[Song recommendation : Strawberries & Cigarettes by Troye Sivan]
----------------------------------------
2021 ခုနှစ်၊ Florida ပြည်နယ်၊ U.S.။
စိုစိုစွတ်စွတ်လမ်းမကြီးထက် တစ်ခုသောအရှိန်နဲ့ပြေးနေတဲ့ကားတစ်စီးဟာ တောင်ပိုင်းမိုင်ယာမီရပ်ကွက်ကို ဦးတည်လို့..။
ကားပြတင်းမှန်ကတစ်ဆင့် အပြင်ဘက်ကို ငေးကြည့်မိတော့ အရောင်စုံထီးကိုယ်စီနဲ့ဥဒဟိုသွားလာနေကြသူတွေ တပုံကြီးရယ်။ သည်းကြီးမည်းကြီးရွာချနေတဲ့ မိုးလည်း အလကားပါပဲ၊ ဖလော်ရီဒါပြည်နယ်ကြီးကတော့ မိုးထဲလည်း လှုပ်ရှားပျော်ပါးနေကြတဲ့လူငယ်တွေနဲ့ ထုံးစံအတိုင်းအသက်ဝင်နေဆဲမို့..။
ကားပေါ်ကနေ ဖြတ်ခနဲတွေ့လိုက်ရတဲ့ ဆယ်ကျော်သက်အရွယ် ကလေးနှစ်ယောက်ကြောင့် တစ်ယောက်သောသူကို သတိရစိတ်နဲ့ သူမရဲ့နှုတ်ခမ်းတို့ မသိမသာလေးကွေးညွှတ်လို့ပြုံးမိသွားတယ်..။ ယူနီဖောင်းဝတ်ထားကြတဲ့ ကျောင်းသားလေးတစ်ယောက်နဲ့ ကျောင်းသူလေးတစ်ယောက်.. ထီးတွေလည်းမပါကြဘဲ မိုးရေထဲ ရယ်မောစနောက်ပြီး ပြေးလွှားသွားကြတာပါ။
မှတ်မိပါသေးရဲ့။ သူနဲ့ကျွန်မ ပထမဆုံးစဆုံတဲ့ရက်မှာပဲ နှစ်ယောက်သား မိုးထဲလေထဲဗရုတ်သုတ်ခဖြစ်ခဲ့ကြတာကို။
▪️▪️▪️
2016 ခုနှစ် ဇူလိုင်လရဲ့မိုးဖွဲဖွဲတွေကြား ချမ်းအေးတဲ့မနက်ခင်းတစ်ခု။
မိန်းမငယ်လေးတစ်ယောက်ရဲ့လေချွန်သံသဲ့သဲ့က အဆင့်မြင့်နှစ်ထပ်တိုက်ခန်းကြီးထဲ ပဲ့တင်ထပ်လို့။
အပေါ်ထပ်ကနေ ပြင်ဆင်ပြီးဆင်းလာတဲ့ သူမရဲ့အနေအထားက ကျောင်းသွားဖို့အဆင်သင့်။
ဧည့်ခန်းအဝက ဖိနပ်စင်အကြီးကြီးကို တမေ့တမောကြည့်လို့ ဒီနေ့အတွက်စီးဖို့ရည်ရွယ်ထားတဲ့ ရှူးဖိနပ်အဖြူလေးကိုရွေးယူလိုက်တယ်။
" မနက်စာစားသွားဦးလေ သမီးလေး "
အိမ်ပေါက်ဝမှာ ဖိနပ်ကြိုးကိုငုံ့ချည်နေတုန်း ကြားလိုက်ရတဲ့နောက်ကျောဆီက အသံကြောင့် လှည့်ကြည့်မိရင်း..
" ရတယ် မာမီ၊ ဒီရက်ပိုင်း သမီး diet လုပ်နေလို့ .. မနက်စာကိုကန်တင်းရောက်မှ အဆာပြေစားလိုက်မယ် "
YOU ARE READING
The Male Lead In My Story//SUNGHOON✅
FanfictionMain Casts - Park Sunghoon X OC Genre - romance, youth (a customized one shot from the donation project ' OC yinn hluu ')
