مهل بصوت عالي : سلططان
سلطان : هلا
مهل : تعال
سلطان : سم وش بغيت
مهل : سو لي شاهي
سلطان : خرشتني اخرتها شاهي
مهل : ليش خرشتك يالدلوع
سلطان : ههههه شدخل دلوع ياحمار
مهل : لا تقول عن اخوك الكبير حمار ياحمار
سلطان : اسف
مهل : انقلع سو لي شاهي بس
سلطان : زين
مهل لف راسه وشاف عمر لحاله واقف وقال : هيه عمر
عمر مارد عليه مفهي
مهل : عمر ياتبن
عمر : هلا هلا ايش
مهل : تعال اقعد
عمر : ليش
مهل : وش فيك خايف منيب ماكلك
عمر : ههههه يلا بجيك
جلس عمر جمب مهل
مهل : وشبك قاعد لحالك
عمر : لا والله مافيه شي بس انتظر سلطان ، الا صح وينه سلطان ؟
مهل : يسويلي شاهي
عمر : شاهي بالليل تططقطق انت ورانا نوم
مهل : وانت وش دخلك
عمر : سم ابشر
مهل : والله الطفش ذابحني سولف
عمر : ماعندي سوالف
مهل يضحك وقال : وش عندك انت ماقد شفت منك فايده بس تبكبك عند رشاش
عمر : اما اتبكبك
مهل : مب كذا المعنى بس انت تحب تكبر السوالف
عمر يضحك ويقول : انت ماتعرف تبين
رشاش يلمح عمر وهو يضحك مع مهل ويسولف ويجيهم وهو يركض
مهل : سلامات وش عندك تركض
رشاش : عمر وش تسوي
مهل : وش تشوفه يسوي قاعد يسولف معي
رشاش : اتوقع اني كلمت عمر وش تبي تتدخل انت
مهل : سوالك غبي
عمر : ولا شي قاعد اسولف مع مهل
رشاش : قم طيب عندي لك شغله ابيك تسويها
مهل : خله يخوي يقعد سوالفه تضحك
رشاش : مهل كل تبن وقم انت ياعمر
مهل : تقلع انت وياه
دخلو الخيمه
عمر : هلا وش بغيت اسويلك
رشاش يمسك عمر ويدفعه على ورا لين صقع كتفه ب جدار الخيمه
رشاش : وش تسوي مع مهل
عمر يشيل يد رشاش ويقول : وش اسوي يعني !!! قلت لك اسولف معه حرام يعني
رشاش : ايه حرام
عمر : وانت وش دخلك!!!
رشاش : وش اللي وش دخلني !! تستهبل انت
عمر : وش يعني بتتدخل من اسولف معه ومن مااسولف معه
رشاش : وش عندك مع مهل
عمر وهو يصارخ على رشاش : وش فيك تحقق معي !! تراه خويي واسولف معه مافيها شي بالنهايه بينا عيش وملح وسوالف
رشاش : صدق والله ؟
عمر : ايه صدق
رشاش يقوم ويطلع من الخيمه ويروح وبعد خمس دقايق يقوم عمر ويروح عند مهل وسلطان
سلطان : وين رحت انت
عمر : ههههه رحت اقضي اشغال رشاش وجيتك
سلطان : تاخرت يبوي
عمر : سامحني
مهل : وش فيك معرق ومتوتر ياعمر لا يكون رشاش سوا بك شي جلدك ولا هاوشك
سلطان يغمز ل عمر
عمر وهو يضحك : لا مافيه شي بس حر يخوي
مهل : ايه والله انك صادق حر
سلطان : مهل تستهبل تقول حر وانت تشرب شاهي
عمر ومهل وسلطان يضحكون ورشاش يشوف عمر معهم وهو يدخن ومقهور ان عمر يقضي وقته معهم مب مع رشاش
سلطان : الا تعال عمر انت وش عندك صاير تنام عند مصلح وقحص
عمر : خيمتهم رهيبه ترد الروح مب حر
مهل : سلطان يهف علي
عمر : ههههه مستغل سلطان انت
سلطان : يبوي تسذوب ذا تصدقه
عمر : يسويها مااستبعد
سلطان : تعال عندنا اليوم اسهر معنا
عمر : خلاص تم بجيكم
جا رشاش وقعد معهم وهو يدخن
مهل : سلطان قم
سلطان : سلامات وين اقوم
مهل : رح جهز له مكان ينام به ولا تبيه ينام ب حضني
رشاش ب غصه : مين تقصدون ؟
سلطان : عمر اكيد مين نقصد يعني
رشاش : ليش عمر بينام معكم ؟
مهل : ايه بينام عندنا
رشاش : وقحص ومصلح
مهل : يغير مب كل يوم عندهم
رشاش يلتفت على عمر ويقول : عمر بتنام عندهم ؟
عمر : ايه ان شاءالله
رشاش : زين
ويقوم رشاش من الجلسه ويروح
مهل : شفيه ذا عصب
سلطان : ماعليك يخوي خلك ب نفسك
مهل : محسسني ان عمر حقه
سلطان : هو فعلا حقه
مهل : وش قلت ؟
سلطان : اقول وانت صادق تشوف كيف يحسسنا كذا المريض
مهل : ايه والله
جا وقت النوم
