني مكنش العشم والله
=بصتله وكأنه جاهل ومبيعرفش يعني إيه Thanks bro ضحكت لقيت الناس بتبصلي وهو بصلي بحده.... خلاص خلاص مش هضحك بس أنت فظيع ف مره هتجبلي شلل ف معدتي أنا عارفه
*طب يختي بس لمَ تضحكِ أبقى وطي ضحكت الراقصات دِ عشان هتفضحينا
=عيوني عيوني وفجأه سكت وبقيت ببص للبحر وأفتكرت أحلي أيام حياتِ وأنا معاه توهت وأنا قاعده بين أفكاري والحزن أترسم علي ملامحي مش عارفه بقيت قد إيه سرحانه حقيقي محستش بالوقت بس اللِ عرفته أن مازن عرف أني مخبيه حاجة عليه
*ملك مالك فيكِ حاجة
=لا يَ روحي مفيش حاجة
*بجد ومن أمتي وأحنا بنخبي حاجة علي بعض يَ ملك
=عاوزني أقوله إيه عاوزني أقوله أن قلبي مكسور ومتفتفت مليون حته ويزعل مني ولا أقعد ساكته قررت أني أقعد ساكته وأبقى موجوعه ومحكيش غير للبحر هو الوحيد اللِ بحب أحكيله خصوصياتِ أيوة مش بخبي حاجة عن مازن بس حاجة زي كدَ عمري ما قولتها ولا هقولها
*بقالك فتره مش بشوفك أون لاين؟
=عادي زهقت من السوشيال يَ مازن
*لقيته بيبصلي بإهتمام إيه زهقان من السوشيال ومن أمتي دَ... دَ أنتِ بقالك كتير
=فعلًا
*طب تعرفِ أن اللِ مستنياه يبعت كلمني إمبارح وخارج معاكِ مخصوص عشان أخد رأيك ف حاجة كدَ بس يارب توافقي عليها
=قلبي فرح وكان بيضحك وبيرقص من جوه وبان علي ملامحي كدَ أحلف هو كلمك؟ طب قالك إيه؟ قولي بالله بسرعه
*كنت عارف أن في حاجة زي كدَ مفيش حد كلمني ولا حاجة بس كان لازم أختار الطريقه دِ عشان تحكيلي
=أضايقت لا أنا أتخنقت مش أضايقت يعني زي ما كنت متوقعه هو مش هيعمل كدَ ياريتني مَ كنت حبيتك وقررت أني أحكي ل مازن كل حاجة ومخبيش عنه حاجة زي كدَ مره تاني دَ لو كان في تاني أصلًا أتجاهلت وجود مازن جمبي وكأني قاعده لوحدي وكالعاده بحكي للبحر عن اللِ جوايا.... كان شخص لطيف جدًا وحبيته من كل قلبي أحنا أتعرفنا هنا ومكانه المفضل هنا تخيل باجي هنا كل يوم علي أمل أني أشوفو بس مبشفهوش حتي مكانه المفضل أتغير... غيره عشاني هو أنا وحشه للدرجه دِ ومتحبش... بس هو كان بيقول أنه بيحبني الحكايه بدأت بحوار لطيف زيه ثم أني بقيت محور يومه كان بيعرف كل حاجة عني بيعرف أني مخنوقه من غير ما أقوله بقَ يأهمل في الكل ويجي عندى عرفت عنه كل صغيره وكبيره وبقيت بحل معاه مشاكله بقيت بجري عليه أول مَ حد يزعلني وأحكيله وأشكيله على كل حاجة ف قلبي بقيت بحبه من أهتمامه وطريقه كلامه معايا حسيته أنه زيك بالظبط بس كنت غلطانه أنت متتعوضش ولا تتكرر ثم أنه بدأ الكلام يقل ومعرفش عنه حاجة وبعدين خناق ونتخاصم بالأسبوع مع أنه ف الأول مكناش بنكمل يوم ف خناقتنا وكام هو بيجي يرمي كلمه وأنا أرمي كلمه لحد مَ نتصافي وبعدين جات أعفن حاجة ممكن الأنسان تحصل معاه وهى التجاهل أكون فاتحه النت عندي ومستنيه مسدج منه مش بيبعت أدخل أنا وأتكلم ونتخانق ويقول أنه مش فاضي وبيشوف مذاكرته أون لاين وبعدين بدأت أقفل نت ومش بيرن ولا يطمن حتى إذا كنت حتى عايشه ولا ميته مكنش بيهمه أمري قلبي واجعني أوى وبدأت شهقاتِ تزيد... قلبي واجعني نفسي نرجع زي الأول أو حتي أعرف أنه كويس أو لا أو حتى أني أشوفو من بعيد والله مَ هقرب منه بس أشوفو... أشوف طيفه بس وأنا هبقي كويسه نفسي أعرف هو عمل ليه كدَ أنا حبيته بكل مَ أملك ودِ جازات حُبي ليه يسبني من غير سلام ولا كلام حتي دِ جزاتي... خلاني كرهت نفسي وأني أبقى عايشه أه بهزر وأضحك عشان مبينش حاجة لحد أو حد يحس بيا بقيت بهرب بالنوم كتير لدرجه أنك سميتني غيبوبه من كتر نومي نفسي أصرخ بأعلى صوت عندى وأطلع كل اللِ جوايا دَ.. أنت تعرف كنت بفكر أروح عند دكتوره نفسيه عشان أتعالج من حُبه اللِ ف قلبي لسه... لسه مش كرهاه وباقيه عليه كمان ولو جيه هحضنه وأعيط وأقوله وحشتني وقلبي هيسامحه.. مازن أنا بموت بالبطئ ومحدش حاسس بيا
*لقيته بيعيط.. بيعيط عشاني أخويا تانى مره يعيط ف حياته ودَ بسببي الأول لمَ خسرنا أهلي وأهو دلوقت لقيته أخدني ف حضنه .... كل دَ يقلب مازن مخبياه جواكِ ليه محكتليش عن كل دَ وأنا كنت هجبلك حقك منه وأعلمه الأدب ليه خبيتي عني كل دَ يَ أغلى من روحي ليه سيبتي نفسك تعاني كل دَ لوحدك للدرجه دِ أنا مش غالي عندك عشان متحكليش كل دَ ليه دَ كتير عليكِ تشيليه لوحدك كتير عليكِ والله
=شددت على حضنه وكأني بقوله متسبنيش أنا محتجالك أنت حياتي وكل مَ فيها أنت محور حياتِ وأنا من غيرك ولا حاجة... أنا أسفه أسفه والله أسفه وأعدك هتكون أخر مره أنا هعيش ليك أنت وبس ومش لحد تاني أوعدك يَ مازن
*أنا اللِ أسف أسف أني خليتك تواجهي كل دَ لوحدك أسف أني مكنتش حاسس بيكِ أسف أن نصي التاني كان بيعاني لوحده كنت غبي غبي هو في أب مش بيحس ببنته أكيد لا أنا مطلعتش قد المسؤوليه وكدَ خذلت أهلي
=لا لا أنت قدها وقدود والله أنا اللِ غلط حقك عليا حقك عليا يَ مازن
*لقيته بيمسحلي دموعي... تيجي ناكل ويندوز
=ضحكت ومسحتله دموعه... ناكل ويندوز
*متفتحيش عينك بقَ والله هزعل أوي
=يووه ماهو مغمضه أهو إيه أكتر من كدَ يجدع
*متستهبليش بقَ
=خلاص خلاص أهو
*1،2،3 فااااااتحي
=فتحت عيوني يلهوي إيه دَ كان المكان أقل مَ يُقال عنه إنه جميل أوي بلالين ف كل مكان وناس كتير أوي حواليا واللِ ماسك ورد ومازن.. مازن كان مبتسملي أبتسامه جميله أوي توهت فيها أه لو كان مش أخويا.... تصدق لو قولتلك أني نسيت عيد ميلادنا
*أخس عليكِ مكنش العشم والله بقَ تنسي يوم ميلادي
=ضحكت معلش بقَ أنت عارف اللِ فيها...و أستقبلت كلام الناس بكل لُطف
*ودلوقت دور هديتي ليكِ بقَ
=مازن كل سنه وأنت دايمًا معايا وجمبي وأخويا وحبيبي وصاحبي وكل مَ ليا
*يروحي أنتِ وأنتِ طيبه ودايمًا بخير هاا عاوزة تشوفِ مُفاجأتِ ولا لا
=برضوا ودِ تيجي
خرج شخص عُمري مَ كنت متوقعه منه إنه يجي حسيت قلبي هيقف من الصدمه أزاي يجي بعد اللِ حصل لقيته بيتقدم علينا وماسك ورد ف إيده ونفس اللون اللِ بحبه يعني لسه فاكر اللون اللِ بحبه وكان لابس بدله زرقه نفس لون فُستاني ونفس لون الورد
_كل سنه وأنتِ دايمًا جميله كل سنه وأنتِ لطيفه وكلامك ألطف كل سنه وأنتِ معايا
=وأنت طيب وبخير يارب
_عارف أنك زعلانه مني وحقيقي عملت كدَ عشانا أحنا الأتنين حبيت لمَ نبدأ حياتنا نكون علي نضافه مش ملوثه ونكون مش بنعصي ربنا تعرفِ أن كنت بدعيلك ف كل صلاة بصليها أنك تكوني ليا حبيت أن تكوني ليا ف الحلال والله بحبك أوي ودلوقت بقولك تتجوزيني
=بصيت ل مازن اللِ كان مبتسم علي كلامنا وكأني باخد رأيه... أنت إيه رأيك يَ مازن
*طالما قال الكلام دَ ف أنا مش هأمن علي أختي مع حد غير معاه هو والرأي ف الأول والأخر ليكِ أنتِ
=وأنا موافقه
وحياه هادئه بكَ ومعكْ وسلامًا على الدنيا وما فيها💛".
#حكاوي شهد_رجب💛".
