THE UNKNOWN OF 015 PURE SIN [txt ff]

PG[2] X: • The Weak Symptoms •

မဲ​မှောင်​နေ​သော တိမ်စိုင်များ အုပ်စိုးထားတဲ့ Quercus rubra သစ်ပင်အထက်က ကောင်းကင်ယံမှာ မိုးစက်တို့ကို ခေါ်​ဆောင်လာမည့် တ​ရွေ့​ရွေ့လှုပ်ရှား​နေ​သော တိမ်တိုက်များက ကောင်​လေးတွေကို စောင့်ကြည့်​နေသ​ယောင်ရှိသည်။ ဖုန်မှုန့်တို့ကို သယ်​ဆောင်လာသည့် ညစ်ညမ်းညမ်း​လေထု ကလည်း ကောင်​လေး​တွေရဲ့ စကားဝိုင်းကို ခိုးနားစွင့်​နေဟန်တူသည်။ အုံ့စိုင်းစိုင်း ည​နေခင်းပတ်ဝန်းကျင်နဲ့အတူ လှုပ်ရှားမှုတစ်စုံတစ်ရာမရှိ ဆိတ်ငြိမ်သွားတဲ့ စကားဝိုင်းက အဖြူ​ရောင်စီးကရက်လိပ်များကို​တောင် အထီးကျန်​စေသည်။
soobinက စကားတုံ့ပြန်မှုမဲ့စွာ ငြိမ်သက်​နေတဲ့ ၄ ယောက်ရဲ့ အ​ခြေ​နေကိုကြည့်ကာ သူအရူးလုပ်လိုက်ရလို့ ကျေနပ်သွားဟန်နှင့် အောင်နိုင်သူတ​ယောက်သဖွယ် မျက်လုံးများ​မှေး​စေလျက် လှောင်ရီသည်။

"ရား..! မင်းတို့က ဘာလို့ဒီ​လောက်ငြိမ်သွားရတာလဲ?!
ငါသွားစရာလား ဒီတိုင်းပဲ​ပြောတာကို!"

"ဟင်း...အကိုက ပျော်စရာလည်းမ​ကောင်းဘူး
သွားကြည့်ချင်တာကို.."

beomgyuက အား​လျော့သွားဟန်ဖြင့် နှုတ်ခမ်း​သေး​သေး​လေးများကို​ရှေ့သို့ အနည်းငယ်ထွက်​စေကာ နှာ​ခေါင်းရှုံလျက် လေသံ​လျော့​လျော့​လေးနှင့်​ပြောသည်။
မျက်​တောင်ရှည် စင်းစင်းလေး​တွေ ပိုင်ဆိုင်ထားတဲ့ ကောင်​လေးက မျက်လွှာ​လေးချပြီး သက်ပြင်းတချချ လုပ်​နေ​သေးသည်။ အရင်နှစ် hueningkai ဆီကမွေးနေ့လက်​ဆောင်အ​နေနဲ့ သူရထားတဲ့ converse ဖိနပ်အဖြူ​လေးကို လိုက်ဖက်စွာ စီးထားတဲ့ ခြေ​လေးက မြက်ခင်းစိမ်းများအ​ပေါ် ခပ်ဖွဖွ​ဆောင့်နေ​သေးသည်။

"အာ..တကယ်ပါပဲ အကိုတို့အားလုံးက ပျော်စရာမ
ကောင်းဘူးပဲ..ဟွန့်!"

hueningkaiက သူ့အကိုကို ထောက်ခံဟန်ဖြင့်
ဘုမသိဘမသိ၀င်​ယောင်ပြန်သည်။

yeonjunက အလိုမကျဖြစ်​နေတဲ့ beom ရဲ့ ခပ်​သေး​သေးမျက်နှာ​လေးကို ခေါင်း​အသာ​စောင်းကာ
တစ်ချက်ကြည့်လိုက်သည်နှင့် သူတကယ် သွားချင်​နေမှန်းရိပ်မိသည်။ စီးကရက်အဖြူကို နှုတ်ခမ်းသားနှစ်ခုဖြင့်ထိန်းထားလျက် yeonjun တစ်​ယောက် မတ်တပ်ထရပ်လိုက်သည်။