شوجا:انتو ي شوية مغفلين
تاي:عايز اي ع الصبح
شوجا:شوفتو عمايل ابوكو السودا
جونغكوك:هل علينا بأخبارك الحلوه
شوجا:ابوكو ناوي يتجوز
جيهوب:هو انت قارفنا عشان تقولنا الكلمتين دول ماهو من يوم ماربنا رمانا ع العيلة المنتنه دي وهو عايز يتجوز
سوكجين:والله عيلة منتنه فعلا كلكو منتنين واولهم ابوك اللي مبيدنيش الجنيه دا هيتجوز منين
تاي:عيب ياسوكجين تقول على بابا كدا
سوكجين:بس يلا انت عبيط وملكش ف الحوارات دي
جونغكوك:انتو بترغو ف اي دا كله..قوللي ي واد ي شوجا عرفت منين ان ابوك ناوي يتجوز
شوجا:انا بسمع ابوك بيكلم واحدة كل يوم وهكرت حسابه وشوفت المحادثات وعرفت انه ناوي يتجوزها
جيمين:مع احترامي لحواركو اللي ملوش اي لازمة دا بس انا مشكلتي اكبر دلوقتي
تاي:هو لسه فيه مشاكل
جيمين:اه ..اصلي كنت بكراش على مزة كدا واتفقنا انها هتيجي البيت النهاردة ومش عارف هلبس اي عشان اقابلها
شوجا:تيجي فين ي ياض؟
جيمين:البيت
جيهوب:وفرحان اوي؟لا ومشكلتك ف اللبس دا لو ابوك عرف هينفخك
جيمين:ماهو بابا النهاردة كان بيقول انه هيتأخر انا هجيبها نتكلم شوية وهتمشي على طول
تاي:طب انا هقعد معاكو
جيمين:تقعد معانا فين ي حبيبي؟
تاي:مش انت جايبها عشان تلعبو وتاكلو يبقا انا معاكو
جيمين:امشي يلا من هنا
تاي:لو مقعدتنيش معاكو هقول لبابا
جيمين :خلاص خلاص هقعدك معانا،وانتو محدش فيكو يتكلم اللي هيسكت هديلو عشرة جنيه
كلهم بصوت واحد:متفقين
سوكجين:بس قوللي معاك فلوس منين
جيمين:فاكر الجمعه اللي فاتت لما نزلت وقولتلك رايح اصلي؟
سوكجين:اه
جيمين: ماهو انا بعد الصلاة قعدت اشحت قدام الجامع
سوكجين:طالما الشحاته بتغني كدا ابقا خدني معاك
جيمين:الجمعه الجايه عيوني
سوكجين:حبيبي والله ي ابو الجدعنه
شوجا:المهم دلوقتي ابوك هنعمل ف جوازه دا اي
جونغكوك:سيبولي انا بس الحكايه دي
وبعدالحديث صوت خبط ع الباب جيمين فتح
جيمين:جيني حبيبة قلبي وحشتيني
جيني:وانت كمان ي روح جيني
جيمين:ادخلي
جيني:اي الشياكه دي شكلك لابس اللي ع الحبل
جيمين:مش لازم ابقا حلو عشان خاطر حبيبتي القمر
جونغكوك:حلو اي داانت لابس هدومي
جيمين:اخويا بيحب يهزر هه
واثناء حديثهما
شوجا:اي العلاقة القذرة دي
تاي:قذرة قذرة انا رايح اقعد معاهم
جيهوب:جماعه هي شبه سوكجين ولا انا بيتهيألي
سوكجين:شبه مين يلا؟ انا بحلاوتي دي والبنات كلهم بيجرو ورايا تشبهني بإزازة الكاكولا دي
وفجأة صوت حد بيفتح الباب ويطلع نامجون
سوكجين:ي نهار اسود ومنيل على اللي هيجرالك ي جيمين
جيهوب:جدعان كدا الواد هيروح فطيس
جونغكوك:القعدة هتحلو والله
جونغكوك:شوفت ي ابا اللي بيحصل من ورا ضهرك؟
سوكجين:الله يخرب بيتك
نامجون:عملتو اي
جونغكوك:مش احنا اللي عملنا.. دا ابنك جيمين المحترم مقعد معاه نسوان جوا
نامجون:الكلام دا لو صح هيبقا نهار اسود على دماغه
جونغكوك:لو مش مصدقني خش شوف
تاي سمع صوت الدوشة برا
تاي:انا هروح اشوف فيه اي
جيمين ل جيني:اوعي تعملي اي صوت وخباها ف الدولاب
نامجون زق الباب و دخل اوضة جيمين
جيمين:فيه اي ي حاج حد يصحي حد من النوم كدا
جونغكوك:نوم برضو
نامجون:فين النسوان يلا
جيمين:عيب عليك ي حاج تقوللي الكلام دا ..داانا تربيتك
نامجون:تاي ياحبيب بابا انت جود بوي ومبتكدبش قوللي مين كانت مع جيمين هنا
تاي:مفيش حاجه ي بابا دي جيني كانت بتلعب معانا
نامجون:جيني مين...البت فين ياض ي جيمين
وخرجت جيني من الدولاب
!!نامجون:سوكجينه
جيمين:لحظه سوك مين؟
نامجون:بتعملي اي هنا
سوكجينه:ابدا والله ي حاج انا قولت اجي اتعرف على ولادك وكنت بلعب استغماية مع تاي حبيبي
نامجون:طيب مش كنتي تقوليلي انك ناوية تيجي؟ واي حكاية جيني دي
سوكجينه:انت عارف ي حاج انا بحب اتدلع على طول وصحابي بيدلعوني جيني ف قولتلهم ان اسمي جيني
...وكمل نامجون كلامه وقال
المهم...دي سوكجينه كنت عايز اعرفكو عليها قبل كدا بس مجتش فرصة....يلا ي ولاد سلمو على اللي هتبقا مرات ابوكو
سوكجين:احييييه
جيمين:اوعا تتجوزها ي بابا دي كدبت عليا ف اسمها وانا اصلا كنت مصاحبها
نامجون:اخرس ي عديم الرباية سوكجينه انضف منك
سوكجينه:شوف ي حاج ابنك بيلبسني مصيبة مش كفايه انه من ساعة ماجيت وهو حاطط عينه عليا وانا عمالة اقوله انت زي ابني
جيهوب:شوف البراءة باينة ف عنيها ازاي
شوجا:بصو ي جماعه من غير شوشرة جيمين غلط و انا عندي حل مناسب
نامجون:حل اي دا ان شاء الله
شوجا:احنا نطرد جيمين من البيت انا اهم حاجه عندي سمعة العيلة
سوكجين:تطرد مين ي خويا؟جيمين مش هيطلع من البيت دا الا على جثتي
نامجون:جيهوب هاتلي سكينه من جوا
سوكجين:هتعمل سلطة ي حاج صح؟
نامجون:لا هطلع جثتك مع جيمين
جيمين:للدرجادي اهون عليكو
شوجا:يبني هو انت عشان عشت كام سنه معايا تبقا اخويا
سوكجينه:خلاص ي جماعه انا مش عايزة اعمل مشاكل كدا من اولها ..المسامح كريم
نامجون :يلا كل واحد يدخل على اوضته
وف اوضة جيمين
جيمين:انا مش مصدق اللي بيحصل دا
جونغكوك:المشكلة ان ابوك هيتجوزها ي فالح
جيمين:انت تخرس خالص خصوصا بعد مافتنت عليا
جونغكوك:........
جيهوب:المهم...هنعمل اي
سوكجين بجدية:العب باليه
جيمين:والله ي سوكجين ي اخويا تفاهتك دي اللي مصبراني ع الدنيا مش عارف من غيرك كنت هعمل اي
سوكجين:اقولك تعمل اي؟
جيمين:اي؟
سوكجين بجدية تاني:كرسي وانتريه هيق هيق هيق
شوجا:يلعن ام دي عيلة بنت****
تم حذف الشتيمة عشان مناخدش ذنوب
وف اليوم التالي:
نامجون:خشي ي عروسة برجلك اليمين
ي ولاد انا عايزكو تعاملو طنط سوكجينه زي امكو بالظبط
جيمين:البت اللي صاحبتها بقت مرات ابويا ..جرا اي ي دنيا
سوكجين:والله ي جيمين ي اخويا انا مش عارف اقولك اي
شوجا:بقولكو اي انا مقبلش يكون عندي مرات اب مش كفاية عليا العيلة ال****دي
تم حذف الشتيمة حرصا على اخلاقكم
تاي:طب اي رأيكو اعلقها من ابوكو ..انا جود بوي وقمر وكل البنات بتموت فيا
جونغكوك:تعلق مين ي ابن الهبلة ؟فيه حد يعلق مرات ابوه
جيهوب:الله يرحمك ي ماما كنتي حنينة اوي
سوكجين:وانت عرفت منين؟دي ماتت واحنا صغيرين ومحدش فينا فاكرها
جيهوب:بس اكيد كانت بتدينا فلوس
تاي:ما طنط سوكجينة كريمة اوي اول ما شافتني امبارح ادتني خمسه جنيه
سوكجين:تاي ي حبيبي مش انت بتحبني؟
تاي:لا انا مبحبكش ومعرفكش اساسا وكمان انا صرفت الفلوس اصلا
سوكجين:اتألم ولا اتكلم
بعد اسبوعين
جونغكوك:انا زهقت ي عيال حاولت اطفش الولية دي وهي حالفة ماتغور من هنا
شوجا:داانااديتها مقص وقعت على وشها ومفيش فايده
جيمين:دي لزقة وانا عارفها... داانا لما كنت بتكلم معاها ع الواتس كانت تفضل ترغي ب التلت ساعات ولو قفلت دقيقة كانت تفضحني
واثناء الحديث
جيهوب داخل وهو بيبص حواليه
جونغكوك:مالك ياض زي ماتكون سارقلك سريقة
سوكجين:بص ي جيهوب ي اخويا انا ستر وغطا عليك لو معاك حاجه قوللي والنص بالنص
جيهوب:عيب عليكو تقولولي الكلام دا...انا متربي كويس
شوجا:ايوا فعلا متربي بس تربية ****
نامجون جه من الشغل ودخل ع الاوضه
جيهوب بين نفسه:احييه انا لسه مصرفتهمش ولو خد باله هروح في داهيه...تاي ي حبيبي
تاي:لو بتنده عليا عشان اديك فلوس ف انا مش معايا
جيهوب:لا ي حبيبي انا اللي هديك فلوس
تاي:كداب
جيهوب:بص اهو عشان تصدق ادي ٢ جنيه بحالهم اهو
تاي:انت بتدهوملي ليه انت عامل مصيبة وعايزني اداري عليك صح؟
جيهوب:لا ي حبيبي انت عارف انك ليك معزه خاصة عندي ف قولت الفلوس دي متطلعش لحد غيرك بس اوعى تجيب سيرة قدام حد لا احسن اخواتك ياخدوهم منك
تاي:هو انا عبيط؟
وخرج تاي من المنزل
نامجون يصرخ:ي ولاااد الكااااااااالب
شوجا:فيه اي ع الصبح
نامجون:تعالولي كلكو هنا
سوكجينه:فيه اي ياحاج بس هدي نفسك مش كده
نامجون:اسكتي انتي ي سوكجينه دلوقتي
نامجون:مين فيكو ي محترمين اللي خد الاتنين جنيه اللي كانو هنا
سوكجين:هو انت عامل الهيصة دي كلها عشان ٢ جنيه
نامجون:بتقول اي ي روح امك
سوكجين:بقول اهدى.عشان اعصابك ي حاج
جيهوب:ممكن يكونو مع ماما سوكجينه
سوكجينه:ابدا والله ي حاج دا كداب
جونغكوك:انا شوفت الواد تاي خارج من شوية...اتلاقيه هو اللي خدهم
ودخل تاي ع السيرة وهو ماسك كيس اندومي وكيس شيبسي وكانز كولا وباكو بسكوت
)اعتبروهم بال ٢ جنيه
نامجون:اهلا اهلا ..قوللي بقا جبت فلوس منين للحاجات دي
تاي:جيهوب قاللي....
وقاطع كلامه جيهوب
جيهوب:انا قولتله مياخدش حاجه مش بتاعته بس هو مسمعش
تاي:اي؟!!!
نامجون ل تاي:تعلالي بقا
وكما هو متوقع تاي كل علقة مكلهاش حمار
سوكجينه:اي دا ي نامجون على اخر الزمن اتجوز واحد عياله حرامية
نامجون:لمي نفسك ي سوكجينه مش وقتك انا بفكر اجيب الاتنين جنيه ازاي دلوقتي
سوكجينه:يلا ي راجل ي عره يعني لا عارف تربي وكمان جربان مش عارفه انامستحملاك ازاي
جونغكوك:مين اللي مستحمل مين مش كفاية انك بتقرطسيه واحنا عارفين
نامجون:ماعاش ولا كان اللي يقرطسني ياض
شوجا:ي حاج الولية دي كانت بتكلم راجل من وراك وسمعناها بودانا
جيمين:وكمان شوفناها وهي بتسرق فلوس من جيب البنطلون بتاعك
سوكجين:اه وهي اللي ادت الواد تاي الاتنين جنيه عشان تلبسو مصيبة
سوكجينه:والله ماحصل حاجه من دي ...انتو عيال مش متربيين
نامجون:هما مين دول اللي مش متربيين ي هانم انا عيالي انضف من عيلتك المعفنه كلها
سوكجينه:عيلة مين اللي معفنة ي عرة ياللي متسواش نكلة ...وحياة امي لا اجيب كرشك
نامجون:هي وصلت لكدا انتي طالق ي سوكجينه طالق
سوكجينه:في داهية ي اخويا اهو انا كنت اتجوزت مهند يعني
نامجون:يلا ف داهية
وخرجت سوكجينه وخرج نامجون بعدها
جونغوك:اخييرا خلصنا م الولية دي
جيمين:هو الحقيقة انا مش عارف افرح بما اننا طفشناها ولا ازعل لانها كانت كراشي ودا كان اكبر خازوق خدته ف حياتي؟
سوكجين:تعيش وتاخد ي اخويا هيق هيق
تاي:وسعولي بقا كدا
جيهوب:اهدى بس كدا ي تاي ي اخويا
جونغكوك:اخوك ولبسته مصيبة اومال لو مش اخوك كنت عملت اي
شوجا:والله ي جماعه انا شايف ان انتو تقطعو علاقتكو ببعض ونخلص
سوكجين:بيقولك مرة اتنين اخواا....
شوجا:ولا بقولك اي...انت هتسكت ولا اسكتك انا بمعرفتي
سوكجين:هو انتو ليه محسسني اني المهزق ف البيت دا
جونغكوك:بتقول حاسس؟
سوكجين:قصدك اي ي جونغكوك
جونغكوك:كلك نظر
سوكجين:انا هخلي تاي يتصرف معاك
تاي:انتو اولعو ف بعض انا مش فاضلكو انا عندي حساب مع الواد دا لازم اصفيه
جيهوب:افهم يلا انا عملت كدا عشان اطفش مرات ابوك م البيت
تاي:تطفشها برضوولا كنت عايز تنفد بجلدك ي حرامي
جيهوب:عيب عليك ي تاي ي اخويا
حد بيخبط ع الباب
شوجا فتح الباب لقى واحده ست ف وشه
سوكجين:هي دي الكراش الجديد؟ولعانه معاك ياض ي جيمين
جيمين:كراش مين ي بني دي شبه كوباية الزبادي اللي محطوطة بره التلاجه
جونغكوك:عجبني التشبيه صراحه...دي شوية وهتحمض
الست:مش دا بيت نامجون؟
جيمين بصوت واطي :هو ابوك لحق علق واحده جديدة؟
الست:هو بيته ولا لا
جيمين:اه بيته بس هو مش هنا
الست:هييجي امتا
جيمين:مش عارف استني هخلي الواد سوكجين يتصل عليه
الست:سوكجين!!انتو عيالي؟...ياااه كبرتو اوي
سوكجين:انتي تعرفينا؟
الست:انا جيهوبة امكو
جونغكوك:احنا امنا ماتت واحنا صغيرين
جيهوبة:لا ي حبايبي انا عايشة ..ابوكو هو اللي طلقني واخدكو مني وسافر وانا فضلت السنين دي كلها ادور عليكو
تاي:يعني انتي ماما؟
جيهوبة ايوا ي روح قلب امك ..وحشتوني اوي ي عيالي
تاي:انا مش مصدق ان بقا عندنا ماما وهتديني المصروف كل يوم
ودار عناق وحديث طويل بينهم ..ويدخل نامجون
نامجون:جيهوبة انتي اي اللي جابك هنا وعرفتي المكان منين
جيهوبة: انا جاية اعيش مع عيالي اللي حرمتني منهم
نامجون:عيالي مش هيعيشو مع حد غيري
جيهوب:حرام عليك ي بابا خلي ماما تعيش معانا
جيهوبه:مش كفاية ان انا جيت ومستعده اسامحك على خيانتك
جونغكوك:هو خانك وجاية وعايزة تعيشي معاه؟راحت الكرامه
جيهوبة:ايوا ابوكو خاني قفشته مع الولية
جارتنا ولما واجهته طلقني ومرضيش يخليني اخدكو ..هو اللي بعدني عنكو
سوكجين:خلاص ي ماما سامحيه وخلونا نعيش مع بعض
جيهوبة:انا مسامحاه ي بني
نامجون:وانا غلطت ي جيهوبة حقك عليا وانا هردك انتي برضو ام عيالي
ورجعت جيهوبة لنامجون
بعد شهر راحو يصيفو
سوكجين:يااه داانا من ايام الحملة الفرنسية وانا مشوفتش بحر
تاي:واحنا كنا هنشوفو منين ي حسرة
جيهوب:لولا امنا رجعت لابوكو دا مكناش هنشوف خروجات
جيمين:ايه الصاروخ دا
جونغكوك:صاروخ اي هنموت؟
جيمين:شايفين البت الجامده اللي هناك دي
شوجا:انا برأيي ان احنا ندخل بجيمين ف نص البحر ونغرقه
جيمين:واهون عليك
شوجا:داانا هجيب ابوك يغرق معاك كمان
تاي :صحيح ي عيال اومال ابوكو فين
وبعد البحث لقو نامجون قاعد مع واحده ست
جونغكوك جري لجيهوبة
جونغكوك:الحقي ي ماما جوزك بيخونك
جيهوبة:بي اي؟نهار اسود على دماغه
جيهوبة:ناااامجون
ونظر نامجون نظرة الصدمة
وهنا تنتهي قصتنا
اسيبكو تتخيلو نامجون هيحصل فيه اي
