#أبي_لم_يكن_إنساناً
بارت ١٠+١١+١٢
البارت العاشر
- بس لا.... !!!!!
لا أرشد لا لتگولها بروح أبوك لتگولها
- أي همام
هاي مرتي واليوم عقدت عليها الكم شي يمي ؟!!
- انتَ صدگ تحچي ؟!!
- اي
- شلون تالي وياك أرشد
ولك راح اتخبل فهمني شلون تدنى نفسك على طفلة بعمر بنتك !!!
شگلت الـ روحك من تزوجتها ؟!
عاقل انتَ لو تخبلت خلص ومدتميز بعد الصح من الغلط والحلال من الحرام
- انتَ شعليك شكو تدخل بحياتي والله عجيب
- يا حياة هاي الله يخليك
هم تسمي لعب الجهال الدتعيش بي يوميا حياة !!!
- مالك علاقة يا أخي
حياتي واني حر بيها هم فد يوم تدخلت بيك اني
- عود من اخيط واخربط مثل حضرتك
العب بـ أعراض العالم وأكسر ارگاب البنات وأشمرهن بعد فترة
لو أتزوجلي طفلة بعدها قاصر كل شي متعرف بالدنيا ساعتها احرگ أمة على أبو اليمنعك لو حبيت تتدخل بحياتي
- خااااب دطيرررررر
ترى زودتها كلش بتصرفاتك وما خليت اي أحترام بيناتنا
- لا والله انتَ الزودتها
تعبت من الركض وراك اليگول جاهل صغير واني هنا مسؤول علي وعلى تصرفاتة
مليت منك ومن استبدادك
الى متى تظل أعوج شوكت ناوي تصلح من نفسك شوية
- يلا لك لتصير رجال براسي
- لااااا لهناااا وبسسسس
اااانتَ لازم ينلگالك حل صبري وياك نفذ ما بية اشوف كل هالمهازل واظل واگف اتفرج
- ظليت صافنة عليهم بـ أستغراب
شديصير هنا !!!
منو هذا !!!
لويش صار عصبي الـ هالدرجة وشيقصد من گلة تلعب بـ أعراض العالم !!!
أستمرت مناوشاتهم بالكلام أكثر من ربع ساعة تقريباً
أخر شي جزع الشاب وتحرك عكس أتجاهنا
سحب موبايل صغير من فوگ الميز أتصل وعيونة على أرشد يباوعلة بعصبية
- ها خديجة شلونچ
الحمد لله بخير اگول رجلچ بالبيت ؟؟
زين لعد
عوفي كل شي من أيدچ وخلي يجيبچ لهنا بسرعة
تعالي وتعرفين يمعودة بس أستعجلي شوية
الله وياچ
حچاها وسد الخط گعد ع التخم چان يصيح بي أرشد
- عود شنو معناها أتصلت بـ خديجة ؟!!
وليش تريدها تجي شنو دتخوفيني بيها واني ما أدري
- انتَ بعد ما ينسكتلك لا وحق الحق فـلا ينسكتلك
- همام أحترم نفسك لا أرجع أربيك من جدة وجديد
- تجاهل كلامة والتفت ع الحجية
عاجبچ يمة الديسوي أبنچ ببنات العالم أحچيلچ فد كلمة
- شيطلع بـ أيدي يا يمة
هذا أخوك من يوم يومة أعوج وما ينعدل
هو اني من چنت صاحية ما گدرت علي تريدني هسة واني على هالكرسي اردة عن عمايلة العايبة
- مو هيچ يوم مو هيچ
لو شما سوة متوصل السالفة الكسر رگبة طفلة قاصر
ظلم وأضطهاد هذا
حتى رب العالمين بعرشة ما يرضى بهالشي الله أكبررر
- لا حول ولا قوة إلا بالله العلي العظيم
الله يهديك ي أرشد قبل لا تندم بيوم ما يفيد الندم بي
- ما أندم لتخافين يوم
- سبحان الما يندم خوية اذا مو هسة بأجر بين أيد ربك
بعدهم ديحچون انفتحت الباب
دخلت وحدة متوسطة بالعمر وگبل راحت تركض على همام
- ها خوية ظل بالي ليش صحتني مستعجل
- ديري وجهك على أخوچ الچبير شوفي عملتة الأخيرة
بس حچاها التفت علية
- شنو هاي يمعودين منو هالطفلة صديقتچ بتول ؟!!
همام.. مرت أرشد تصدگين
دگت على خدها حيل
- صخام الصخمني ان شاء الله اذا هالسالفة صدگ
أرشد.. شبيكم الخاطر الله
وانتم شكو بحياتي والله حلوة هاي !!!
ياهو اليجي ويحاسبني
شدتسوي و وين رايح ومنين جاي شوكت الله يخلصني منكم وأرتاح
خديجة.. لا خوية على بختك لا
مو هيچ السالفة گالوها
هاي طفلة لا تتحمل سوالفك ولا تستاهل تكسر رگبتها وهي بـ هالعمر
صفنت عليهم بتعجب
شنو السالفة كل شويه وگالو تكسر رگبتها
شيقصدون من هالكلام وليش ديحچون ويا هالشكل !!
همام.. انتَ تقبلها على بنتك حاچيني أرشد
دير وجهك على بتول وشوف
تقبل واحد ناقص غيرة مثلك يجي ياخذها منك
وبعد فترة بسيطة يشبع منها ويرجع يشمرها عليك بلا سبب
أرشد.. اني ما أشمر بنتي هماااااام
وتنكسر أيدة اللي يفكر يمدها عليها لو يمس من راسها شعرة
حچاها والتفت يأشر علية
بس هاي الواگف هسة گدامي ودتدافع عنها
أبوها باعها الي
يعني دفعت فلوس مقابل زواجي منها
لذلك مو من حق أي احد يحاسبني على شي أشتريتة اني بفلوسي عسى ما أشمرة بالزبل
كلامة كان بمثابة رصاصة رحمة الوجع روحي
شگد صعب الأنكسار
والأصعب منة لمن تحس نفسك سلعة رخيصة بـ أيد ناس أرخص وأرخص
ما أكدر الوم أرشد على هالحچايات التجرح
لأن كلامة صادق ومنصف جداً
أبويه باعني وقبض ثمني مثلي مثل أي اداة يملكها
يعني اظل بالنهاية مجرد سلعة قابلة للتداول مهما أرتفع ثمنها ممكن تنباع بسهولة
دنگت ابچي بقلة حيلة
مراح تتخلصين من شبح رزاق طيبة
هاي انتِ طلعتي من بيتة بس راح يظل عار هل لا إنسان وصمة ترافق أسمچ الأخر يوم بالحياة
همام.. لك شوكت تصير بشررررر
شوكت ينبني الأحساس بيك ويصحى الضمير بداخلك
