"ඒ ගැන මම ඔබ‍ට කියන්නම්." තමන්ගේ පිටුපසින් ඇසුණු ඒ කටහඩ නිසා හන් හේශින් සහ යේහ්වා ඒ දෙසට හැරුනා. පාලිකාවන් දුසිමක් සමග එතන සිටි ගැහැණිය දුටු හන් හේශින් ඉක්මනින් හිස පහත් කොට ආචාර කර, "අගබිසොවුනි..." යැයි පැවසුවා.
තමා ඉදිරියේ සිටින්නේ අගබිසව යැයි වටහා ගත් යේහ්වා දෙවරක් නොසිතා ඇයට ආචාර කලා.
"යේහ්වා ඔබ‍ට කෙසේද? මා ඔබ ගැන බොහෝ සේ වද උනා." අගබිසව කරුණාවන්ත ලෙස පැවසුවා.
"ඔබතුමිය කරදරයට පත් කිරීම ගැන සමාවෙන්න බිසවුනි." යේහ්වා හිස පහත් කරගෙනම පැවසුවා.
"එසේ නම් කමක් නෑ. පාලිකා හන්, ඔබ‍ට දැන් යා හැකියි. යේහ්වා ඔබ‍ට අවශ්‍යයි කිව්වා නේද යමක් දැනගන්න. මම ඔබ‍ට ඒ පිලිබදව පැහැදිලි කරන්නම්. මා සමග පැමිණෙන්න."
කරුණාවෙන් එසේ පැවසූ ඇග බිසව යේහ්වා සමග ඇගේ කුටියට ගියා. අගබිසව තමන්ගේ ස්ථානයෙන් අසුන් ගත් පසු යේ හ්වා ඇයට ආචාර කලා. නමුත් ඇය කුමක් කරන්නද කියා සිතා ගත නොහැකිවයි සිටියේ. ඒ බව තේරුම් ගත් අගබිසව තමන්ගේ අනෙක් පස පෙන්වා,"මෙතනින් ඉදගන්න. අපි කතාකරමු." යැයි සිනහමුසු මුහුණෙන් යුතුව පැවසුවා.
යේහ්වා ගොස් අගබිසව අසලින් අසුන් ගත්තත් කිසිවක් කතා නොකර බිම බලාගෙන සිටි නිසා අගබිසව කතා කලා.
"යේහ්වා.... මම ඔබ‍ට කතන්දරයක් කියන්නද?"
"එවිට යේහ්වා හිස ඔසවා,"කතන්දරයක්????"
"ඔව්... ඔබ අහන්න කැමතිද?"
යේහ්වා ඔව් යැයි කියන්න හිස සැලුවා.
"ඔන්න එසේ නම් හොදින් සවන් දෙන්න.... එකමත් එක රටක රජ කෙනෙක්ට බොහොම පක්ෂපාතිව සේවය කරන ආරක්ෂක නිලධාරියෙක් සිටියා. ඔහු රජුගේ කුඩා කල සිටම මිත්‍රයෙක්. එම ආරක්ෂක නිලධාරියාට හරිම හුරතල් දියණියක් සිටියා. ඒ වගේම තමයි රජතුමාටත් පුංචි කුමරියක් සිටියා. සුව කල නොහැකි රෝගයක් නිසා එම කුමරිය මියගියා. රජතුමා සහ එතුමාගේ බිසව මේ නිසා බොහෝ සිත් තැවුලෙන් සිටියේ...
එක් දිනක් රජවාසලට මැරයින් පැමිණ රජු ඝාතනය කිරීමට උත්සහ කලා. ඒ මොහොතේ එම ආරක්ෂක නිලධාරියා රජු ගෙ ජීවිතය වෙනුවෙන් තමන්ගේ ජීවිතය අහිමි කර ගත්තා. රජතුමාට අවශ්‍ය උනත් එම ආරක්ෂක නිලධාරියා බෙර ගැනීමට, එය ඔහුට නොහැකි උනා. ඒම නිලධාරියා මිය යාමට පෙර කියූ අවසන් දෙය උනේ 'කරුණාකර මගෙ පුංචි දියණිය හොදින් රැකබලා ගන්න' යන්නයි.
