ناضت على الصباح تسمع في العياط والبكاء في دار هبطت تجري وصلت للصالة تشوف في خالاتها وعماتها مع ماماها يهدو فيها وهيا تبكي
أسيل: واش راه صاري هنا ماما شبيك واش صرا
امينة(خالة أسيل):خوك اكرم تعارك مع واحد وقتلو وضرك راه في الحبس
تشوكت أسيل كيفاه صرا ووقتاه ماراهي فاهمة والوا
قعدو يهدو في مامات أسيل ويستنو كاش مايجيهم خبر على خوها
بعد المغرب:
دخل أحمد(بابات أسيل)ومعاه خوالها وعمامها وولادهم
ام أسيل: أحمد تعيش قولي كيفاه علاه ماجبتش اكرم معاه علاه خليتو في الحبس علاه 😭😭😭😭💔
أحمد: كنا مع عائلة اللي قتلو ولد وطلبو دراهم وفصيلة(هذي قريتها في رواية سعودية مانيش عارفة كيفاه يسموها بالدزيرية المهم هيا طفلة تروح وتكون خدامة عند العائلة هذيك يتزوجها واحد من ولاد العائلة بصح بالشيخ برك تقعد عندهم مدة ومباعد يطلقها وترجع لدارهم واحيانا يحبو بعضهم وماتطلقش بالعكس نتمنى انكم تكونو فهمتو)
ام أسيل: هيه تروح علاه ماتروحش تروح باه يرجع ولدي
أحمد: كيفاه تسلمي في بنتك كيفاه بهذي السهولة
ام أسيل: انا قلت هدرتي لازمها تروح
أحمد وانا قلت ماتروحش على جثتي
ام أسيل كي سمعت هكاك طلعت ليها لاطونسيون وداخت
هزوها ادوها للسبيطار.
نرجعو عند أسيل اللي من سمعت هدرت باباها وهيا تخمم قررت أسيل انها تضحي بنفسها على خاطر خوها ماتحبوش يدخل للحبس مع كامل الشي اللي دارو فيها بصح قالت على جال ماما نضحي بنفسي راحت تلم في قشها قررت انها تروح كي يجي باباها تخبرو بقرارها كملت ريقلت قشها ولبست حجابها ودارت نقابها وقعدت تستنى فيهم
نعرفو بالابطال
أسيل: عمرها18 سنة تقرا باك السنة جاية قصيرة ودبدوبة شعرها أكحل وطويل عنيها كحولة جمال عربي اصيل كيما يقولو تلبس حجاب شرعي ودير النقاب خوها اكرم حاول يغتصبها شحال من مرة بصح هيا كانت تنمع وتهرب منو حكت لماماها بصح ماداتهاش فيها دايما تقولها انك تكذبي حتى تولدا ليها عقدة من الرجال واللي يحاول يقرب ليها تحكمها هستيرية تاع عياط هذي نبذة مختصرة على حياتها
نروحو للبطل
انيس : عمرو 27سنة يخدم عسكري جاي طويل واسمر حلم كل فتاة اضن جدي مايحبش الضحك واللي يقلقو يخلص هوا حنين مي مايبينش
كبداية نتمنى انها تعجبكم
أنت تقرأ
همسة وجع
Romanceهذي اول كرونيك ليا نتمنى انها تعجبكم تحكي على طفل قتل واحد واختو هيا اللي راح تخلص عملتو راح تروح فصيلة للعائلة المقتول وتكون خدامة عندهم وهيا تكون متزوجة بولدهم كي تقرو القصة ضرك تفهمو ممكن تكون فيها لقطات منحرفة وهيا قيد الكتابة
