اميرتى النائمه

2

بعد 7 شهور كانت الاحوال كما هى فى قصر الزاهى لكن مع بعض التطورات
بمعنى  قد تقرب سامى من ريهام بضع خطوات لانهم طوال النهار يبحثون معا عن طبيب مناسب للصغيره اميره
وانهار  كانت بتحاول اكتشاف من ذالك المعتوه ماركين تود رايت وجهه بشده لانها لمحته عن بعد فى احد المهمات
اما شريف فهو يبحث عن جاك وهو قد اقسم على جعله عبره لمن يفكر بعد ذالك فى النظر الى اسرته بسوء لن يطرق حق ابنته ولو كان اخر ما يفعله فى حياته

اما عند سليم كان سعيد انه فى الفتره دى قدر يثبت نفسه بشده بمعنى مافيش حاله وقعت تحت ايده الا وبفضل الله  ومن ثم تعبه شفيت على الاخر بنتائج جيده من الاخر بقا مشهور بسبب جهوده خلال الفتره اللى راحت دى

     ♡:--------------®----------------:♡

كانت تجلس مع الطبيب تنظر له وهى تستمع له بأنصات
ريهام . يعنى حضرتك واثق من الدكتور ده كويس
الطبيب . بقول لحضرتك ده اشطر دكتور عندنا هنا رغم صغر سنه بس حقق نجاحات كتير
ريهام . خلاص نجرب
اوماء لها ثم استدعا الدكتور سليم
بعد دقايق كان سليم قد دلف الى المكتب
الدكتور صالح  دكتور سليم  حضرتها مدام ريهام الزاهى غنيه عن التعريف كانت عاوزه انك تهتم بحالة بنتها
سليم بابتسامة . اه طبعا بس انا محتاج افهم من حضرتك اكتر عن الحاله
نهض صالح . انا هسيبكم لوحدكم شويه
اومأو له
سليم بعدما جلس امامها . اتفضلى اشرحيلى عن الحاله
ريهام سردت له كل شى  يخص حالة بنتها وبالاخص كلام الدكاتره فى فرنسا
سليم بابتسامة . حضرتك قولتى  ان الدكتور قالك ان نسبة النجاح فى انها ترجع تانى تقوم هى نسبه قليله بس ماقلش مستحيله
ريهام . يعنى في امل
سليم . طول ما فى حياه فى امل لو توقف الامل توقفت الحياه والدى الله يرحمه كان بيقولى على طول لو فى امل حتى لو واحد فى الميه لازم نمسك فيه مش ممكن يكون ده طوق النجاه
ابتسمت له فكلامه مطمأن لها
ريهام . انا اقتنعت حضرتك هتاجى البيت امتى علشان نبداء فى العلاج
سليم . هممم الاحسن هى تاجى المصحه هنا جو البيت مليان توتر الحلات اللى زى بنت حضرتك  محتاجه لجو هادى حاله من الاطمئنان التام
ريهام . ماشى هجبها المصحه انهارده بالليل وحضرتك ابداء معاها
سليم بابتسامة . بأذن الله

     ♡:--------------®----------------:♡

فى المساء كانت سيارت الاسعاف امام قصر الزاهى
شريف بحزم . احنا مش كنا متفاقين اننا هنتمم العلاج فى البيت
ريهام . الدكتور اللى هيكون مسؤول عن حالتها  هو اللى قال كدا احسن علشان لو حصل حاجه يقدر يكون جنبها
شريف . لو جه هنا واتخصص ليها هى بس كان هياخد مبلغ يغنيه طول حياته
ريهام . انا حبه اكون معاه للاخر هو الوحيد اللى ادانى امل انها هترجع لحضنى تانى
أومأ  لها شريف بعدم رضه من داخله فهو  تعود كل صباح يذهب الى غرفتها يقبلها بحب فهى فى النهايه حفيدته الوحيده