جيت وجبتلكم جزء جديد نتمنى انها تعجبكم طاقو صحاباتكم يجو يقرو 🥺❤️
بالنسبة لخوها هذيك حكاية كاين منها صح وصرات لصاحبتي
نبدو ضرك
انيس يحكي: قاعد نشوف في ملاك قدامي ومن غير مانشعر حطيت يدي على وجها ومركز في ملامحها للحظة نسيت هيا علاه هنا ونسيت انا هدرتي اني راح تنتقم منهم ماطولتش ياسر وانا قاعد نخمم على خاطر هيا فاقت وتفجعت كي شافتني قدامها وانا تفكرت كلش وعينيا حمارو من الغش
انيس: هيا ازربي روحك واهبطي ماناش راح نباتو هنا من جرتك وهبطت رحت نهبط في لفاليز تاعها
هبطت أسيل تجري خايفة يزيد يضربها ولا كشما يديرلها
راحت تمشي من وراه وقاعدة تشوف في القصر كيفاه مخدوم تثبت في كل تفصيل من تفاصيلو فاقت على روحها وقعدت تبع فيه وعينيها في الارض حتى دخلو لداخل وراحو للصالة شافت مراة كبيرة وتبان شريرة😈
ومعاها 2 بنات سارة ومرام توأم وطفل اوخر عمرو 20 سنة باين ناس ملاح راحت باه تبوس ايد المرأة وتسلم عليها هيا حكمت ايديها وهيا نطرتها و
ام انيس: مانيش حابة وحدة خامجة كيفك تمسني انتي خدامة هنا اعملي حسابك وعمرك ماراح تكوني فرد من العائلة تاعنا كيما قتلو ولدي وشويتولي كبدتي عليه الما نشوي قلب ماماك عليك وضرك طيري من قدامي مانيش حابة نشوف منضرك
أسيل هبطت راسها وراحت وقفت ورا انيس ماهيش عارفة وين تروح
انيس كي شاف امو كيفاه تتصرف معاها قدام خاوتو حس بالاهانة مهما ماكان تقعد عبد مايجيش يصرا معاه هك شاف فيها وقاللها تبعيني راح طلع في الدروج وهيا وراه حتى وصلو لشمبرتو قاللها انتي راح تعودي ترقدي هنا معايا مي بلاصتك في الارض فرشي غطاء ولا اي حاجة مانحبكش تقربيلي فهمتي وضرك البسي حاجة بش يجي الشيخ يعقد لينا ومباعد نتفاهم معاك
أسيل:
بعد ماقالي هكاك رحت لبست عباية كحلة وواسعة درت خيماري وهبطت معاه رحنا عقدنا ومباعد جتني امو قاتلي نوضي نضفي الدار وطيبي الغداء يلا
أسيل: حاضر..يتبع
أنت تقرأ
همسة وجع
Romanceهذي اول كرونيك ليا نتمنى انها تعجبكم تحكي على طفل قتل واحد واختو هيا اللي راح تخلص عملتو راح تروح فصيلة للعائلة المقتول وتكون خدامة عندهم وهيا تكون متزوجة بولدهم كي تقرو القصة ضرك تفهمو ممكن تكون فيها لقطات منحرفة وهيا قيد الكتابة
