زواج 💍بعد👈 حب❤️ معوق🥴كاملة

حلقة 28😅(نهاية)

اححمم احححممم
هاني وليت هههه
علابالي بطيت بصح نقوللكم حاجة دوك مانعرف ايدا زهري و لا زهركم
كل ما ننوي نكتب بارت تصرا حاجة و مامقدرش نكتب
و صراحة انا كاعندي حتى فكرة على واش راني رايحة نكتب تسما راح نتبع السياسة تاع خلطها تصفا
و نشوفو ايدا تصفا ولا تتهرد هههه
ايا بسملله

ايه ماتنساوش نقراو حتى للاخير خاطرش كاين هدرة مهمة و اسمحولي على الاخطاء راني نكتب كي الهايشة هيهي😅

ميسان قلبها قريب ماحبس من الخلعة بعد ماطاح ريان بين يديها خايفة تزيد تخسرو كيما والديها(راني نخمم نطيرلو راصو 😈)

فاقت لروحها و بدات تديرلو فالاسعافات الاولية و تحاول توقف النزيف لي عندو

رفدت راصها بعد ما حست ب بنادم واقف قدامها
سليم:هنا تخلاص حكايتك
وجه جيهتها الكابوس تاعو و هو ينبسم بشر بصح ميسان كانو لجنون يصوطو قدامها
شافت فيه و تبسمت
ميسان:هنا تخلاص حكايتك نتا

رفدت الكابوس من يد ريان و بلا ما تخمم تيرات عليه و حابتها في قلبو

طاح قدامها على رجليه و بقا يشوف فيها و هي تعكر و معنقة ريان لي كان مغاشي
ميسان: كنت حابة نقتلك كيما درتلهم بالواحد و نحلف الثار بصح علابالي بلي ربي ما يضيع حق حتى واحد

خرجت من فرفة العمليات وجها صفر و يديها يرعشو

بقات تمشي بلحفا حتى لقات روحها فوق الصطح مكسلة فاللرض
غمضت عينيها و بقات غايصة تفكر واش صرا
يماها
باباها
ريان
كامل لي صرا بسباب هوس و حب من طرف واحد ،لوكان كل شخص يرضى بمكتوبو مايصرا لي صرا

حاسة بغصة فقلبها ماشي قادرة تخرجها
تنهدت و غطات عينيها بيدها
ميسان:حابة نرقد

.......:ترقدي و تخليني وحدي
دارت من جيهة الصوت و تبسمت
ميسان:ارض ربي واسعة
تغريد:حيدي شوية خليني نتكسل بلاصتك تكون دافية
ضحكتلها و تكسلو جنب بعض فاللرض معنقين بعضهم
تغريد:زعما خلاص كلش
ميسان:نشالله
تغريد:ميسان ريان راح يكون بخير
ميسان:راه مليح تغريد ماتخافيش عليه
تغريد:حمير كي نتي كي هو رحتو تورنيتو فيلم اكشن و خليتوني انا و ازار نستناو
ميسان:استغفر الله تسما نتي هادا واش تخمي بعديني خلاص ماتعنقينيش انا كنت تما على شعرة و نهبل و نتي هنا تقوليلي فيلم
تغريد:ااه خلاص ماتبوجيش كتفي وجعني
ميسان:امشي رجعي لبلاصتك انا نروح للدار نبدل هاد البيجاما ليوم تتسجل فالتاريخ
تغريد:هههههههههههه حمارة عاونيني نوض

داتها لفراشها و شربتلها دواها و طمنت على ريان و ازار و خرجت لدارها
غسلت و بدلت و راحت لشومبرة عيشة
قعدت فوق البونك معنقة الطقم تاعها تاع الصلاة و تتفكر فيها و غايصة حتى قفزت كي سمعت صوت موراها
.....:توحشتك
دارت لعندو مخلوعة ماعرفتش واش تدير بقات تشوف فيه
شعرو مغوفل و لحيتو طوالت ،زاد خشان فالكور تاعو ،
محمد:افطني يا لبهلولة
صفق بيدو قدام وجها. و هي صوطات عليه عنقاتو بكل قوتها
محمد:هههه توحشتك والله غير توحشتك
ميسان:راني مقنوطة
محمد:راني معاك
قعدها فوق السرير و هو مقابلها يمسح على وجها
محمد:راكي رجعتيلهم حقهم
غير قال كلامو هي طرطقت بالبكا
زير عليها و خلاها تخرجلي في قلبها
علابالو ماتبكيش بالساهلى حتى قلبها يتعمر