أوقعتني في حبها

البارت 19 ❤

.. من يحبگ لن يتركك ولو كنت شوكا بين يديه..

❤ في الكافيه ❤

مصطفى: إتفضلي اتكلمي
الشخص: اولا انا اسمي نرمين صحبة روان
مصطفى: مش فاهم في اي يعني
نرمين(الشخص): بص انا هحكيلك كل حاجه اولا احمد وسندس متفقين انو فرحك انت وروان مش يكمل النهارده والبنت اللي كلمتك في الفون دي احمد جايبها عشان تكلمك وتجيبك الشقه وتحطلك منوم في القهوه عشان يصوروك مع سندس عشان سندس حامل من شخص تاني وعايزه تسببها فيك عشان تنتقم منك استنه هسمعك كل حاجه انا مسجلاها
.
مصطفى بحزن: سندس تعمل لي كده وتنتقم مني لي هي مش شافت مني حاجه وحشه ولا عمري عملتلها حاجه وحشه
نرمين: هي مش قلتلي عايزه تنتقم لي اهم حاجه في الموضوع روان
مصطفى: مالها روان اخلصي قولي في اي
نرمين: بص بصراحه احمد خلاني ابعتله صور روان واشتري برنامج تركيب غااالي جدااا عشان يركب صوره علي روان ويبان انو بينو وبينها حاجه فهمني
مصطفى وكان وشه قلب الوان: بتقولي اي اقسم بالله مهسيبهم عيشين اللي هيحصل فيهم هيخليهم يندمو علي اليوم اللي فكرو يقربو من حببتي روان
وانتي انتي صحبه انتي لي تعملي كده مع صحبتك

نرمين: عشان بحب احمد وعايزه روان تبعد عنه عملت كده احمد لو مش ليا مش هيكون لحد غيري انا عملت كده عشان انت مش تسيب روان
مصطفى: ياه وانا اللي مفكرك بتقولي كده خايفه علي صحبتگ
نرمين: اسمعني دلوقتي اهم حاجه انك هتروح الشقه وتمثل انك مش تعرف حاجه
مصطفى: ليه ان شاءلله انا هروح وهكسر عليهم الحته ومش هسيب حاجه سليمه فيهم.
نرمين: متبقاش غبي كده صور روان مش هتعرف توصلها عشان هما عينيهم لازم تمثل انك مش عارف حاجه عشان توصل للحجات دي وبعدين اعمل اللي انت عايزه
مصطفى: ماشي تمام وانا هنتقم منهم بطرقتي بس الفرح يعدي علي خير عشان مضيعش فرحة روان ولا فرحتي
نرمين: انا همشي دلوقتي بس لو عوزت حاجه اكيد انا هساعدك
مصطفى: ابعتيلي كل حاجه ريكوردات اللي مسجلاها دي
نرمين: لحظه.. تمم انا بعتلك كل حاجه انا همشي دلوقتي
مصطفى: ماشي سلام
مصطفى: انا كده عرفت هعمل ايه اهم حاجه اروح اجيب صور روان حببتي وبعد كده كل حاجه هتكون علي المكشوف
ومشي مصطفى راح يقابل سندس واحمد
♥♥♥♥♥♥♥♥♥♥♥♥♥♥♥♥
مصطفى: الو اي يا ادم بص اسمعني في موضوع مهم لازم اقولك عليه
ادم: احكي في اي انت كويس
مصطفى: انا تمام بص..... ...........
وحكي مصطفى كل حاجه لي ادم

ادم: سندس تعمل كده اقسم بالله مهرحمها انت فين انا جيلك
مصطفى:لا متجيش انا زي مفهمتك اول متصل عليك تيجي انا دلوقتي وصلت هطلع واكلمك ماشي.
ادم:تمام هستناك
مصطفى:ماشي باااي
♥♥♥♥♥♥♥♥♥♥♥♥♥♥♥
وصل مصطفى الشقه ❤
اول موصل في بنت فتحت الباب
مصطفى: في حد رن عليا وقلي لازم اجي هنا ضروري
البنت: تمام اتفضل
مصطفى: ماشي
البنت: هعمل لي حضرتك قهوه دلوقتي قهوتك اي
مصطفى:مش عايز اشرب حاجه
البنت بتصميم: مينفعش لازم حضرتك تشرب حاجه
مصطفى:تمام قهوه مظبوطه (رن مصطفى علي ادم تعاله تحت الشقه تمم وقفل معاه)
البنت: اتفضل القهوه
مصطفى:تمام ممكن اقابل الشخص اللي جابني هنا
البنت: حاضر اشرب حضرتك الاول
مصطفى:تمم
البنت: بعد اذنك
ودخلت البنت جوه وقاام مصطفى من غير محد ياخد بالو وكب القهوه في جمب وساب فيها شوية صغيرين
وبعد عشر دقايق خرجت البنت
البنت: مصطفى مصطفى بيه
مصطفى بتمثيل: عمل نفسو نايم
البنت:لحظه ودخلت لي سندس واحمد تمم تقدرو تطلعو دلوقتي هو المنوم عمل مفعول ناممم سبوني امشي بقا
سندس: ماشي تقدري تمشي انتي. اخيرا هنتقم منك ومن ابوك يلا يا احمد
احمد:تمام وخرجو
سندس: وهي بتحاول تقطع هدوم مصطفى واحمد واقف بيصور سندس بصت لي مصطفى وانصدمت
سندس: اي ده انت صاحي
مصطفى:للاسف صااحي
احمد: بيفتح باب الشقه وعايز يهرب لقه ادم في وشه
ادم: مفكر هتهرب يا وسخ انت وهي
سندس: مصطفى انا مش ليا دعوه احمد هو اللي مهددني انو لو مش عملت كده هيموتني
احمد:لا كدابه هي متفقه معايا علي.كل حاجه
مصطفي بزعيق: بس مش عايز اسمع صوت كلب فيكو وضرب سندس بلقلم
فين صور روان والفديوهات اللي انتي مركباها فين انطقي
سندس: انا انا مش معااايا حاجه مين قلك الكلام ده
مصطفى: وفتح ليها التسجيلات.ها وبعد لما سمعتي دول برضو هتكذبي فين الحاجه اخلصي اقسم بالله لو مش نطقتي لهموتك هنا ومحدش هيعرف حاجه اخلصي
سندس: حاضر حاضر هديك كل حاجه بس مش تموتني والنبي
وقامت سندس وجابت لي مصطفى الصور والفديوهات علي cd وادتهمله والفون المتسجل عليه كل حاجه
مصطفى: عارفه لو في حاجه غير دول اقسم بالله مهرحمك في غيرهم
سندس: لا لا والله مفيش غيرهم
مصطفى: ماشي وقام مصطفى لي احمد
مصطفى:عارف يا احمد لو فكرت تقرب من روان خطوه وحده هعمل فيك ايي
احمد: انت مفكر انك هتاخد مني روان روان دي حببتي انا انا علشانها اعمل ايي حاجه فاهم متقدرش تقرب منها روان.ليا لوحدي مش لحد تاني
مصطفى بعصبيه: ونزل ضرب في احمد متجبيش سيرتها علي لسانك يوسخ فاهم
ادم: سيبه يا مصطفى هيموت في ايدك مش تضيع نفسك في كلب زي ده فاهم ويلا عشان احنا مش فضيلهم
مصطفى: انا ماشي دلوقتي بس اقسم بالله مهسيبك ولا انت ولا هي
ادم: حسابكو معانا بعدين
ونزل مصطفى وادم......................
❤ ❤❤❤❤❤❤❤❤❤❤❤❤❤❤
احمد: نرمين هي اللي عملت كده هي الخاينه دي هي اللي خانتني لازم اقتلها مش هسيبها غير مقتلها
سندس: اهم حاجه دلوقتي لازم نشوف هنعمل اي الفرح لازم مش يتم كده موضوع انو مصطفى يشك في روان مش هيكمل لازم مصطفى يتقتل
احمد: عندك حق لازم مصطفى يتقتل ووسط اهله كمان عشان يبقا يمدد ايده عليا
سندس: انا عندي خطه..........(وبدأت تقول لي احمد الخطه)
احمد: تمام يلا عشان نلحق ننفز
♥♥♥♥♥♥♥♥♥♥♥♥♥♥♥♥
استوووب انتهي البارت ❤
ياتري مصطفى فعلا هيحصله حاجه؟
الفرح هيكمل ولا لا؟
بقلمي(شروق عمرو)
يا بنات تعليقات كتير برايكو ❤
تصويت عشان البارت الجديد ينزل ❤
ŜĤŘỖǗЌ ÃϻŘ
وصلو البارت ل50 فوت (تصويت)
عشان البارت الجديد ينزل