هايي قاعده اكتب الروايه فوق السرير و منسدحه و بالظلام بعد فا اذا كلجت هذا من زود الراحة...
زائد كومنتاتكم الحلوه الي يوم اقرها تنفتح نفسيتي عشان اكتب بارتات اكثر والله كل ما ازعل و انفس اتذكر كلامكم و ابتسم لا شعوريا ماني ناسيتكم ابدا من دعائي صدق ماقد حسيت بفرحه قد كذا سوري طولت عليك مره اسمعو الاغنيه و ان شاءلله يعجبكم البارت💗✨
عمر: هذا ايش؟؟ من سوا فيك كذا.؟ (مسك يدك)
انت: مدري من وين
عمر: تستهبلين انت كيف ما تعرفين؟
انت: صحيت و لقيت كذا ساير بيدي (سحبتي يدك)
عمر: ذا واضح فعل احد رشاش ولا مصلح.؟
انت: انت الي تستهبل ماحد سوا لي شي اقلك مدري مصلح ورشاش نايمين هناك ياخي خلاص.
طلعتي فوق غرفتك وقعدتي صاحيه الين ما اشرقت الشمس وبدا النور يدخل غرفتك
٧:١٢
دق بابك..
انت: مين؟
( رشاش..ادخل؟)
سكتي شوي و انصدمتي وش يبي ذا الحين ياساتر ما طولت بالتفكير وهذا الشي الصح
انت: ايه ادخل عادي
دخل وقفل الباب وحط اول كرسي وراه قدام الباب وجلس كأنه مايبغا احد يدخل الغرفه
ولع سقاره طالع فيك...
(اجلسي شفيك واقفه.؟)
جلستي فوق سريرك و التوتر ذابحك وش يبغا منك في ذا الوقت؟
رشاش: امس وش سويتي
انت: ولا شي
رشاش: ليش هربت؟ (نبره هاديه)
انت: انا ما هربت بس..
ما كملتي كلامك لانه قاطعك بصراخه
رشاش: بدون كذب ما ابغا استخدم معك اسلوب ما يعجبك!!
انت: لا لا اصبر طيب خلني اشرح لك انت مافهمت
رشاش: وش افهم.؟؟ كلشي واضح.!
سكتي وقعدتي تفكرين وش تردين عليه طبعا تفكيرك ذا وقفتيه بثواني عشان تردين
انت: عطيني فرصه طيب اقلك وش سار.!!
رشاش رجع جلس...
رشاش: تكلمي
انت: تذكر يوم تضاربتو بالبر.؟
رشاش اشر براسه بنعم
انت:اخذت كتابي ورحت ورا الخيمه بعد ما نعست جيت بدخل الخيمه بس ما اتذكر وش سار الي اتذكره اني كنت في مكان ما اعرفه و كان ذا الطارق قدامي بس ذا الي صار
رشاش: وكيف اقدر اصدقك
انت: مو طارق معكم ليش ما تسألونه.؟؟
سكت وطالع بسقف الغرفه ورجع طالع فيك دق الباب وراه بعد ودخل مصلح
رشاش: ها قال شي
مصلح:لا قاعد يكرر نفس الكلام
رشاش قفل الباب وجلس
مصلح: وذي تكلمت؟؟
رشاش: ايه
طالع مصلح فيك بعدها بدقايق قليله
مصلح: وشذا بيدك.؟
رشاش طالع المكان الي اشر عليه مصلح
قام و مشى نحوك بخطوات سريعه مسك مكان الاثر ذا وطالع بمصلح و مصلح يطالع فيه..
رشاش: ***
و خلص البارت ان شاءلله بعجبكم مع انه تمطيط في تمطيط بس تعرفون اذا انسدح الشخص فوق السرير وش يسير
المهم احبكمممممممممم💗💗
بوسات لكم😘💖💖✨
