في ثنايا صدره

بارت 6

السلام عليكم ورحمه الله وبركاته

#في ثنايا صدره

بقلم :همسات معذبه

العمر فرصة مدارس عاليتيمات
وضاع بصفنه وحده اعله الحوانيت

***************

رحت ركض ع سهاد ،،دكيت الباب ودخلت،،حماي بالدوام ونادرا مايتواجد بالبيت،،ف اني اعرف ماكو احد يمها ،،

لكيتها كاعده ترتب بالملابس،،والكنتور مفتوح كدامها ،،

:سوسو

سهاد :هاا خيرج ؟شمسويه هالمره

غرور :ممسويه شبيج وياي

احجي وارمش بعيوني،،ع اساس نضره البراءه وكذا

سهاد :البراءه متبريه منج اليوم الدين،،احجي شعندج خلصيني

غرور :ضالميني تراا

سهاد :اي وبعدين !

غرور :عوفي الهوسه هاي وامشي وياي

سهاد :وين على الله شناويه هالمره

غرور :نروح الهنادي،،ااا اقصد نتحمد السلامه الامير

رصت عيونها مبتسمه ..

:تردين تصالحينها صح

هزيت راسي بأي،،نفضت حضنها ولفت حجابها ع راسها وسحبتني وياها

اخذتني ركض، ،،ودخلت ع بيتهم بعد فتره طويله، ،،لگينه امير يصلي،،

انتضرناه خلص صلاة وسلمنه عليه، ،وهوه رحب خطيه وفرح بجيتنه، ،

صاح هنادي بس شافتني بتسمت بخجل ،،حسيت بحيرتها متعرف شتسوي ،، سلمت عليها كأنو ماصاير شي،،ماردت احسسها واذكرها بالي صار،،

وفعلا رحبت بيه وقدمت العصير وهيه تضحك وفرحانه ،،والحمد لله رجعنه سويه، ،عايله وحده،،اتصالحنه بعد فتره طويله من الخصام ..

ومرت ايامنه هاديه،،صارت هنادي تمرنه بين فتره وفتره تتطمن على سهاد وحملها ،،

ماطولت هواي واجتها الطلوگه بالليل بس هيه تعرف نفسها كالت

:اصبر للصبح احسن حتى بس اروح اجيب ماطول

وضلت للصبح منايمه ،،اخذها زوجها مازن وعمتي وسجاد وياهم ،،

بقيت ع تواصل ويا سجاد الى ان جابت الحمد لله ،،ربي سهللها وصارت البنوته ..

خطيه كلش تعبت بولادتها،،رجعوها الضهر،،لگوني مجهزه الفراش ومحضره الغده ومكمله كلشي كدامهم ..

تلگيناها بالباب بفرحه اني والجهال،،شكلها كلش متأذيه وتتلوه ،،

هنادي هماتين جانت جايبه قبلها بأيام ، ،،وهم صار عدها بنوته حليوه ، ،بس الفرق هيه مو ويانه بالبيت ،،لذلك فرحتنه بسهاد وبتها اكثر،،لان صار عدنه طفل نلعب عليه بالبيت ،،..