السيد الرئيس

الحلقة{6}

#السيد الرئيس
#بقلم_جولي اقارصؤ
الحلقه {6}
(القصة حقيقية)
في حوش شاكر ..........
الريس درس السيارة ونزل ونزلة ريمال تبكي طق ع الحوش
وردة/العفوا هدا منو الساعه واحد يطق
ريناد/بالك بوي ناسي مفتاحه خلي نشوف منو ومشت بتفتح
وردة/وراها شوفي منو قبل
ريناد/منو
ريمال/افتحي ريناد اني ريمال وتبكي
ريناد/ريمال فتحت الباب ريمال
ريمال/حضنت اختها وبدت تبكي
الريس/كان واقف قدام الباب
ريناد/حضنة اختها ومصدومه في الريس شخصية تشبحله
الريس/خشو ادخل ورد الباب بصكره
ريناد/قاعدة تشبح لي الرئيس ومصدومه
ريمال/تبكي
وردة/خيرك يابنيتي شن فيه
شاكر/درس السيارة ونزل يشبح الريس واقف قدام الباب مشاله سلم عليه كيف حالك ياولدي وشد يده
الريس/اهلين عمي شاكر بخير الحمدالله انت كيف حالك
شاكر/واللهي بخير ان شاءالله خير بس جيتك في هلليل هي تفضل ودف الباب فتحه
الريس/لا خير ان شاءالله وصلت ريمال قالة بتشوف العيلة
شاكر/لما افتح الباب شاف بنته تبكي فهم الموضوع خشو ادخل وشبح لي الريس تفضل ياولدي خش نتفهمو
الريس/يزيد فضلك بسم الله وخش لي المربوعة قعمز
شاكر/قعمز وحول معرقته ومسح ع صلعته واللهي ماني عرف شن بنقولك ياولدي
الريس/ماتقول شي ياعمي وحسبك زي بوي لكن الي صار صار توا اني عارف ماتبوها تعرف لي انه صدمه واني مقدر الموقف هدا ومش سهل الموضوع انه حد مات وطلع حي لكن اخرتها بتعرف تعرف من الاول خير واني اي قرار بتخده واقف معها فيه
شاكر/بارك الله فيك ياولدي واللهي عانت هلبا من الموضوع هدا سامحني انه نتكلم قدامك في شي هدا
الريس/لالا مسامح وكلمك ع عيني وراسي وهدي بنتك وليك الحق دافع علها
شاكر/بارك الله فيك واللهي عانت هلبا ياولدي من الموضوع هدا 4سنين مريضه كيف قلنا تحسن حالها وصار الي صار واللهي متحشم معاك ...وكان باين ع شاكر انه متحشم ومش عارف شن يقول عاد بنته جايبه راجل في انفصات الليل من مكان ابعيد
الريس/عارف ياعمي ومقدرها والي مرة بيه مش سهل وزي ماقتلك خلها تخد راحته وتقعد وتفكر والقرار الي تبيه اني موافقه فيه
شاكر/ان شاءالله خير ياولدي
الريس/ان شاءالله واوقف توا نستادن منك وسامحني ع جيتي في لليل المتاخر
شاكر/لا ماعندك حق انت واحد من العيله وتفضل مرحبتين بيك في اي وقت
الرئيس/بارك الله فيك والله يعزك هي تصبحو ع خير
شاكر/وانت من اهل الخير سامحنه
الرئيس /اطلع قدام الباب لا عادي هي سلامو عليكم ومشي ركب السيارة ومشو
شاكر /صكر الباب وخش لي المربوعة قعمز ويفكر في بنته وراجل بنته في هل الموضوع الي مكان في الحسبان
...................
ادخل .....
وردة وريمال وريناد خشو لي دار البنات وصكروها
ريمال/حطا يديها ع خدودها وتبكي ياحليلي طلع عايش وماقلتولي علاش ياحليلي علاش دسيتو عليا يمه علاش ماقلتولي من اول مروحه
ريناد/اهدي خلاص وراس اوخيتي خفنا عليك يصيرلك حاجة هدا علاش ماقلنلك واللهي
وردة/به يابنيتي مش عيب عليك جايبة راجل في هلليل من اجبل
ريمال/تبكي وتعيط شن تبوني نصبر لي الصبح كيف كيف اربع سنين فاتو عليا واني ميتا معه قلبي نحرق في غيابه مت الف موته تمنيت الموت ع انه مايفرقني تميت نحلم بيه ماحلمت كيف صبرت 4سنين وهو اسمه ميت وفي قلبي وعقلي عايش توا مل
اتبوني نجيه نشوفه نشوف قلبي وحب حياتي نبي نشوف روحي تي نجي ع خاطره لو في اخر الدنيا بس باللهي عليكم هو عايش ماتكدبو عليا وتبكي
ريناد/عايش بس ياريمال
ريمال طلعة تجري فتحت باب دار وراها امها واختها
ريمال/فتحت الباب وتجري في الشارع
ريناد/طلعة وراها لي قدام الباب تعلي جاي ريمال
وردة/حطت ردها ع راسها وطلعة تجري حفينا وراء بنتها
شاكر/طلع وراهم يجري
ريناد/واقفة قدام الباب تشوف في امها واختها يتجارو وراء بعض ولحقهم بوها
شاكر/تلفت لي بنته خشي دخل ومشي
ريناد/خشت وصكرة الباب
..................................
في الشالي........
جودت/يعيط وداير ايديه وراء راسه مناااار منااار وراس حبيبي اطلعي وغيطس ويطلع مناااار ويخبط في الميه
الزوبير/يغطس حتا هو ويدور وطلع يمسح في وجها وشعره بي يدي تي وين شد يد خوه من مرفقه كيف تخلها تخش انت كيف
جودت/يبكي طح ع راكبه كله مني اني كله مني ويبكي
منار/شدتها عمان تحت المية لين وصلت قدام حوشهم وكان ضلام طلعة تجري من البحر خشت من باب الخلفي بدلة حويجها بسرعه خدت شنطتها وتلفونها ومفاتيح السيارة وطلعة مشت لي المطار
الزوبير/فاهمني شن فيه علاش خشت البحر وين بنت عمك وين
جودت/بدي يعيط مناااار وناض خش لي البحر تاني لا لا مغرقتش لالا ويعيط
الزوبير/لحقه يدور معه ومش فهم شي
...............................
في حوش امالي صلاح.....
ريمال/اطق بي ايدها ازوزو وتبكي صلاااااح صلاااح
صلاح/نخلع ناض من المربوعة يجري افتح الباب
ريمال/شبحت صلاح صلاح ودخت
وردة/ريمال مشت تجري لي بنتها
اميرة/بسم الله البنت ياولدي
صلاح/قامها في غمره ودخلها لي المربوعة حطها ع الجلسه وقاعد يشبحلها
شاكر/قاعد واقف قدام الباب لا حول الله ربك يستر وخلاص
وردة/خشت عاد تنوض في بنتها ريمال يا حليلي بنيتي
اميرة/خشت جابت امية وجت ترشرش علها في الميه
صلاح/يحولها في وشحها صبي يمه ميه
اميرة/صبتله ميه في يده
صلاح/مسحلها ع وجها ويضرب فها في الكفوف ريمال ريمال
وردة/بنيتي فيقي وراس ابنيتي
ريمال/فاقت تشبح في صلاح قدام عيونها وتبكي حطا يديها ع خدودها ياحليلي انت حي ولا نحلم اني
صلاح/اني حي
ريمال/تبكي وحضنته وتبكي تبكي
اميرة/وردة خليهم يتفهمو بروحهم وطلعة هيا ويها برا لي صالة
صلاح/تحشم من امه او وردة طبطب ع ضهر ريمال بي يده خلاص خلاص اهدي
ريمال/ياروحي مش مصدقه انك قدامي ياحليلي قلولي مت ياحليلي كدبو عليا وقتلوني ياحليلي حرموني منك ياعمري وحضنته وتبكي
صلاح/ كان يطبطب ع ضهر ريمال بي يد وحده بس اهدي خلاص اهو عايش خلاص
ريمال/بعدة عليه وتبكي وتشبح لي عيونه استحشتك 4سنين مافرقت عيوني وخيالي وقلبي 4سنين مانسيتك ولا دقيقه عايش فيا ودموعها ينزلو وكانت فرحانه بطير وتبكي تبكي
صلاح/خلاص اهدي عارف سامحيني عدبتك في هسنين
ريمال/علاش 4سنين غايب علاش قلو انك ميت وقتلوني بيها الكلمة هدي محرها ياصلاح اناس تعزي فيا فيك محرها ياقلبي محرها ياعونتي وتبكي
صلاح/خلاص اني كنة فاقد الدكيره هدا علاش ماوليت في وقتها وغبت وقاعد يحكيله وهيا تبكي
.............................
في حوش التومي الرتش..........
درس السيارة الريس ونزل مشي لي السيارة الي وراه من روشن جابر واوقف عليه
الريس/خلاص روحه انت ويه الصبح مع 8تعلو
جابر/ماتبي شي
الريس/لا سلامتك تصبحو ع خير اوخر وحط يديه في جيوب السرول
جابر/وانت من اهل الخير
فتحي/ضربله تحيا اوخر السياره وطلع وتصكرة البوابة
الريس/ مشي جهت باب الحوش سلب تجكتا حول حمالة السلاح وحطها تحت اشجرة في حوض الغرس مايبانش وشد تجكا وركب وخش من الباب انزل لي الرفوتجي البدروم لقي جودت مهناش سلب كندرته وحط تجكتا ع كمدينو وتكا ع السرير وحط يديه تحت راسه ويفكر ...اااه استفر الله والحمدالله ع كل حال
..........................
في المطار .....
وصلت منار وتمت اجراتها وركبت الطيارة وقبل مااطير الطيارة بشويا اتصلت بي جودت
...........................
جودت في البحر يعيط ويدور بيهبل والزوبير يدور معه ويعيط عليه
الزوبير/يعيط فاهمني يابهيم شن صاير
جودت/يبكي ويدور في الميه ورن تلفونه في يده شبح منار منااار وفتح طول منار الو مناار وينك انتي وينك
الزوبير/مشاله يجري وينها
منار/اطمن اني بخير يانضيف وها اليي فكرت فيه صار توسخت ضع شرفي بديت مش بنت بديت زي الي كنت في بالك وحده وسخها بس ماتنسه انه توسخت ع يديك خلتلك البلاد بي طولةه وعرضها وراجعه لي اليهود الي زي
جودت/منار حبيبي اني اسف وحقك عليا بس انتي وين باللهي عليك
منار/اسف هه شن فيدت اسفك بعد الي صار اني انسانه ميته بعد الي صار شن فيدت عتدار لي شخص ميت
جودت/اسس حبيبي واللهي انحبك واللهي عارف ضلمتك بس اعظني فرصة نشرحلك
منار/ماتهمني راجعه لي اليهود الي ماتفرق معهم العنصرية معني مسلمة بينهم بس عمرهم ماحسيسني انه غريبه ونتقدوني مشكور ياولد عمي حسبتك بتصوني ضريتني ترتني غريبة في وطني ربي ياخد فيك الحق وصكرة
جودت/منار الووو منار منار توت توت ..... عودلها مقفل اطلع يجري من البحر
الزوبير/اوره وين ماشي فهمني بنت عمك وين
جودت افتح سيارة الزوبير كانت مولوعه وركب في كرسي السواق وزوبير جنبه
جودت/ المطار واخر السيارة وطلع يجري
........................................
في حوش مالي صلاح......
وردة/في صالة سمحونا يا اميرة واللهي شدينها وجت تجري مالحقت علها وبوها اهو واقف في الشارع
اميرة/يا وردة احني جران لي بعض وبنتك بنتي وعرفين كيف حلاته مانلومو ع بعض واي وحده في مكانه راه دارة زيها
شاكر/برا مقعمز قدام باب الحوش ع المرشبيدي وداير يديه ع ركابه ويستنا فيهم ويفكر شن بيدير مش عارف
في المربوعة ......
ريمال/تبكي انت تزوجت كيف تزوجة علاش تزوجت صلاح
صلاح/شن علاش تزوجة مش كنة نشرحلك انه اني قاعدة في المغرب وهيا الوحيده الي وقفت جنبي وعنتني وتزوجتها باش خديت الجنسية ودرة زواج وروحت اهني اهو تشفي فيا قدامك
ريمال/يعني زواج ع الجنسية بس وله
صلاح/لا مرتي ونحبها وعندي منها ولد
ريمال/واقفة كيف واني يا صلاح اني مش حبيبتك علاقة وحب 4سنين متك عدبني 4سنين اني وين مشيت
صلاح/اني تزوجت وانتي تزوجتي ودنيا نصيب
ريمال/بدت تعيط ماتزوجتش لي انه نبيه تزوجة بي اسيف جبروني انحبك انت مانسيتك ماقدرت ننساك افهم قربت منه حطت يديها ع صدره وتشبح لي عيونه صلاح حبيبي اني راه ريمال حبيبتك وخطيبتك معقوله حبيت غيري معقوله نسيتني
صلاح/بعد علها ناصيب ياريمال وتوا اني انسان متزوج وانتي تزوجتي خلاص توا انتي لو كنت اني ميت حق حتكملي حياتك زي ماهيا وخلاص
ريمال/لالا منقدرش ننساك صعب مانسيتك واللهي انت حبيبي صلاح مستعده انه نطلق ع خاطرك المهم مانفقدك مرة تانية ماتسيبني ياصلاح نموت من غيرك اني انسانه ميته من غيرك
صلاح/ياريمال غير اهدي شن تقولي بس شن تطلقي لالا اني راه مانبي نخد ع مراتي
ريمال/طلقه خلاص انت رجعة لي ليبيا حياتك اهني
صلاح/شن نطلقه تحسبني هبلة لا نبها مرتي
ريمال/تعيط عليه كيف تبها انت حبيبي اني وخطيبي شن تقول انت صلاح ماتهبلني علاش كلامك هكي خيرك جاف معيا واني فرحنا ومش مصدقه انك قدامي وروحي وعمري نحكي معه وتبكي
صلاح/لي انه خلاص كل حد توا عنده حياته صح كنه قبل 4سنين نحبو بعض ومخطوبين لكن خلاص 4سنين فاتو وصار فيهم هلبا قصص واني حلين مانبي نجرح مشعرك يا ريمال وعارفك فرحانه بي رجعتي وتعدبتي في غيابي من عيونك وضح بس اني خلاص حبك من قلبي متسح واني انسان تزوجت وعندي ولد عمره سنتين ونص والحق مانرضه لي مراتي نجيب علها ضره بعد ماوقفت معيا في شتي وغيابي ع وطني واهلي وناسي خدتني في حوشها وعلجتني وصرفت عليا نجي نكفها اني بعد هدا كله نجيب علها ضره
ريمال/تبكي وتاشر ع روحها اني ضره اني الي كنت مالكه قلبك وعقلك وكل شي نسيت هدا كله حتا واني متزوجة قتلك نطلق ع خاطرك جاي تقلي ضره وعلاش ماتشوف اني شن درت من بعدك 4سنين الي تتمعشق فيهم اني الي ميته مش انت عشت دخلي 4سنين 4سنين اني جثا بس عقلي وقلبي صلاح صلاح صلاح كل شي صلاح ندعي كل يوم نشوفك في الحلم نسمع صوتك نتفرج ع صورك نبكي نموت الف موته كل دقيقه ع غيابك جاي تقولي مانجيبك ضرة ع مراتي كلامك قهرني وجرحني ياريتك متت ولا سمعت منك الكلام هدا وتبكي وطلعة فتحت الباب
صلاح/ولا كلمة واقف وخلاص
وردة /طلعة وراء بنتها
شاكر/لما نفتح الباب اوقف
ريمال/حضنت بوها وتبكي
شاكر/ضمها ومشي هو ويها وردة لي حوشهم روحو
اميرة/شن قلت لي البنت
صلاح/كل شي قتلي بنطلق وتخدني قتله لا الحق مرتي نبها مانبيه هيا
اميرة/ياولدي البنت كيف ولت حالها باهي كيف تقله هكي
صلاح/الحق هدا شن نكدب علها
...............................
في المطار .....
وصل جودت درس سيارة قدام باب المطار خلها ولعا ونزل يجري لبس شورط بس وحفيان خش لي المطار وراه الزوبير يعيط عليه
الزوبير/جودت تعاله جاي
جودت/خش يجري لي المطار دخل ويدور وناس تتفرج عليه
زوز من الامن شدوه
جودت/تي حول يدك انت ويه حول ويدف فيهم
الزوبير/جه يجري يفك فيهم خلاص خلاص توا نطلع اني ويطلع في خوه شده يتلتل فيه برا
جودت/يدف في الزوبير حول خليني نشوفها قبل ماتسافر مانبها تسافر حول
الزوبير/تي بلا عار تعله اسكة طلعه برا هو والامن وطيارة طارة
جودت/باللهي عليكم ياخوتي طيارة هدي وين متوجها
الامن/لي تونس وروح
جودت/سوال اخير في طيارة حتطلع توا
الامن/لا هدي اخر طيارة لي الاقلع في لي الاستقبل بس
الزوبير/تله قايمه سمحونا ورفعه جنب السيارة تي خيرك هبلة خاش هكي
جودت/شد راسه سافرة ومالحقت علها
الزوبير/يشبح في الامن وقفين ركب خوه ومشي
في للطريق....
الزوبير/ايسوق فهمني ياجودت بنت عمك خيرها مرة تقولي بحر ومرة سافرة شنو القصة فهمني ماتهبلنيش تكلم
جودت/يعيط شن تبني نقولك انه خوك احمار وحقير وكلب اوسخ هو عقله تبليت ع البنت يا زوبير تبليت علها وسختلها سمعتها وضيعتها وشد راسه
الزوبير/غير شن تقول شن ضيعتها شن درة لي البنت عمك ياحمار فهمني شن صار تكلم سمعت شنو فهمني
جودت/سمعت انها مش بنت
الزوبير/شنووو
جودت/قلولي هكي زليتها بها انها مش شريفه ودفعة ع روحها بس كدبتها وصدقت غيرها
الزوبير/ماتقوليش درتها ياجودت
جودت/ماهو اني وسخ درتها وطلعة بنت وسختلها شرفه
الزوبير/علاش هكي ياحيوان وحط يده وراء راسه وضربله وجها ع افودره
جودت/ شد خشمه دم
الزوبير/ياحمار يابهيم حسيت اني كم مرة في شي غلاط عمرك مادفعة علها وتزل فها ومسمها يهوديا يايهودي لكن ماتوقعد توصل بيك اندالة لي درجة هدي.... يا ..... اتفوه عليك هكي تحس في روحك راجل ويهزب فيه
وجودت/شاد خشمه ويفكر في منار وشن دار فها ...نادم وربي نادم نبها ترجع نحبها اني واللهي العظيم نحبها
الزوبير/تي حب شني يا ..... ماعندها مابدير بي واحد تفه وحقير زيك ورفعه لي المستشفة
................................
في الطيارة.......
منار تبكي ع شرفها وع ناس الي عتبرتهم اهلها ماصنوها والاب الي هملها يسافر ومايدور فها قاعدة وحيده وبس
مراه جنبها/خيرك بنتي تبكي
منار/شبحتله ستحشت امليه بنشفهم
مراه/ان شاءالله تشفيهم ع خير معش تبكي
..............................
في حوش شاكر .........
ريمال رقدة في فراشها وتبكي
ريناد/مقعمزة قدامها خلاص ريمال عيونك بينعمو من دموع خلاص اهو طلع عائيش وشفتيه وخلاص عاد
ريمال/ياريته قاعد ميت ياريناد ولا شفته ولا سمعت شن قال دمرني وجرحني بي كلامه مش صلاح الي نعرفه اني مش حبيبي هدا مستحيل صلاح يقولي هكي مستحيل يتخله عليا لالا هدا مش صلاح مش صلاح وتبكي
ريناد/لا صلاح خلاص و متزوج وانتي تزوجتي فاتو 4سنين بي طول والعرض انسي وعيشي حياتك خلاص عندك راجل زي الغزال نصدمة فيه لما فتحتلك الباب شن تبي بي صلاح وسنينه اكسبي الحاجة الي مالكتها مش الي بعيد عليك وتبها
ريمال/صعب ننسا اني مانسيته هو ميت لابال هو عايش وشفته نموت من غيره ياريناد نموت اني وتبكي تبكي وتهدي فيها ريناد
......................
في دار النوم...
وردة/شن قالك راجل بكري تحشمت منه والله وجهي نسلخ قدامه وهيا تبكي
شاكر/اراجل عاقل ياوردة قلي سيورها بتعرف وتعرف توا خير من بعدين والقرار الي بتخده هيا اني معها فيه
وردة/يسترا الله بنتك شن دير
شاكر/ان شاءالله خير اني بنتك الي بديره خلي ديره خلاص معاد عندي جهد ياوردة هدي حياته وهيا حره فها والقرار الي بتخده تتحمل مسؤلية نفسه ياريتني واللهي ماتحشم مع راجله ومع التومي الي يشكر في البنات واللهي معاد عارف كيف بندير بنجبرها خايف دير حاجة في روحها بنخلها ع راحتها خايفها تخد قرار غلاط وتقعد حشمه بيني وبين التومي
وردة/خلاها ع ربك وخلاص
شاكر/ان شاءالله خير والي كاتبا ربك بيصير
..............................
في حوش التومي الرتش ........
الريس متكي ع السرير يسمع في تلفونه يرن جبد تجكتا طلع تلفون رد
الريس/ايوه
رامي/ايوه يا سيد الرئيس
الريس/اهلين رامي
رامي/سامحني متصل في الوقت
الريس/ولا ايهمك ان شاءالله خير
رامي/خوتك موجدين في المستشفة عندنا ماتخفش عليهم مافيهم شي
الريس/اوقف خدي تجكتا ولبس كندرته وطلع يجري... جاي... وصكر الخط طلع يجري برا خدي سلاحه من الغرسة وركب السيارة ومشي
..............................
في المستشفة....
في غرفة المعاينة
جودت/مقعمز ع السرير وقدامه دكثور يكشف عليه
دكثور/يمسله في خشمه شن ضاربك
جودت/ااااه
الزوبير/جنبهم واقف ... حادت
دكثور/لازم من صورة حنحولك ع قسم الايشاعة
الريس/خش
جودت/شبح ايسار شاف الريس وشاد خشمه..الرئيس
الزوبير/تلفت سيد الرئيس سلم ع خوه
الريس/شبح لي جودت خيره وجهك منفوخ شن فيه
الزوبير/حادت سير
دكثور /تعاله معيا لي قسم الايشاعة
الريس/شبح لي دكثور شنو الاضرار
دكثور/لا مافيه شي صحته تمام بندرله صورة ع خشمة نشفو مكسور او لا
الريس/الحمدالله وشبح لي الزوبير انت شن صارلك
الزوبير/زي الاحصانقام يديه ميه ميه هه
الريس/ باهي كويس وحط يده ع كتف خوه ومشو وراء جودت ودكثور
دروله صورة مطلع فيه شي دروله لصقه ع خشمه وعطو دوه وطلعو من باب المستشفه
الريس/لف ع سيارة الزوبير كلها واوقف قدامهم شن القصة
الزوبير/حادت
الريس/به حدت خوك خنفورته منفوخه وجاي في شورط والسيارة جديدة حتا واحد سكران ماتفوتش عليه
جودت/شد خشما وسكت ويفكر في منار
الزوبير/يودي ماخشينا في حد كنت نجري واحد قص قدامي شديت فرينو خوك جي وجها في الفودره
جودت/صح
الريس/مسح ع لحيته عجبك منضرك عريان طلع
جودت/التشرت مسحت بيه دم ولوحته
الريس/باهي هيا اركب انته ويه
جودت وزوبير جو بيركبو في سيارة الي جو فها
الريس/جودت معيا اشرله ع السيارة
الزوبير/اشبح لي جودت المخبارة
جودت/تم وركب مع خوه والزوبير وراهم بي سيارته وروحوه
وقاعدو يهدرزو في البدروم وجودت بيهبل ع منار
...................................
عند منار نزلة من طيارة تونس قاعدة تستنا في المطار في طيارة استرليا وركبت ومشت لي استراليا
............................
يوم جديد .......
الصبح 9ونص
في حوش تومي الرتش ....
ركب الريس من الدروج لقه امه
حدهم/ولدي صباح الخير نورة الحوش وسلمت عليه
الريس/انور بي وجدك ياغالية وباسها من راسها
حدهم/وين مرتك
الريس/دهمته ع حوش امها بتشوف املها
حدهم/باهي ياولدي خلي تشوف امها بعدين جيبها باش غدوا اسبوع
الريس/يمه متزعلي مني بس اجليه اسبوع شويا لين نقلك انيي
حدهم/علاش ياولدي شن فيه
الريس/غير اجليه لين نقلك متشغلي بالك غير صار موضوع نشوفه بعدين نديرو حتا عرس كان تبي ياغالية
حدهم/ع كيفكم ياولدي عادي اناجلوه
الريس/المهم انتي راضية بس
حدهم/الي يرضيك يرضني ياولدي
الريس/باسها من راسها ماتبي شي توا
حدهك/لا سلامتك ربي يحميك
الريس/هي سلام وطلع
............................
برا
فتحي وجابر وقفين قدام باب الحوش
الريس/نزل من ادروج صباح الخير
جابر/صباح النور
فحتي/صباح الفل ياسيد الكل
الريس/شكلك رايق يافتوح
جابر/قمله حوجبه ههه
فتحي/تي رايق ع الاخير
الريس/غير روقنا معاك
جابر/رن تلفونه طلعه لقها اخته ساره
فتحي/توا نروقكم ف السيارة
جابر/ايوه ياساره
الريس وفتحي ركبو لي سيارة
سارة/جابر وراس خويا نقصوني فلوس توا ضروري لي المشروع
جابر/باهي اونا في تجكتي القهوية في فلوس
ساره/لالا توا نبيهم جبهم ليا وراس اوخي في الجامعة
جابر/نجيك عينك توا خيرك مافتحتي فمك وقلتي من امس
الريس/من الروشن برا ولحقنا بعدين
ساره/وراس اوخي تربح
جابر/باهي خلاص وانتي تقول تشحتي جايك اقلبي وجهك
ساره/ راه120
جابر/لما نوصل سهل وصكر
الريس/هي نتلقو
جابر/سلام
ركب سيارة ومشوه
.........................
في البدروم ......
جودت/رقد ع السرير احجزلي لي تونس اليوم
الزوبير/وين بنحجزلك اليوم بنت عمك راه حتا وصلت لي استرليا معندك علاش مسافر انطمر اهني
جودت/زوبير اني لازم نسافر افهمني اني نحبها نبها واللهي نبها
الزوبير/الي يبي حد مايضرشي يا افندي حتا لو سافرة وقلتله الكلامتين هدو تحسبها بتبطب عليك وتفتحلك احضانها غير اعبه هدي منار الي مسمها اليهودية تي وربي كفر اليهود كله لما ترده ليك وناض اطلع قلك نبها تبي رصاصة في راسك ياكلب
جودت/يفكر في منار بيهبل تصل بي فهد
فهد/ايوه صباح الخير
جودت/صباح النور تعاله نبيك في الحوش
فهد/مش قلة بايت في الشاليه
جودت/غير تعاله مدير حادت اني
فهد/غير كيف صار
جوت/تعاله توا نهدرزو
فهد/جايك هي وصكر
..............................
في المدينة ......
درس فتحي السيارة ونزل هو والريس ع رجليهم خشو دخل في المدينه القديمه لي المحلات خش الريس لي محل متع فخار كله حجات اتارية
الحاج عمر/اهوو الرئيس
الريس/سلم اعليه بي الاحضان كيف حالك ياعمي عمر كيف حال صحتك
عمر/الحمدالله بخير كيف حالك انت وشن اخبارك
الريس/الحمدالله بخير
عمر/مدله كرسي صغير تفضل قعمز
الريس/خده الكرسي وقعمز مقبله
فتحي /قعمز فم الباب ودر رجل ع رجل باش مافي حد يخش
عمر/قعمز ع الكرسي كيف حال التومي والعيلة
الريس/واللهي بخير كويسن يشبح لي المحل شن اخبار الخدمة
عمر/ماشية الحمدالله لكن قل الفترة هدي الناس معش تعجبها الحاجة القديمة وشغل اليد كله وله تركي
الريس/الا احني ياعمي قاعدين ع القديم لفلي حاجات لي الحوش لي المراه
عمر/الله يبارك الف مبروك
الريس/الله يبارك فيك
عمر/كان عماد الله يرحمه يقولي في عرس الريس بنشاركه فرحته
الريس/الله يرحمه كان راجل طيب
عمر//اهييي ياولدي دنيا ماتخد غير الباهي ربك كاتب هكي الله يرحمه ويسامحه
الريس/امين عماد قبل يومين من وفته كان عندك
عمر/اي كان عندي لكن كيف عرفت انت
الريس/متفقين من يومنا في كل 28من اشهر يجي حد منا اهني ولا نسيت ياعمي عمر
عمر/اي صح مانسيت لكن نشوف فيك مدكر او له لي انك جاي متاخر
الريس/حقك عليا انت عارف شن صار
عمر/عارف وعدرك واحسن انك ماجيت
الريس/علاش
عمر/جيي فيصل وبوه درو دوره اهني وروحه
الريس/عارف الفترة الاخيرة انه ولده يجي اهني لكن مش زبط انعته
عمر/مدور شي خلي يدور لين رجليه يعيو
الريس/عماد ماقلك شي لما جي اخر مرة
عمر/لما جي كان باين عليه في حاجة صايره معه ومد لي الريس لوز
الريس/خدهم منه صحيت شن فيه
عمر/سلمك ياولدي مشاكل عائلية لكن بعد ماخديت معه وعطيت قلي هو وبوه مشاكل خدمة وانت ادره بي خدمتكم
الريس/فهم اكيد
عمر/خللك زرف اهني لحطه بس هدا ازرف
الريس/شد ازرف ماقلكش شن فيه
عمر/لا اشهداء لله قلي سلمه لي الرئيس كان جا اهني بس
الريس/ياعطيك اصحه ياعمي عمر وحط ازرف في جيبه وبدو يهدرزو
.................................
في الجامعة .....
جابر متصل بي سارة في سيارة
جابر/ايوه انتي وين
ساره/خش ادخل تلقني جهت المدرجات
جابر/باهي وصكر
درس السيارة ونزل عمك جابر يتسنتر يشبح في اخته واقفة من بعيد تاشرله بي يدها بي معنا تعاله مشيلها ويشبح جنب يلقه سرور مقعمزة مع واحد تهدرز ويمشيله حط يديه ع صدر الولد وجبده من سوريته ويشبح لي سرور منو هدا
سرور/واقفت ترعش مع بعضها ج ج جابر
جابر/منو هدا
الولد/تي خيرك حول يديك
سرور/م م م نعرفشي
جابر/يتلتل في الولد تي كيف ماتعرفيشي ومقعمزة بحده
الولد/تي خيرك ياراجل تي حول يديك
جابر/شبحله اااس ولا كلمه
سرور/هدا هدا زميلي زميلي بس يييقرا معيا وحق ربي نشرحله بس
جابر/شبحله سرور
سرور/واللهي واللهي الا زميلي بس
جابر/بعد عليه سوله سوريته سمحنا يا بطل
الولد/يشبحله وسكت
جابر/جبد سرور من يدها وماشي بيقص من الكياس
سارة/تتفرج عليه من بعيد تي خيره اهو من البنت هدي
وجت سيارة تجري مابتش توقف ويضرب في كلاسك حول ياحمار
جابر/بري انتي واوقفله قدام السيارة مشله من الروشن من الي حمار
الولد /انت حمار خاطم من قدام السيارة وتتمختل تحسب روحك ع القرنيش
جابر/جبده من الروشن طلع برا شدله راسه خبطا خبطين ع دمغه دخ مشي لي سيارته جاب حديده دشدشله المرش كله قربعله السيارة ....وشبحله مافيش سيارة تمشي ع الكرنيش
وطلبا كلهم يتفرجو مافي حد قربه
سارة/حي عليا حي
نهد/هدا خوك وله
ساره/لالا مش خويا قاعد ماوصلش
جابر/خدي سرور من يدها جبدها ورفعها وقفها ع الحيط وحط يده ع الحيط جنب راسها ويد تانية في جنبه فهميني كيف تعمزي معه هكي حتا لو كان زميلك
سرور/تشبحله مه مه قلي اشرحيلي المساله هو مش فهمها زي خويا هو بس
جابر/معاش تقليلي زي خوي كل واحد امه بروحه تقعمزتك هدي اخر مرة نشفك مع حد فهما وله
سرور/باهي حاضر خلاص خلاص
جي واحد من الامن لي جابر لو سامحت ياخونا
جابر/تلفة ليه اهووو ولد شرعنا
الامن/اوو جابر سامحنا
جابر/لحطه بس
الامن/خود راحتك كلمني قبل ماتطلع ومشي
جابر/ميه ميه وتلفة لي سرور شن عندك توا
سرور/وحق ربي مروحه لي الحوش
جابر/رجليك في يديك تروحي للحوش طول يمين يسار بنعرف
سرور/لالا الحوش طول اكيد
جابر/مانقصك شي
سرور/لالاالا شي
جابر/سرور
سرور/نقصني انت بس هههه
جابر/ههه خلاص ديري بالك ع روحك ولا ستني توا نوصلك اني
سرور/شن توصلني لالا هداكه اليوم بسيف بس لكن مانحب نركب مع حد قصدي عيب حتا في حقي ركبه معاك من غير اي صيلة قرابة بينا مترضهش ليا وله
جابر/صح
سرور/شفة تي نعرف اني غمزتله
جابر/ههه خلاص بري روحي لما توصلي كلمني قليلي وصلت تم
سرور/تم سلام هربت تجري لي البوابة
حابر مشي لي اخته
ساره/تشبح فيه جاي تلفتت عكس
نهد/تشبح لي جابر صار قلتيلي مش خوك
ساره/لي الاسف خوي
جابر/وراها ساره
ساره/تلفتت انعم
جابر/تلها من يدها تعلي رفها بعيد
ساره/خيرك مع تلن انت من الي كنت معها توا
جابر/شن خصك انتي افتحي شنطك
سارة/فتحت شنطتها الكبيده شكله وله
جابر/حطلها الفلوس في شنطه ياريت معش تسالي احسن ماتجيبي قطع رقبتك ويجيب ربي ياسارة نسمع بيك قيله لي امي تي وربي نعدمك
سارة/نهائي لالا
وطلع جابر
............................
في حوش تومي الرتش..........
في البدروم
فهد/مقعمز جنب جودت ع السرير... مش قلتلك من الاول البنت مضلومه وعمرك ماتسمع من بنت
جودت/مانحسابه لبكدب يوصل لي درجةهدي ويتبلو علها لي انه يهدرزو مع بعض صدقت الكلام قلة اكيد صح تحكلهم وبنات يفهمو ع بعض
فهد/تي كدب قتلك راه البنت يتبلو علها لي انه مش زيهم يقلولك جاية من برا يغرو منها فا وضح بيتبلو علها وبيطلعوها صفتها ونعتها لكن انت ياصاحبي لبزة دنيا في بعضها غير كيف دير هكي وين عقلك بس
جودت/في هديكه لحطه مش عارف شن صار شن درة واللهي نادم يافهد معش عارف شن ندير
فهد/شن فايدة اندم بعد ماضيعة البنت
جودت/نبيك تسعدني تحجزلي طيارة لي تونس ومن تونس لي استراليا
فهد/تبلك اسبوع باش تحجز في تونس اتاشيرة
جودت/درلي الاجراة عادي نصبر اسبوع
فهد /تمام باللهي عليك خليك عاقل وحل الموضوع هدا مش تزيده
جودت/لالا نحله بي ادن الله
..............................
عند حنين....
حنين لابسه وبتطله
حنين/يمه
عايده/انعم
حنين/اني طلعة ماشية لي اسماء زي ماقتلك امس بنمشي اني ويها لي المراة الي طيبة ليهم
عايده/باهي بري
حنين/هي سلام وطلعة ماشية لي ريان
....................
عند لميا....
لبسة هيا وصغارها وطلعو ركبتهم في الايفكو ومشو لي ريان
........................
في حوش شاكر
وردة/في المطبخ اطيب في الغديه اختك مافطرتش
ريناد/قلتلي مانبيش
وردة/قاعدة في مكانه
ريناد/قاعدة متكيا ووسرحنا وخلاص
وردة/واللهي بوك امس قلي متحشم مع راجل قريب يموت جيبتا في هلليل عيب علها
ريناد/به شن بدرلها هيا قاعده صلاح تبيش طلعة من راسها يبال توا عايش
وردة/والله لما تندم اني معاد لا واقفة معها لا دخني فها 4سنين وحني نرعو فها كان ام ولده ميت راه ولدها سهت عليه شن هل الهبال هدا قتلك حب كان الحب يدير هكي جعل الوحد لا حب ان شاءالله
ريناد/ربي يهدها يمه وخلاص
..........
في ادر..
ريمال متكيا من مكنها ماناضة وهيا سرحانه وتبكي وخلاص مصدمة فلي صاير معها صلاح عايش لكن مش صلاح الي تعرفه اما الريس ناسيته من بالها
............................
في المحل........
زوهير/امتا بطلعها من اهني
الزوبير/اليوم الفجر كان سخر الله
زوهير/كيف الفجر هدي بنت ياراجل كيف بتطلع الفجر
الزوبير/بنستنها في شارعهم قلتلي قبل ادن الفجر نطلعلك
زوهير/يسترا الله وخلاص كلمة نعيم
الزوبير/اي مه هو هدا نعيم رافع اعويله كرينه لي تونس ماشين قلي خلاص نركبها معيا كانه وحده من العيلة وفي حدوت تونس مدامه وقرقها سليمة عادي يدخلوها مافي شي
زوهير/باهي تمام ماله
الزوبير/هيا خلي نرتحو انهار جايبة قطع جديدة
زوهير/هيا هي
وصكرو المحل ومشوه
.........................
عند ريان....
جوها حنين ولميا مقعمزين في غرفة اضيوف وصغار لميا يلعبو مع صغار ريان في دارهم وبعد الغديه يهدرزو
ريان/مدت لي حنين صنيت الفوكه قصدك بتسافري اليوم الفجر
حنين/اي اليوم الموعد
لميا/خلاص قررتي يا حنين
ريان/حنين ترجعي اوخيتي واللهي غلاط وضيعي روحك واللهي لما تندمي خليك في بلادك مع اهلك وراجل ديري سبله وماتخديه لكن الهروب مهوش حل غلاط راكي بتسافري لي دولة لا انتي تعرفي علاها شي ولا عندك حد غادي فكري وراس حنين
حنين/فكرة كده من مرة انه نوفت الهروب وما نسافر بس يا ريان بعد ماسمعت كلام امي واخوتي والعيلة كيف يعملو فيا كرهتهم وكرهت روحي العيلة الي اني فها يخلوك تهجي من الحوش وانتي راضية ع نفسك كان العيلة الي اني منها مش طيقيني وين تبني نمشي سهل يلقوني في ليبيا بس مش حيخطر عليهم انه اني برا
حنين/حتا لو كان يا حنين صعب راه بنت بروحها تعيش برا انتي قاعدة في اول طريق ارجعي
حنين/عارفه بس خلاص معاد عندي حل الا الهروب وقررة وخلاص معش فها رجعة
ريان/شبحت لي لميا قولي كلمة خيرك سكته
لميا/ماعندي مابنقول بروحي ضايع في متاهة نفسي
ريان/وانتي تانية ان شاءالله قاعدة تمشي لي انهار
لميا/شن تبني ندير خلاص خدت رجلي ع المشي غادي معش قدرة نولي
ريان/حي عليا كيف هكي راك انتي متزوجة يانهاري الاحرف اجدبي راجلك ليك وخليه يهتم ويرجع زي الاول فوتيك من المشي غادي حرام عليك يالميا راه لك من جوزك ولك من ربك كيف هكي وين ايمانك كيف هكي
لميا/تبكي شن تبني ندير الي نحرمة منه من راجل عوضهلي هو اهتمام ودلع كل شي نبيه خلني نحس انه اني انسانه وحقها تعيش كل شي الي نحرمته من راجلي خلني انسانه هادية وحنونه مع صغاري لا عاد نعيط ولا نلعلع ولا شي حتا راجلي معش نفكر فيه جي ماجاش كل شي ندير فيه بروحي كرهته ياريان كرهة حتا نشوف شكله نرقد مع للصغار ع قد ما اني كرهتا هو الي وصلني لي درجة هدي وخلني نخونه هو الي خلني نمشي لي غيره انسان كل وقته عايش برا الحوش ميندريش عليا لا اني لا صغاري ياريان وتبكي يوم الي مرض ولدي نتصل بيه ميردش معمره قام تلفون عليا وقلي بالك ناقصك شي تبي شي كله هدا ولا ع باله وتبكي
ريان/خلاص وراس اوخيتي اعارفه انه نفسيتك تعبانه بس راجلك فوتيه توا يجي يوم ويضربه الحيط ويولي لي احضانك لكن الغلاط هدا الي ديري فيه كيف بتسامحي روحك بيه خلاص يالميا تربحي معش تمشي غادي وتوبي لي ربي والهي بي صغارك وبس والطريق هديكه انسها وانتو واللهي لو كان ماتعزو عليا زي اوخيتي ماننصحكم راني سيبتكم لكن كل وحده فينا عارفه تانية زي نفسه ومانودلكم الا الخير زي مانوده لي نفسي
لميا/تبكي انتي غير ياريان انتي رجلك مشكلته بسيطه وديما معاك اني راجل ع الورق وبين الناس بس خسارة الحب الي حبيته ليه في الاول كله ضع وقاعدة تبكي دخت
ريان/خلاص لميا وراس اوخيتي
حنين/تكتها ع المخده جبلها ميه بسرعه
ريان/صبحت ميه ع يدها بدت تمسحلها ع وجها بسم الله بسم الله
لميا/فقت تبكي
حنين/تبكي خلاص لميا وراس اوخيتي
حنين/حطت يدها ع راس لميا بدت تقراء علها في القران
....................................
في حوش تومي الرتش ....
جودت ضميره وقلبه يعدبو فيه بيهبل ع منار ولقطت الشالي بين عيونه بعت رساله لي كوتر .......الرسلة بنجيك توا ع اساس بنجبك لي حوشنه تبيك زمرد نبي نشربو قهوة في مكان ونهدرزو
كوتر/تمام تلقني واتيا
ناض بدل وركب مع دروج بيطلع
حدهم/وين ماشي ياولدي وانت مريض
جودت/مافيه شي بنشوف الشباب وجاي وطلع
حدهم/ربي يهديك ياولدي ويحميك
جودت/ركب في سيارته ومشي
...........................