خادمتي تٌَحَـتْ رحمتي (مكتمله)

الجزء السادس والعشرين

دخلت للهول. وجان اشوف اطفال. اثنين.
بس شنو م̷ـــِْن اطفال. يخبلون. البنوته. نسخه ثانيه م̷ـــِْن عهد. خصوصآ عيونهه.
عبالك عيون امهه.
والولد يشبهني. فدوه. اروح اني. لهل جمال
عبالك ملائكه
هاي صورهم

دنگت عليهم بوستهم.  وعهد. تباوع. عليه
وخايفه. اعرف م̷ـــِْن شنو خايفه.
خايفه اخذهم م̷ـــِْن عدهه. وهو ه̷̷َـَْـُذآ الي
راح يصير. باوعتلهه. گتلهه. ليش
ضميتي عليه. وما گتلي. انتي حامل
ليش جنتي رايده. تسقطين. الجنين. ليش حرمتيني منهم. هيه. تباوع وساكته
واني شلت ابني. وگمت. وكفت. گتلهه
مثل ما حرمتيني منهم راح احرمج منهم
طبعآ بداخلي غير كلام. اني راح اخذهم
حتى اخليهه گدام الأمر الواقع.
گتلهه اطفالي ما يبقون ببيوت العالم راح
اخذهم. واذا تردين تشوفيهم. وافقي
ترجعين. ونعقد. وترجعين عله ذمتي. واطفالج الج. واذا ما قبلتي. معناتهه ابقي يمج بس تحلمين تشوفينهم
اخذت ابني. وگلت لسجى. جيبي البنيه. وتعاي وراي.
عهد گامت. تبچي. ودموعهه. كل عشره سوه
تترجاني وتتوسل بيه. اعوفهم
بس ما جاوبتهه صحت بصوت عالي وبعصبيه
سجاااااااا. گتلج جيبي البنيه وتعاي وراي
وهيه تگللهه لاسجى. عوفيهه. واخير شي
جريت عهد وشمرتهه بالصاله. وقفلت الباب عليهه م̷ـــِْن ورى واخذت. اطفالي.
وصعدت بالسياره. وسجى وياي. گتلهه انزلي
افتحي الباب لأن قفلته عليهه. افتحي
وتعاي بسرعه.
وراحت فتحت الباب واجت تمشي. وتبجي.
صعدت. ورى وگبل حركت السياره.
حچيت بعصبيه. وگتلهه شگد. صارلج.
تتواصلين وياهه. گامت تبچي. ارتبكت. وخافت
رجعت صحت بيهه گتلهه شگد صارلج تشوفينهه احجي.
گالت شهر ونص. واني ضربت الستيرن حيل
واصيح عليهه گتلهه ليش ما حجيتي
تشوفيني اتعذب. وما خليت مكان ما دورته
وانتي تندلين مكانهه وساكته.
گالت. موبيدي. هيه. ماقبلت. احجي. وحلفتني. واني ما گدرت اخلف بوعدي
الهه.
مر الوقت. وصلت للبيت. والجهال يبجون
گلت لسجى تسگتهم.
وشايلتهم وتفتر بيهم ولسه يبجون.
گتلهه ليش دايبجون. گالت اكيد جاعوا
المشكله طلعت مستعجل كلشي
ما جبتلهم.  عفت سجى يمهم. ورحت اجيب الهم حليب.
طلعت وبالطريق خابرت سجاد
گتله لگيت. عهد تفاجأ. وفرح گالي شلون
وين لگيتهه.
گتله اخذ علياء. وروح لبيتنه هسه اجي
واحجيلك كلشي
ونزلت. للأسواق. اشتريت الهم حليب ومميات وحفاضات.
ورجعت للبيت.
هستوني طبگت السياره
واجت سيارة سجاد. نزلوا هو وعلياء.
سلموا وگالوا وينهه عهد
گتلهم فوتوا بالأول للبيت ونحجي.
طبوا. وشافوا سجى تفاجئوا. وانصدموا
من شافوا اطفالي.
وگعدنه. وحجيتلهم كلشي. وضلوا صافنين عله سجى ويعاتبونهه ليش ما حجيتي
وشلون تسكتين. وتشوفينه ندور عليهه
بعدين گتلهم الصار صار. واطفالي راح يبقون
يمي لحد ما عهد تقبل ترجع.
علياء. ما قبلت گالت خطيه اطفالهه شلون
تاخذهم. گتلهه اني هم ضايج عليهه
بس مو بيدي. ماكو حل ثاني.
هيه معانده. واني اعند منهه واذا تريد
اطفالهه توافق. ترجعلي.
سجى. سوت حليب للجهال وجابته.
واخذت الولد ترضعه وعلياء شالت البنيه
ترضعهه. واني اباوعلهم.
وبداخلي سؤال شنو اسماؤهم.
سألت سجى. گتلهه شنو اسماء. الجهال
گالت. علاء. وملاك.
استغربت ليش عهد سمت ابني علاء.
فرحت وعجبتني اسمائهم.
وبداخلي شعور يگلي. سمت اسم علاء
لأن تعرف هذا الأسم يعنيلي.
فدوه رحتلج. يبت گلبي. شوكت ترجعين الي
مو روحي مفرفحه عليج.