ချည်မျှင်လေးနဲ့ချစ်ခြင်း🔞

(Unicode & Zawgyi)

Unicode

Tachi  -  TulipKhoon
Neko    - အိမ့်မွန်းစံ

လက်တစ်ဖက်က ချည်မျှင်စလေးတွေကို သွယ်လျတဲ့လက်ချောင်းလေးမှာရစ်ပတ်ရင်း ထိန်းကာ နောက်တစ်ဘက်ကအပ်လေးကိုကိုင်ရင်း ချည်မျှင်လေးတွေကိုလိမ်ယှက်ကာဆွဲယူပြီး တဖြည်းဖြည်းပုံပေါ်ကာရရှိလာတဲ့ မာဖလာစလေးက လှပစွာ။

ရာသီဥတုကမိုးအကုန်ဆောင်းအကူးမို့ ချမ်းမနေသော်လည်းဆောင်းလေလေးက ခပ်စိမ့်စိမ့်လေးတိုက်လျှက်ရှိသည်။

မွန်းတို့ အဆောင်ကကျောင်းသားတွေကပိတ်ရက်ဆိုအိမ်ပြန်တက်ကြသည်မို့ ယခုလို ကျောင်းပိတ်ရက်ဆို နယ်​ေ၀းမှကျောင်းသားများကလွဲပြီး အဆောင်တွင် လူများများစားစားရှိမနေပါ။

မွန်းရဲ့အခန်းဖော် ၂ ယောက်ကတော့မနက်ထဲကအိမ်ပြန်ကြတာဖြစ်ပေမယ့် နောက်တစ်ယောက်ကတော့ ပြန်လာမှာလားဆိုတာ သိပ်မသေချာ။ သူမအိမ်က ကျောင်းနှင့်မ​ေ၀းသော်လည်း အဆောင်နေကာကျောင်းတက်ခြင်းဖြစ်သည်။
သူ့ရဲ့မိသားစုအကြောင်းမပြောပြပေမယ့် အတူတူနေခဲ့တဲ့လပိုင်းလောက်မှာသိရတာကတော့ သူ့မိဘတွေနဲ့အဆင်မပြေတာပင်ဖြစ်လိမ့်မည်။ ပြည့်စုံတဲ့မိသားစုပင်ဖြစ်ပါစေ စိတ်မချမ်းသာရမှုတစ်ခုကတော့ရှိမြဲမလို့ သူလဲအဲ့လိုပဲထင်ပါသည်။

အခန်းထဲမှာ ၄ ယောက်နေရပြီး အားလုံးက နွေးနွေးထွေးထွေးဖြင့်အကူညီရပေမယ့် မိသားစုအကြောင်းတွေ မပြောချင်တဲ့ကိစ္စတွေဆို အတင်းမမေးတက်ကြတာမို့ သိပ်မသိတာမဆန်းပါ။

"ကျွီ~~~"

မွန်း ချည်ထိုးနေရင်းကနေ တံခါးဖွင့်သံကြားလို့ကြည့်လိုက်တော့ ခွန်းဖြစ်နေသည်။ ဒါဆိုသူအိမ်မပြန်ဘူးပေါ့။

"ခွန်း နေ့လည်စာ စားပြီးပြီလား"

"အင်း"

အဖြေကို တိုတိုတုတ်တုတ်ဖြေတက်တာကလဲ ခွန်းရဲ့အကျင့်ပဲဖြစ်သည်။ ခွန်းရဲ့နာမည်အပြည့်စုံက ကျူးလစ်ခွန်း။ ဒီနာမည်လေးကို မွန်းစသိတုန်းကအတော်သဘောကျခဲ့တာဖြစ်သည်။ မွန်းကကျူးလစ်ပန်းလေးတွေကိုသဘောကျသည်။ 

နူးညံ့မနေဘဲ ဘယ်လိုအတွန့်အလိမ်မှမပါပဲ ပြေပြေလေးဖြင့် ငုံငုံလေးရှိနေတက်သည့် ကျူးလစ်ပန်းလေးက စိတ်ကိုရှင်းလင်းသွားတယ်လို့ထင်မိသည်။