في احضان الذئاب

مشهد

مرحبا حبايب مثل ما عودتكم رجعتلكم بروايه جديده

عنوانها (في احضان الذئاب)

طبعا من اكثر الروايات الي لفتتني

احداثها جدا مشوقه وجذبتني بشكل

ما اطول عليكم القصه حقيقه 100% مثل ما كتلكم

والتنزيل راح يكون كل يوم او بين يوم ويوم وان شاء الله تنال اعاجبكم

                                ....مشهد.....

فزيت ع صوت المنبه وعين مغمضه وعين مفتحه جريت موبايلي باوعت ع الساعه بالسته ونص

كمت من فراشي الدافي واني ادردم بكلبي ع الي خله الدوام الصبح

رحت غسلت وجهي ورجعت ع غرفتي غيرت ملابسي ومشطت شعري وحطيت عطر ضليت الف ع المرايه منبهره وتغزل بروحي عادي الجفاف يصير فول بالشتا

نزلت جوه لكيت بابا جاي يتريك صبحت عليه وحطيت زيتونه بحلكي وطلعت كعدت يم عتبة الباب حتى اللبس حذائي تكرمون

اول ما شلت راسي صار بوجهي باوعتله بنضره حاده واني اتوعدله بكلبي وكول....والله اذا ما اندمك عن كلشي سويته وياي وخليك تبوس رجلي ميطلع اسمي حور

ضل هو يباوعلي بنضراته المقرفه ويشخصني من فوك لجوه اجاهلته وطلعت

اجتني نسمه هوى بارده جريت نفس كانو اول مره اتنفس بحياتي رفعت راسي انتبهت للسما مغيمه وبيها مطره اجواء حلوه بس من البرد رجل اطخ برجل

فتحت الباب لكيت الخط منتضرني كلت ...صباح الخير
وصعدت عاد مسافه الطريق وصلنه ع الجامعه

اول ما دخلت شفته جاي من بعيد بتجاهي بكل اناقه هوه ونجماته وشواربه اليوكف عليهن صكر مو بيدي بس كلبي كام يدك بسرعه وجتني الرجفه بس حاولت ابين نفسي قويه وصل يمي وكال بصوته الخشن....صباح الخير

حور....هلا

رد عليه....شو من وره خشمج

كتله بعصبيه....بعد ما انكشف كلشي صرت تجي هنا ولا عبالك وكاشخ بكل قوتك حتى يباوعلك البنات

عكد حواجبه ورد عليه بنبره بيها عصبيه....اني كم مره كايلج لسانج لطولي وياي لا ترى اشوفج وجهي الثاني لان صبري بده ينفذ وياج

حور....من يوم الشفتك بس تتوعدلي خلص اني تعبت منك عوفني

وخر الجكاره من حلكه وطفاها برجله وكال....سمعيني زين يبت الناس عرضي بعده واحسلج وافقي ترى تعرفين شيصير ومشه عني

خلاني وحدي احارب افكاري

                            ......مشهد ثاني.......

اجه بتجاهي نبت اصابيعه بوجهي وكلي....اني مو كتلج اللعب بنار يأذي

تاره كتله من بين دموعي .....كافي عوفني شنو انته ما ضلت رحمه بكلبك كتلك راح اسويلك كلشي اطلبه بس طلعني من هاي الشقه كامت تخنكي بعد ما اتحمل

رد عليه بأبتسامه مستفزه.....اني طفله تضحك عليه افااا اذا ما اخليج تتمنين الموت

                          .... مشهد ثالث ....

ماحسيت غير اجه مثل الاسد ضرب الولد وكعه بالكاع التموا الطلاب حتى يخلصون الولد من ايده بس هو يا جبل الماتهزه ريح طويل وضخم محد يكدرله

عاد شاف الولد راد يموت يله عافه بهل اثناء اجو الشرطه رادوا يجرو كبل وكف بوجهم راواهم هويته همه سكتوا ووجهم صار اصفر الشرطي كال....براحتك سيدي

اني واكفه اراقب الجاي يصير وما بيدي اسوي شي من شفته جاي بتجاهي احس الدم وكف بيه جرني من ايدي وحجه من بين اسنونه وكال....اني اعلمج

وهذني جانن مشاهد بسيطه جدا من الروايه

لاتنسون التصويت احبكم ⭐💋

اختكم الكاتبه قمر💁‍♀️💕

ودمتم في حفظ الرحمن💜✔