මම ෂාන්ගේ, මීට වසර 15කට පමණ පෙර මා සිත් ගත් තරුණයෙක් හා ප්‍රේමයෙන් බැදී සිටියෙමි. වසර දෙක හමාරක පමණ කාලයක් ඔහු හා මා ආලයෙන් බැදී සිටියෙමු . ජීවිතයට නොයෙකුත් බාධක කම්කටොලු පැමිණියද අපි එකාවන්ව ඒ කාලය පුරාවටම ගමන් කලේ සිතින් පමණක් නොව ගතින්ද එක් වෙමිනි.
මේ මාගේ කතාවයි ... ❤💚
ජීවුතයේ සොදුරුම අවධියට මා පැමිණ සිටියෙමි. සංගීතය සමග මගේ ජීවිතය ගලා ගියේ දෙමව්පියන් සෙවනේ තවමත් වැඩෙමිනි. ඒ වන විට මට වයස අවුරුදු විසි හතක් පමණය වන්නට ඇති. එක් දිනක සුපුරුදු පරිදි මා නිවසින් බැහැරව ගියේ සංගීත සංදර්ශනයක් සදහාය. බොහෝ අය එහි පැමිණ සිටි නියාවෙන් මා තිරය පිටුපසට වී සිටියේ සංදර්ශනය ආරම්භ වන තුරුය. එහි ආරම්භය සනිටුහන් කරමින් මුලින්ම ගීතය ගැයීමට මට සිදු වී තිබුණද ඒ පිරිස අතර සංදර්ශනයට පැමිණ සිටි එක් නෙත් යුගලයක් මා ඇස ගැටුනි. හදවතේ වේගය රිද්මානුකූල කූලව වේගයෙන් ගැසෙන හඩ මගේ දෙසවන් වැටුනේ කිසි දිනක නොවූ ලෙස මා වෙව්ලමිනි. ගසක ලෙලෙන පත්‍රයක් මෙන් මාගේ සියුමැලි ගත ගැහෙන්නට විය. නමුත් මා මාගේ උපරිමයෙන් ගීතය ගායනා කර හැකි විගසින් තිරයෙන් පිටුපසට ගියේ තවමත් ගැහෙන මගේ පපුවට අතක් තබාගෙනය. එහි සිටි සේවකයෙක් ගෙන් ලැබුණු ජලය වීදුරුවක් පානය කළ පසුව මා පියවි සිහියට පැමිණියා යැයි කිව හැකිය.
Oops! This image does not follow our content guidelines. To continue publishing, please remove it or upload a different image.
සංදර්ශනය අවසානයේ සියළු දෙනා විසිර ගිය නමුත් මා සිත තුළ දුකක් පමණක්ම ඉතිරි වූයේ ඒ කඩවසම් තරුණයා කවුරුන් දැයි කියා දැනගැනීමට හෝ නොහැකි වූ නිසා යැයි මම සිතමි. එලෙසින් ටික කලක් ගෙවී ගියේය. තවත් දිනෙක ඔහු මා හට මුණ ගැසුනේ මා සංගීත භාණ්ඩ මිළදී ගැනීමට වෙළද සංකීර්ණයක් තුළට ගිය විටය. ඒ වන විට මා තරමක ප්‍රසිද්දියක් ලබා සිටියෙමි. ඒ නිසාම ආරක්ෂකයයෙකු නිතර මා සමග කැටුව යාමට මා පුරුදු වී සිටියෙමි. පළමු වතාවට අර තරුණයා මා නෙත ගැටී මේ වන විට වසරක් පමණ ගෙවී ගොසිනි. නමුදු දිවා රාත්‍රියේ මා හට එම රුව සිහි වූයේ තවමත් මා සිතේ ඔහු ගැන මතකයක් රදවමිනි.
