قضية شرف

البارت الرابع

"ليذهب كل الرجال إلى الجحيم "

هذا ما ستقوله امرأة غاضبة الآن ، و في الصباح  ستجري اتصالاً مع الجحيم تخبره بأنها لم تنم لأنها لم تسمع نبرة صوته !!

دوستوفيسكي

﴿قضية شرف ﴾

Part :4
_________________________________________

هند : لا محلو اصلا

سمر : ليش ماما كولش حلو

هند : اشكد سعره

العامله كامت تحسب بالحاسبه

العامله : 5 ملاين

هند : اريد واحد ع كد مليون مليون ونص هيج

سمر : هند

سحر : هاهيه نفس مكالت البنيه ع كد مليون مليون ونص

اني ابد ممهتمه يعني قابل شسوي بي اني بس كاعده اباوع عليهم و عباس اصلا مدخل للمحل باقي واكف برا

كولت ليش ما اروح اطلع اكول اله اني ماريدك اشو واكف الوحده اي هاي فرصتي احسن شي اكوم ....

كمت اريد اطلع

سمر : وين يارا تعالي شوفي الشي الي يعجبج

يارا : انتو اختارو خلو ماما تختار اليا اني راح اوكف برا اختنكت منا

سمر : تمام

امي تخزر بيا حركت راسي بعنى شكو و طلعت فتحت باب  المحل هو شافني بقى يباوع عليا

لزمت رقبتي

يارا : هلو

عباس : هلا

يارا : اريد احجي وياك بموضوع

عباس : احجي

كولت خل انطيها بوجها احسن ما ابقى ساعتين احجي

يارا : اني ماريد ............ بعدني ممكمله

هند : تعالي شوفي الطقم امج عجبها

يارا : اي هاهيه اريده

هند : اي تعالي شوفي ليش لازكه اله

يارا : احترمي و انتبهي ع كلامج

هند : اريد احجي ويا اخويه انتي روحي شوفي الطقم

باوعت عليها و رحت دخلت للمحل

سمر : تعالي حبيبتي شوفي هذا حلو

رحت يمها بدون ما اشوفه

يارا : اي حلو

و اني عيني ع هند و عباس

سحر : ماما اصلا انتي مشفتي

جنت معصبه كولش من اهلي فطلعت بوجه امي