الرهان

part 4

وصلنا في الحلقة السابقة إلى انتظار الرد على طلب آية
لما رجع سيد من الشغل والاكل كان جاهز وكله كان قاعد على السفرة
سيد :أخبار الدنيا كيف كان اليوم
الكل وفي صوت واحد الحمد لله تمام وكملوا اكل
بعد الأكل سيد وسلوى دخلوا الغرفة
سلوى :بنتك شافت صاحبتها معاها موبايل جديد وعايزة واحد
سيد ويبدوا الغضب على ملامحه
ومن امتى العيال تمسك موبايلات لمي بنتك بدل ما اكسر راسها والموضوع ده منهي عندهم الكمبيوتر ويذاكروا عليه أخواتها الأولاد مش ماسكين انا مش ناقص دي واحدة في شهادة اعدادية المفروض تطحن نفسها مذاكرة علشان تدخل ثانوي
سلوى خرجت وقالت شفتي خليتي ابوكي يتخانق معايا بسببك لمي الدور
محمود :هههه مش قلتلك أحسن تستاهلي
آية:كل حاجة لا ايه العيشة دي وقعدت تبكي
أحمد:بس يا آية ده انا ما أخدتش موبايل غير في الجامعة أدخلي ثانوي ياستي وانا هجيبلك واحد
أما عمر اخذ فلوس الدرس وراح يحضر الحصة دخل متحمس وعايز يعرف أصدقاء جدد ومش مهم الحصة أساسا
الأستاذ:هبدأ شرح كله يركز ومش عايز صووت ومحدش يفتح موبايله أثناء الحصة وبدأ شرح .
الدرس كان طويل جدا والاستاذ قعد يشرح ساعتين وغمر زهق وبعد ما خلص اتعرف على واحد اسمه علي
علي :انا ساكن هنا في الشارع اللي ورا
عمر :أهلا بيك يابطل
علي :انا هروح اشتري المذكرة هتيجي
عمر :لا مش مهم طالما فهمت
علي :معايا فلوس لو عايز
عمر :لا والله معايا بس مش بحب الورق
انا هروح على القهوة شوية
عمر هو وماشي واحد شده عمر اخبارك
عمر:لؤي فينك ياعم
لؤي صاحب عمر ونفس طبعه
عمر :بقولك انا رايح القهوة تيجي
لؤي :وماله يلا بينا
بعد ما وصلوا القهوة  عمر رأى عبدالله ابن خالته وكان مرتبك
عبدالله وهو خريج سياحة وفنادق
أخبار ياعمر وليه قاعد هنا
عمر :أهلا بيك بس بالله عليك ولا كأنك قابلتني  عشان ما تزعلش
عبدالله :والله انت ما بتخاف يابن خالتي

عمر : وانت مالك ؟؟!
وعبدالله كان هيضربوا وطلع يشكي لخالته ويحكي لها اللي حصل
وهي كانت غاصبة جدا  ده قاال إنه رايح الدرس الكذاب !
رجع عمر بالليل وكان عبدالرحمن رجع من ااكسكز
الهام اخبار الدرس يا عمر وهي تبتسم ابتسامة صفراء
عمر: ببرود شديد ولا مبالاة  حلو بس طويل ده حتى كنت بجاوب مع الأستاذ
الهام :طيب كويس مال فين المذكرة اللي قولت هتشتريها؟!
عمر:اممممم ما النهاردة كانت مراجعة على القديم ومقدمة والاستاذ قال الحثة اللي جاية
الهام:كداب
عمر :ياربي انتِ عايزة ايه بصي انا فااااشل ومش عايز اتعلم تقدري تسكتي ؟
الهام :والدروس والمصاريف دي ليه
عمر قعد يصرخ  والله لامشي من البيت ده
عبدالرحمن ولأول مرة ضرب عمر ضرب مبرح وطرده من البيت
عبدالرحمن:يلا اطلع كمل فشل وشوف لك بيت غير بيتي انا مش معايا غير بنت واحدة وطلع عمر من البيت
محمود كان عند خالد بيذاكروا مع بعض وبعدماخلصوا مذاكرة ومحمود راجع البيت قابل عمر
محمود :عمر مالك ليه قاعد كده
عمر :ابويا طردني من البيت عشان عرفوا اني كنت على القهوة والله وعبدالله ليشوف لاقطع عجلة العربية بتاعته عشان يفتن عليا براحته ها
محمود :طب وهتروح فين دلوقتي
عمر:مش عارف يمكن اروح عند لؤي
محمود:ماشي ابقى تعالى المدرسة بكرة سلاام
سيد كان راجع البيت وقابل محمود وشافه هو ويكلم عمر
سيد:محمود كنت فين
محمود:عند خالد بنذاكر
سيد :عمر مش كويس ما اشوفكش قاعد معاه تاني ولو شفتك مش هيحصل كويس !
محمود :حاضر يابابا ورجعوا على البيت
أما عمر فكلم لؤي وطلب منه يقصي معاه الليلة دي ولؤي طبعا كان سعيد جدا
لؤي:تنورني ياباشا مستنيك
عمر راح مع لؤي وحكى له اللي حصل لغاية ما نورا والدة لؤي تحضرلهم الاكل
عمر:الله اكل مامتك جميل جدا يالؤي تسلم ايديها
لؤي:بالهنا ياغالي
وبعد ما خلصوا أكل عمر يلا نلعب دور بابجي
لؤي:معاك يابرنس
نورا:ذاكروا بدل اللعب والكلام الفاضي ده!
لؤي :اه حاضر
عمر :هههه حتى أمك يا اخي انا زهقت من التعليم والدنيا بحالها والله هات ياعم اللاب خلينا نلعب بلا هم
قعدوا يلعبوا اكتر من ساعتين وبعدين لؤي قاله لازم ننام دلوقتي عشان المدرسة بكرة وانت لازم تروح يا اما هيجي جواب انذار على البيت
عمر وافق واهو بالمرة يعمل كام مصيبة هناك ونكمل في الحلقة القادمة