عمر صار يقرب على موتر علي بدون ماحد يشوفه وفك حبال رشاش وقام رشاش ناظر في عمر وهو شبه صاحي وعمر شله عمر : قم يارشاش علي غدر فيك ( يهزه ويبكي ) فهد وصل ونزل خالد كان مقيد وسلم على علي وقاله فهد : فين رشاش ؟ علي : هناك في الموتر مربط وجاهز فهد : جبه هنا قدامي علي راح للموتر وماشاف رشاش في مكانه قام شعر جسمه علي : لا لا لا كيف صار كذا ( بصراخ وخوف يناظر يمين شمال) فهد : خير وشفيه تصارخ ؟ علي : الفزعه تكفى رشاش هرب ( ميت من الخوف ) فهد : تلعب معي يالغدار ( يأشر بسلاحه على خالد) خالد : متى تتعلم كيف تتصرف مثل رجال كيف هرب منك ( بصراخ على علي) فهد رجع خالد في طياره ورجع لسعوديه ...
عمر أخذ رشاش معه للمبنى القديم ورا جدار يسمعون ويشوفون وش صار التفت عمر على رشاش وقال عمر : وش سوات ؟ رشاش قام وعيونه تطلق شرار ودمه ثاير عمر شاف رشاش لاول رجع
علي كان طايح على ركبته وخايف حتى انه يقوم ويبكي سمع خطوات وضحكه كأنه في حلم من شدت الخوف رشاش : تبا تسلمني ياعلي ؟ ( يلعب بسلاحه)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
علي : استهدي بالله ( يزحف على ورا) عمر : الخيانه تقتل صاحبها علي : انت سبب دمرت اخوي ودخلته سجن ( بصراخ) رشاش : لاتكذب اخوك جا لعندي وطلبني أشغله معي ( برود) علي : طيب ليه ماتساعده وطلعه من سجن رشاش : هو رخمه كيف كشفوه من يشتغل معي يتحمل نتيجه اغلاطه انا مو قاعد ابيع حلاو ( بصراخ وعصبيه) علي : سامحني تكفى يارشاش ( يبكي ) رشاش : عمر تدري وش قالي عشان اجي معه ويغدر فينه ( يكلم عمر) عمر حزن على حال رشاش وبلع ريقه ودمعه في عينه .. عمر : وش قال ؟ رشاش : ضايقن صدره ووده يوسع خاطره بذبحه لي لاكن ( صرخ فجأه وهو يقول لاكن وألتفت على علي) مع مين تلعب ؟وجهه سلاح كان بيطلق عليه بس عمر منعه بدون سبب
علي أستغل أنهم انشغلو عنه وسحب المسدس صغير في ساقه هو حاطه للأحتياط ووجهه صوب عمر وضحك علي : لاتتحرك بفجر راسك ( يصرخ على عمر ) رشاش : شفت ياعمر غدر فيك وانت ماتبغاني اذبحه علي : مو أنت نصحتني وقلت القوي يرتفع وضعيف يغرق ولا يبقاله أثر وانا ما أنسى نصايحك ( يضحك ) رشاش : رح يله وخل عمر والله لو يجي عمر شي أني لأقطعك أرباع ( شوي وينفجر من القهر) علي : بروح لموتري لاحد يتحرك ( يوجه سلاح عليهم ) رشاش عنده سكين حاده في جيبه وقبل ما يدخل علي موتره رمى رشاش السكينه بسرعه وكانت حاده وجت بنص راس علي طاح وهو ميت شهق عمر وراح يرجع من منظر علي رشاش شال علي وركبه الموتر رشاش : عمر اركب الموتر مشينا عمر : وين رشاش : أركب وبتعرف لاترفع ضغطي ركب عمر وتوجهو لريم نزل رشاش وعمرالبيت ودخل على ريم وساره كانو جالسين يسولفون رشاش : ريم ساره انتبهو لانفسكم وخذو هذا الفرد ريم : وشفيك وش صاير ؟ رشاش ضم ولده وحبه شم ريحته وقال بأذنه بدون ماحد يسمع رشاش : أمنتك الله واذا كبرت أنتبه لامك ( في أذن ولده ) ريم كانت تشوف رشاش وهو يقول شي في اذن الولد حزنت عليه وقربت تقول : رشاش شفيك وين بتروح ؟ ( تبكي) رشاش: مانيب مطول يومين ثلاثه وراجع ( ضمها) عمر ودع ساره وقاله مابيتأخر وتقعد مع ريم لين يرجعون
المهم راحو عمر ورشاش لسعوديه كانو ملثمين رايحين لبيت ضابط فهد كسرو الباب وحطو علي على لارض في صاله وكتب رشاش أسمه بدم علي ..
كان فهد يتعشى مع اهله في مطعم .. بغى يدفع الفاتوره لقاها مدفوعه سأل من دفعه عطاه رساله وفتحها لقي صوره رشاش ارتبك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وجمع اهله وداهم للبيت أول مادخلو شافو علي ودمه سايح ومكتوب اسم رشاش على لارض عايده صاحت واغمى عليها هنا عرف فهد ان رشاش هرب من علي وانه في خطر اللحين
