اسكربيت
ادهم : بحبك على فكره
ليلي : ماشي يا عم انا كمان بحبك
ادهم : ايه ماشي يا عم دى بحب واحد صاحبي
ليلى : اه صاحبك عندك مانع
ادهم : لا يا عم معنديش تتجوزينى يا ليلى
ليلى : انت بتتكلم جد
ادهم : طبعا بتكلم جد انا بحبك اوى
ليلى : اكيد موافقة طبعا
ادهم : تمام
ليلى : طيب هنعمل ايه دلوقتي
ادهم : زى ما اتفقنا قبل كده
ليلى : هتسافر بردوا
ادهم : معلش يا قلبى انتى عارفه ان ده حلم عمرى وكمان
فرصه عشان حياتى هتتغير
ليلى : بس هترجع امتى
ادهم : خمس سنين
ليلى : ياااه خمس سنين مش هقدر
ادهم : ولا انا يا حياتى بس دى فرصتى وانتى عارفة بابا
دفع فلوس اد ايه عشان السفر ده وعشان اخد الدكتوراه من
لندن
ليلى : طيب خدنى معاك
ادهم : اخدك ازاى بس وانا طيارتى بعد بكرة
ليلى : انت مقولتليش أن طيارتك قريب اوى كده
ادهم : مجتش فرصة اقولك بس افهمينى انا بحبك اوى
ليلى : وانا كمان بعشقك يا حياتي
ادهم : خلاص تمام
ليلى بدأت تعيط
ادهم خدها فى حضنه : بتعيطى ليه بس
ليلى : عشان انا مش عارفه هعيش من غيرك ازاى
ادهم : يا قلبى معاكى الموبيل هتفضل مع بعض دايما
ونتكلم كل يوم وكل شوية كمان صوت وصوره كمان
ليلى : ربنا يرجعك بالسلامه يا حبى
عدى 3 سنين وحبهم لبعض بيزيد يوم عن يوم هى وادهم
ابن عمها ليلى دايما بتشجعه وتدعمه فى حياته ودراسته
وهو بردوا كان بيشجعها
ليلى : عمو انت متعرفش ادهم قافل موبيله ليه
... لا والله لا يا بنتى ده احنا كلنا قلقانين عليه
ليلى : حتى مش بيفتح اى حاجه من المواقع بتاعته
..... مش عارف والله
ليلى : طيب ممكن تسال حد من اللى معاه يمكن يعرفوا
طريقه
..... حاولت مفيش حد عارف حاجه
