Subliminal
السبليمنال
يحضي يبوي شنو هذا السبلينامل مدري شسمه
اول شي مو سبلينامل سبليمنال 👍🏻
وهي الرسائل اللاشعوريه الي يستقبلها العقل
قبل ما نشرح الموضوع لازم تعرف كم شغله
اكو نوعين من الوعي بالعقل
اول نوع اسمه الوعي "كلنه نعرفه بلا استهبال🌚"
والثاني اسمه اللاوعي"وهذا لاعبنه اليوم "
اللاوعي هو شي معقد اكثر من الوعي بتريليون مره"جني كثرت المهم"
واكيد ما اكدر اشرحهه كله لكن انطيك فكره من العالم العظيم
"فرويد"
نشر جم اقتباس عن توضح اللاوعي للناس البسيطه ع شنو؟
علمود تفهم جزء من عنده 🌚👍🏻
لحد هسه تمام مو؟
احمم
نكمل
هذاا الجزء من عقلناا هو الي يفكر ويشعر خلف الستار مدري البرده
يعني حرفيا احنه عدنا عقل ثاني بصف عقلنا هيج جيران
امم وهذا العقل شنو يكدر يسوي
يتحكم ب افعالنه بشكل من دون ان نكدر نوصل اله مباشره
مثلا مثلا
انت جنت تحلم بحصان في سباق الخيل وهذا يعني غالبا ان عقلك اللاواعي مجتهد او متوتر 🤷🏻♀️
والله اعلم
اذا جنت تحلم عاده ب جكاره ب حلكك ف هذا يعني عقلك الاواعي يريد ممارسة الجنس الفموي"شطح الاخ"
ما اريد منك تفهم اللاوعي بالمضبوط بس اريدك تاخذ فكره عنه لا اكثر ولا اقل ولا وسط
نجي للزبده
السبليمنال
بالبدايه هو حقيقي مو جذب
خل انطيكم مثال سريع خفيف لطيف
انت او انتِ دخلت لمحل ملابس وجانت اكو موسيقى حلوه وعجبتك هنا فتره بقائك وشرايتك من هذا المحل
هي جبيره بكد الكون"مدري شبيه اني"
ليش يمه؟
لان لكو انو الموسيقى تشيل شي اسمه "رسائل لا شعوريه"
يعني بالمصطلح اسمه "السبيلمنال"
يستهدف هذا الشي اللاوعي مالتك ف ينكيك نوع من الراحه او مثل ما نكول واهس
يخليك تشتري
اكول مثال ثاني؟
لاع مبيه حيل والله شسمه اعتمدو ع هذا المثال
باعو الموضوع ليش سويته
بسبب شي اسمه تغيير لون قرنيه العين وهذا الشي مستحيلللل مدري شلون فكرو هيج المهم يسون هذا الشي عن طريق السبليمنال
ركز وياي ابوي انته صارلي ساعه اشرح
عقلنه شي عظيم وتغير الشغلات الفيسلوجيه مو مستحيله بالنسبه العقلنه لكن يبقى السؤال
هو شلون يكدر يسوي هيج ؟
اذا تريد تغير لون العين ف العقل المفروض يغير صبغه الميلانين الموجوده بالنسيج الطلائي بالقزحيه
وهل صبغه المفلوكه اجت من شي جيني من DNA
مالتنه ما اجتي هيجي عبثا او مبيه فايده
هنا العقل شلون راح يغير هل شي بدون تدخل جراحي
مستحيل يغير هل شي
ببساطه لان لازم يغير الصبغه ويتدخل جينياً
علمود يغير الشيفره ب DNA
ولازم ولازم ولازم ولازم الخ.. 🙃
هو مو مستحيل بالنسبه العقلنه بس مستحيل يكدر يلكه هيج طريقه"يعني هو يكدر احتمال جبير اي يكدر بس ما عنده الطريقه😀"
هواي بالمواقع والصفحات اكو عالم جربت هذا الشي وتغير عدهم
والعلماء يدرون التنويم المغناطيسي مستحيل يغير هل شي وهذول الاشخاص ميعرفون شنو مقدار مصداقيتهم لان سوو تجارب وهيج شي وكُلشي مصار 🤷🏻♀️
السبليمنال
بي تطبيقات هواي صحيحه ويستخدم بعلم النفس هم وشي عميق كُلش يعني مثلا يساعد ع انو التوتر يروح او القلق او الاكتئاب والخ..
يعني يعيوني يروحي يكلبي
لا تستعمليي علمود تغيرين او تغير شي بالجسد او الفيسولجية
ولحد هسه ما مثبت هل شي علميا
اتمنى فهمتوو السالفه
وهاهيه خلصنه علقوو وصوتو تراا تعبتت بالعباس
وكل عاده يا سادهه
المعلومات من ايروس
+كوكل+كم مكان نسيت اسمهن
وهاهيه
