😈😈المتحجبة في ذمتي 😈😈
الكاتبة :سمية المرابط🚩
الجزء الاول 👀
فدار من ديور أحياء شعبية كايتواجد دار فأخر درب منزل على قد الحال وباين مامبنيش على صح فوسط المنزل كاينة بطلتنا وعائلتها صغيرة المتكونة من أب حشايشي وسكايري كلشي مجموع فيه وأم بقلب قصح من الحجر مكاتحنش كاع لا فولادها ولا عائلتها تامها تبرات منها والأخ ديالها لي هرب شحال هادي حرك من تما مباقي سمعوا عليه شي حاجة
نعيمة : انوضي اديك جيفة لالياتك ناضوا وجففوا وسيقوا ونتي باقا خامرة انوضي اديك البايرة بنات قدك بديورهم وولادهم ونتي باقا ليا هنا خنزك واصل عند الكزار
ناط بطلتنا كيف كل مرة معاجباهاش هاد لعيشة ليهيا فيها وكاطلب من الله اعاونها ناط من فراشها بلا ماتجاوب مها دخلات لطواليط طرفات جمعات شعرها توضاات وخرجات تصلي صبح بيما بطلتنا تصلي اجيوا نعاود لكم عليها إكرام بنت طبقة هشة عوينات كبار فذهبي حجبانها ونيفها تحلفي عليها مقاداهم فمها صغيور ومنفوخ فلغوز ديما حنيكاتها ديما مورضين شعرها واصل ل فخاضها مي مكاطلقوش وهادشي حيت عمرها قطعاتوا كادير الحيجاب وطايتها مابيهاش متوسطة ديما كاتلبس طويل بطلتنا عندها 23 عام باقي فشبابها مي عمرها شافت نهار زوين بسباب عائلتها عندها خوها كبر منها طارق 26 عام مي منهار حرك عمرهم سمعوا عليه شي حاجة ومها 49 عام قاصحة بززززاف ومكاتحسش بيهم اما باها كاتشوفوا افاش كايجي يشد لفلوس من عند مها باش اسكر والعب لقمر عندوا 57 عام وحلف هو لاتاب لربوا عندها ديبلوم تالفندقة مرة تخدم مرة لا كملات صلاتها كيف ديما ولبسات حوايجها لي واخا حالة ضعيفة مي هيا منوع واخا مايكونش عندهم كاتهلا فراسها خرجات ودازت من دربهم لي شافها كايلقي سلاموا لي واخا واليديها خايبين هيا معروفة بطيبة قلبها ومكاتشبه لهم فتاوزة اما دراري كلا فين إحلم بيها حلالوا...يتبع
